2 Rapajko 2:5 - সান্তালী বাইবেল

⁵ Jerikhoren cela-nạbiko do Elisae ṭhen senkateko menkeda, “Am do cetʼ bam baḍaea, Probhu Isor do teheń amren mạlik do am ṭhen khone idiyea mente?” Elisae roṛ ruạṛkeda, “Hẽ, baḍaegeạń. Ar niạ babotre ape do ar jãhãnakʼ cetʼge alope roṛa.”

2 Rapajko 2:5 Referans Kwoze

2 Rapajko 2:3

Bethelren cela-nạbiko do Elisae ṭhen senkateko menkeda, “Am do cetʼ bam baḍaea, Probhu Isor do teheń amren mạlik am ṭhen khone idiyea mente?” Elisaye roṛ ruạṛkeda, “Hẽ, baḍaegeạń. Ape do niạ babotre ar jãhãnakʼ cetʼge alope roṛa.”

Aposkạmi 1:11

E Gạlilren hoṛko nonḍe teṅgokate serma secʼ do cedakʼpe beṅgetʼ akada? Okoe ape ṭhen khone rakapʼ ocoyen ar cetʼleka sermate calakʼkanpe ńelkede onkage uni doe ruạṛ hijukʼa.”

Luk 24:51

Are bhorakokan tulucʼge onkoe bạgiyatʼkoa ar sermateye rakapʼ idi ocoyena.

Habakkuk 2:20

Menkhan Probhu Isor do acʼakʼ sonot oṛakʼre menaea; sanam dhạrti do uni samaṅre hapeakan tahenma.”

Jesaea 41:1

Probhu Isore meneda, “E sạṅgiń disạmren hoṛko, iń samaṅre thir hape akae tahenpe. E jạt jạtrenko, ape do nãwã daṛepe ńama; ape do hecʼ sorokʼpe ar katha roṛpe. Dela, bicạr lạgitʼ mitʼ sãote bon jarwakʼ ma.

Sosolhayic̕ 3:7

oṛecʼ giḍikakʼ okte ar rog lạgitʼ okte, thir hapekokʼ okte ar roroṛ lạgitʼ okte,

Genesis 48:19

Menkhan apattetʼ doe menkeda, “Iń doń baḍaegea. Uni hõ maraṅe hoyokʼa ar uni bõsren hoṛ do mitʼ jạtrenko hoyokʼa. Menkhan huḍińicʼ boeha do uni khon hõ maraṅe hoyokʼa ar uni bõsren hoṛko khon ạḍi utạr jạtrenko hoyokʼa.”

Aposkạmi 26:25

Unre Pạule menkeda, “Manotan Phestus, iń do bạń pagla akana. Okań roṛetʼkan ona do sạriyakʼ ar soteteakʼ kathageń roṛeda.

1 Samuel 10:5

“Ona tayom am do Gibea-elohim nagrahatem calakʼa. Onḍe do Philisṭiren lạṛhại phạdkoakʼ mitʼṭecʼ ḍera menakʼa. Ar nagrahatem seṭerlen khan nonkan mitʼ dol nạbiko sãotem ńapamokʼa onko do Isorakʼ emakʼ katha roṛ roṛte sewae reakʼ cetan jaega khonko pheḍ hijukʼa. Ar onko dolren samaṅ secʼren hoṛko do binạ banam, peṛesaṅ, tiriạ ar tabla ru-ruteko calakʼa.

Amos 7:14

Amos do Amasiại roṛ ruạṛdea, “Iń do nạbi hõ bạń tahẽkana, ar nạbiren celahõ bạń tahẽkana; iń do mitʼṭen gupiyicʼgeń tahẽkana, ar loa darekoń ńel todarotetʼ tahẽkana.

1 Rapajko 20:35

Probhu Isorakʼ hukumte cela-nạbiko modren mitʼ hoṛ do acʼren sãotenicʼe metadea, “Dayakate daleńme baṛe.” Menkhan uni hoṛ do bae rạjilena.

2 Rapajko 4:1

Ar cela-nạbiko modren mitʼṭen maejiu do ãṭ aṛaṅte Elisaeye metadea, “Amren guti ińren jãwãeye gocʼakan ona dom baḍaegea, uni do Probhu Isor botorae hoṛe tahẽkana. Menkhan ńitokʼ iń jãwãeren mitʼṭen paonadar do ińren hoponkin acʼren golame hoyocokine mente unkin idikin lạgitʼe hecʼakana.”

2 Rapajko 5:22

Gehosiye menkeda, “Jotowakʼge ṭhikgea. Menkhan ińren kisạ̃ṛ do niạ katha lạiyam lạgitʼe kolakadińạ, Ephrayim buru ṭoṭha khon cela-nạbiko modre bar hoṛ do ńitge uni ṭhen kin seṭer akana. Onate dayakate am do unkin lạgitʼ pegel are keji rupạ ar bar joṛa kicricʼ baṛe emokʼme.”

2 Rapajko 6:1

Mitʼdin cela-nạbiko do Elisaeko metadea, “Ńelme, oka jaegare am sãote duṛupʼkatele galmarao ona jaega abo lạgitʼ do huḍińgea.

2 Rapajko 9:1

Elisae do cela-nạbiko mod khon mitʼ hoṛ hohoadeteye metadea, “Ḍanḍa paṭhe keṭejme ar niạ sunum cukạkʼ hataokate am do Ramot-Gileadte calakʼme.