2 Rapajko 2:6 - সান্তালী বাইবেল

⁶ Inạ tayom Eliạ do uniye metadea, “Am do nonḍege tahẽ hataṛokʼme; Probhu Isor do jordan gaḍa hanasa parom calakʼe mitạńkana.” Uniye roṛ ruạṛkeda, “Jiwetʼ Probhu Isor ńutumte ar amakʼ jiwi ńutumteń kiriạkʼ kana, iń do bạń bạgiwama.” Onate unkin do calakʼtege kin tahẽyena.

2 Rapajko 2:6 Referans Kwoze

2 Rapajko 2:2

Eliạ do Elisaye metadea, “Am do nonḍege tahẽ hataṛokʼme; Probhu Isor do Bethelte calakʼe menakawạdińa.” Elisae doe menkeda, “Jiwetʼ Probhu Isor ńutumte ar amakʼ jiwi ńutumteń kiriạkʼ kana am do bạń bạgiwama.” Onate unkin do Bethelte kin senena.

Josuạ 3:15

Phosol samṭao reakʼ purạ okte jordan gaḍa reakʼ dakʼ do ḍhip khon se oḍokʼkan tahẽkana. Menkhan goha-sinduk gogokʼ naekeko do jordan gaḍa ṭhen seṭerkate dakʼreko boloyen khan cetan khon ạtu hijukʼkan dakʼ do thir hapeyena. Ona dakʼ do sạṅgiń reakʼ Sartham nagraha sor Adam ato ṭhen dun dun teṅgoyena; onate dakʼ do Araba doreão secʼ, metakʼme buluṅ doreão secʼ ạtu calakʼ do thirena. Onate Israelko do Jerikho nagraha reakʼ samaṅ secʼte gaḍako paromena.

Josuạ 3:8

Am do goha-sinduk gokʼ idiyetʼkan naekekom metakoa jordan gaḍa ḍhipre seṭer tayom jemon laha ńokʼ senkate dakʼre teṅgo akaeko tahen.”

1 Samuel 20:3

Menkhan Dạud do arhõ kiriạkateye menkeda, “Abenren baba do bhagetegeye baḍaea aben do ạliń ben dulạṛetʼ lińạ. Onate pasecʼ uni do mone moneteye hudiseda, Jonathan noa babotre baṅ baḍae ocoyege bhagea, ente uni do duke ńama. Menkhan jiwetʼ Isor ńutumte ar abenakʼ jiwetʼ leka ạliń ar gujukʼ talare do eken mitʼ taṛamge pharak menakʼa.”

Genesis 22:6

Noa menkate Abraham do jeredokʼ samaṅokʼakʼ lạgitʼ sahan bojha do acʼren hopone gokʼadea ar acʼ do seṅgel ar chorae hataokeda. Ar ona tayom do mitʼte taṛamkin ehopʼena.

Genesis 22:8

Abrahame menkeda, “E beṭa, Isorge jeredokʼ samaṅokʼren dãṛẽ lạgitʼ bheḍa hopone jogaṛ alaṅa.” Ar noako katha roṛ roṛte unikin dokin laha idiyena.

Rut reakʼ kạhini 1:16

Menkhan Rute menkeda, “Ńelben, aben bạgikate calakʼ lạgitʼ do alo ben jormoṭ lińạ, se aben sãote senokʼ lạgitʼ hõ alo ben baron lińạ. Aben okate ben calakʼa ạliń hõ onḍege liń calakʼa ar okare ben tahena ạliń hõ onḍege liń tahena. Abenren hoṛge ạlińren hoṛko hoyokʼa ar abenren Isorge ạlińren Isore hoyokʼa.

1 Samuel 1:26

Hannae menkeda, “E baba, amge ińren goha dohokateń kiriạkʼ kana, iń kangeạń uni maejiu do one am samaṅre nonḍe teṅgokate Probhu Isor ṭheniń koejoṅkan tahẽkan.

2 Rapajko 4:30

Menkhan gidrạren eṅgattetʼ doe menkeda, “Jiwetʼ Probhu Isor ar amre kiriạkateń meneda, iń do bạń bạgiwama.” Onate Elisae doe beretʼente maejiu tayom tayomteye calaoena.