2 Rapajko 21:12 - সান্তালী বাইবেল

¹² Onate iń Israelren Probhu Isoriń meneda, iń do usạrage Jerusalem ar Jihudạ cetanre nonkan muhiniń ạguiya, ar ona reakʼ katha okoeko ańjoma onko sanamgeko thar tharaokʼa.

2 Rapajko 21:12 Referans Kwoze

Jirimiạ 19:3

Ona katha do hoyokʼkana, ‘E Jihudạren rapajko ar Jerusalemren hoṛko, iń Israelren Isor phạdkoren Probhu okaṭakʼ kathań roṛetʼkan ona ańjompe. Iń do niạ ṭhạ̃i cetanre nonkan ghoṭnań paṛao ocoya, ona ańjomkate onko mimitʼkoakʼ lutur do tiṅgitʼ utạrokʼtakoa.

1 Samuel 3:11

Probhu Isor do Samuele metadea, “Ńelme, Israelko talare nonkanakʼ iń cekae lạgidokʼ kana one uniyakʼ katha ańjomte sanamkoko comkao rakabokʼ.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Amos 3:2

“Dhạrtiren sanam jạtrenko tala khon iń do eken apegeń bachao akatʼpea; ar onate apeakʼ sanam kại iạte apegeń sạjạipea.”

Daniel 9:12

Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Jeheskel 7:5

Probhu Isor do nonkae meneda, “Muhin! Mitʼṭecʼ maraṅ muhinge hijukʼ kana!

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.