2 Rapajko 20:5 - সান্তালী বাইবেল

⁵ “Am do ruạṛ senkate ińren hoṛkoren mukhiyạ Hiskiạm metaea, amren hapṛam Dạudren Probhu Isor do niạ kathae meneda, ‘iń do amakʼ koejoṅiń ańjom akada ar amakʼ mẽtʼ dakʼ iń ńelakada. Iń do amiń bogemea. Ar ńitokʼ khon pe din hilokʼre am do Probhu Isorakʼ oṛakʼtem calakʼa.

2 Rapajko 20:5 Referans Kwoze

1 Samuel 9:16

“Gapa niạ jokhecʼ Benjạmin gusṭiren mitʼṭen hoṛ do am ṭheniń kolea. Ar am do ińren hoṛko metakʼme Israelkoren mukhiyạ hoyokʼ lạgitʼ unigem ojokʼ bahalea. Unige Philistikoakʼ ti khon ińren hoṛkoe bańcaokoa. Iń do ińren hoṛko secʼ iń moneakada, ente onkoakʼ rakʼjoṅakʼ do ińakʼ lutur hạbicʼ seṭer akana.”

Jesaea 38:5

“Am do senkate Hiskiạm metaea, amren hapṛam Dạudren Probhu Isor do niạ kathae meneda, ‘amakʼ koejoṅiń ańjom akada ar amakʼ mẽtʼ dakʼ iń ńel akada; iń do amakʼ bahaokʼ din arhõ gelmõṛẽ bochor iń jutucʼatʼtama.

Sereńko 39:12

E Probhu Isor, ińakʼ koejoṅ ańjomtińme; ar goṛowạń lạgitʼ ińakʼ rakʼ joṅ ańjomtińme; ińakʼ mẽtʼ dakʼ ńelte am do alom thir hapekokʼa; ente ińren sanam hapṛamko cetʼlekako tahẽkan onkage ińhõ dhạrtire upriạ hoṛko leka minạńa.

2 Rapajko 19:20

Unre Amosren hopon Jesaea do Hiskiạ ṭhen niạ kathae kolkeda, “Israelren Probhu Isore meneda, Asurren raj Senakerib reaṅ amakʼ koejoṅ do uniye ańjom akada.

Sereńko 126:5

Mẽtʼ dakʼ joro jorote okoe do itạko eretʼkan onko hõ hulạs salakʼko ira.

Sereńko 147:3

Rạputʼ monanko doe bogeyetʼkoa; ar onkoakʼ sanam ghaokoe tolkatako kana.

Sereńko 56:8

Tinạkʼ dhaoiń ńir baṛa akatʼ ona mam baḍaege; ińakʼ mẽtʼ reakʼ mẽtʼ dakʼte amakʼ kupi perejtam. Noako do cetʼ amakʼ puthire ol bạnukʼa.

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”

Johan 5:14

Ona tayom Jisu do mundilre uni hoṛ ńel ńamkedeteye metadea, “Ńelme, am dom boge akana. Ar alom kạiya, jemon jãhãnakʼ bạṛicʼ alo hoyokʼtam.”

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

Ibriko 2:10

Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.

Sereńko 65:2

E koejoṅ ańjomicʼ, am ṭhenge sanam manwa doko hijukʼa.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jesaea 38:22

Unre Hiskiạ do noa hõe menletʼ tahẽkana, “Probhu Isorakʼ oṛakʼteń sen daṛeakʼ reakʼ cinhạ do cetʼkana?

2 Samuel 5:2

Sạul do aleren raje tahẽkanre Israelkoren lạṛhại phạdko do amgem ạyuretʼko tahẽkana; ar Probhu Isor do amgeye metatʼme tahẽkana acʼren hoṛko, metatʼme Israelko ńel todarotkom ar onkoren mukhiyạ hoyokʼme.”

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

2 Bõsbudạ 13:12

Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

Luk 18:10

“Barea hoṛ do koejoṅ lạgitʼ mundiltekin rakapʼ calaoena. Unkin modre mitʼ hoṛ do Phạrusi ar eṭagicʼ do mạsul-uṭhạuicʼe tahẽkana.

1 Rapajko 9:3

Probhu Isor do uniye metadea, “Am okaṭakʼ koejoṅ ar nehõrem dohoakatʼ ona doń ańjom akada. Amakʼ benaoakʼ niạ mundil do jaejug hạbicʼ ińakʼ tahen oṛakʼ lekate iń ńutumteń begar dohoakada. Niạ cetanre ińakʼ mẽtʼ ar mon do jao okte tahentińạ.

2 Rapajko 20:4

Ar Jesaea do raj oṛakʼ reakʼ tala raca ạuriye paromokʼrege uni ṭhen Probhu Isorakʼ niạ katha sodorena,

Sereńko 107:20

Acʼakʼ katha kolkate onkoe bogeketʼkoa; uni do ghaḍlakʼ khone owarketʼkoa.

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Exodus 3:9

Israelkoakʼ rakʼjoṅ do ńitokʼ iń ṭhen seṭer akana. Misorrenko ṭhen cetʼlekako santao ocokʼkan ona doń ńelakada.

Sereńko 6:10

Ińren bạiriko do sanamkogeko lajao ocokʼa arko botorokʼa; onko doko ruạṛokʼa, ar ackage lajaoreko paṛaokʼa.

Sereńko 34:18

Okoeyakʼ mon rạputʼ akantako Probhu Isor do onko ṭhengeye tahena; okoeyakʼ ontor talga tạwạkʼ akan onko doe bańcaokoa.

Sereńko 56:9

Tinre amiń hohowama, unre ińren bạiri doko dạṛ pạnḍuja; ińiń baḍaea Isor do iń secʼge menaea.

Sereńko 65:3

Ińakʼ bedhoromakʼ kạmire iń doń tạpukʼ akana, Menkhan amge aleakʼ sanam kạikom ikạyetʼtalea.

Sereńko 119:26

Ińakʼ jion reakʼ sanamakʼ doń baḍae ocoakatʼmea, ar am do ińem roṛ ruạṛ akadińạ; amakʼ ạnre sikhạuna emạńme;

Jesaea 19:22

Ar Probhu Isor do Misorren hoṛkoe ńẽtʼkoa; uni doe ńẽtʼkoa ar boge hõe bogekoa. Onko do Probhu Isor secʼko ạcurokʼa, ar uni do onkoakʼ nehõre ańjomtakoa are bogekoa.