2 Rapajko 2:9 - সান্তালী বাইবেল

⁹ Arkin parom calaoen khan Eliạ do Elisaye metadea, “Lạiyạń me, am ṭhen khon ạuriń rakapʼ ocokʼre iń do am lạgitʼ cetʼ iń cekaea?” Elisaye roṛ ruạṛkeda, “Amakʼ jiu reakʼ dobṛa baṛe ińre paṛaokʼma.”

2 Rapajko 2:9 Referans Kwoze

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Dosar Biboron 21:17

Ar bạhu bae dulạṛedekanren hoponge acʼakʼ sompotti reakʼ eṭakʼ hopon khon bar doboṛ emkate unige pạhilicʼ hopon mente aṅgoce hoyokʼtaea. Ente uni hoponkangeae apattetʼakʼ daṛe reakʼ pạhilicʼ jo do. Ar pạhil hopon reakʼ ạidạri do unigeye ńama.

Johan 16:7

Enre hõ sạri kathageń lạiyape kana, ińakʼ calakʼ do ape lạgitʼ bhagegea, ente bạń senlen khan uni sohotʼicʼ do ape ṭhen bae hijukʼa. Menkhan ińiń senlenre uni do ape ṭheniń kolea.

Aposkạmi 8:17

Unre Patras ar Johan do onkokin capoketʼkoa, ar onko do sonot Jiuko ńamkedea.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Numeri 11:25

Unre Probhu Isor do ona rimilreye pheḍ hecʼente Mose sãoteye galmaraokeda. Ar Mose cetanre okoe Jiue tahekan uni do onko eaegel murubbiko cetanre hõe emena. Ar tinre uni Jiu onkoreye hecʼena unre onko do thoṛa ghạṛicʼ lạgitʼ nạbi lekate kathako roṛkeda.

1Timothi 5:17

Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

1 Korinthiko 12:31

Bickomiń mena, ape do joto khon jạruṛanakʼ danko ńam baṛae lạgitʼ gagojokʼpe. Iń do soros utạrakʼ ar mitʼṭecʼ hor iń udukʼape kana:

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Sakariạ 9:12

E aste perecʼ bondi akanko, ape do apeakʼ gaṛte ruạṛ calakʼpe; teheń iń doń kiriạkʼkana, ape do bar doboṛiń bhorapea.

Sereńko 72:20

Jisạiren hopon Dạudakʼ sanam koejoṅ do nonḍege mucạtʼ akana.

1 Rapajko 3:9

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

Dosar Biboron 34:9

Nunren hopon Josua cetanre Mose do tiye capoade tahẽkante uni do ạkilte ar Jiuteye perecʼena. Onate Israelko do uniyakʼ katha leka calakʼko ehopʼena ar Probhu Isor Mose hotete okae hukumletʼ ona dokʼhoko ehopʼena.

Sereńko 72:1

E Isor, bicạr reakʼ okaṭakʼ ạidạri menakʼtam ona do nui rajge danaeme; nui raj hopon do amakʼ akelge emae me;

1 Rapajko 19:16

Ona chaḍa Nimsiren goṛomtetʼ koṛa Jehu do Israelren raj mentem ojokʼ bahalea, ar amakʼ hudạre nạbi hoyokʼ lạgitʼ do Abel Meholaren Saphat hopon Elisayem ojogea.