2 Rapajko 2:7 - সান্তালী বাইবেল

⁷ Eliạ ar Elisae do jordan gaḍa aṛere senkate kin teṅgoyen khan unkin khon thoṛa sạṅgiń ńokʼre mõṛẽgel cela-nạbiko hõ hecʼkateko teṅgoyena.

2 Rapajko 2:7 Referans Kwoze

2 Rapajko 2:17

Menkhan onkoko jormoṭkede khan lajaoenteye metatʼkoa, “Ṭhikgea, Do calakʼpe.” Unre onko mõṛẽgel hoṛko do Eliạ sendraye lạgitʼko calaoena. Ar pe din hạbicʼko sendrakedea ar bako ńamledea.

1 Rapajko 18:13

Isebel do tinre Probhu Isorren nạbikoe gocʼ giḍiyetʼko tahẽkana unre ińiń ceka akatʼ reakʼ do cetʼ ińren mạlik bae ańjomakada? Probhu Isorren nạbiko modren mitʼsae hoṛ do mõṛẽgel mõṛẽgelkate barea danderreń oko doholetʼkoa ar onkoakʼ jomakʼ ar dakʼ hõń bebosta akokan tahẽkan.

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

2 Rapajko 2:15

Jerikhoren okoe nạbiko onḍeko teṅgo akan tahẽkan onko do Elisae hijukʼko ńelkede khanko menkeda, “Eliạren jiu do Elisae cetanreye thamgạḍi akana.” Onko do Elisae sãote ńapamokʼ lạgitʼko senena ar otre ombakʼkate ḍobokʼ adeteko metadea,

2 Rapajko 2:16

“Ale do amren mõṛẽgel daṛean gutiko nonḍe menakʼlea; ale do senkate amren mạlik le sendra ạguiyea. Hoedaṛeakʼa Probhu Isorren Jiu do uni rakapʼ idikate jãhãn buru se jãhãn soḍokʼreye doho oṭoakadea.” Elisae doe menkeda, “Baṅ, alope calakʼa.”

1 Samuel 10:5

“Ona tayom am do Gibea-elohim nagrahatem calakʼa. Onḍe do Philisṭiren lạṛhại phạdkoakʼ mitʼṭecʼ ḍera menakʼa. Ar nagrahatem seṭerlen khan nonkan mitʼ dol nạbiko sãotem ńapamokʼa onko do Isorakʼ emakʼ katha roṛ roṛte sewae reakʼ cetan jaega khonko pheḍ hijukʼa. Ar onko dolren samaṅ secʼren hoṛko do binạ banam, peṛesaṅ, tiriạ ar tabla ru-ruteko calakʼa.

1 Rapajko 20:35

Probhu Isorakʼ hukumte cela-nạbiko modren mitʼ hoṛ do acʼren sãotenicʼe metadea, “Dayakate daleńme baṛe.” Menkhan uni hoṛ do bae rạjilena.

2 Rapajko 4:1

Ar cela-nạbiko modren mitʼṭen maejiu do ãṭ aṛaṅte Elisaeye metadea, “Amren guti ińren jãwãeye gocʼakan ona dom baḍaegea, uni do Probhu Isor botorae hoṛe tahẽkana. Menkhan ńitokʼ iń jãwãeren mitʼṭen paonadar do ińren hoponkin acʼren golame hoyocokine mente unkin idikin lạgitʼe hecʼakana.”

2 Rapajko 5:22

Gehosiye menkeda, “Jotowakʼge ṭhikgea. Menkhan ińren kisạ̃ṛ do niạ katha lạiyam lạgitʼe kolakadińạ, Ephrayim buru ṭoṭha khon cela-nạbiko modre bar hoṛ do ńitge uni ṭhen kin seṭer akana. Onate dayakate am do unkin lạgitʼ pegel are keji rupạ ar bar joṛa kicricʼ baṛe emokʼme.”

2 Rapajko 6:1

Mitʼdin cela-nạbiko do Elisaeko metadea, “Ńelme, oka jaegare am sãote duṛupʼkatele galmarao ona jaega abo lạgitʼ do huḍińgea.

2 Rapajko 9:1

Elisae do cela-nạbiko mod khon mitʼ hoṛ hohoadeteye metadea, “Ḍanḍa paṭhe keṭejme ar niạ sunum cukạkʼ hataokate am do Ramot-Gileadte calakʼme.

Amos 7:14

Amos do Amasiại roṛ ruạṛdea, “Iń do nạbi hõ bạń tahẽkana, ar nạbiren celahõ bạń tahẽkana; iń do mitʼṭen gupiyicʼgeń tahẽkana, ar loa darekoń ńel todarotetʼ tahẽkana.