2 Rapajko 2:21 - সান্তালী বাইবেল

²¹ Elisae do unre dakʼ reakʼ jharna ṭhen senkate onare buluṅe chiṭiạuatʼteye menkeda, “Probhu Isore meneda, ‘iń do noa dakʼ iń bogekeda. Noa dakʼ do ar tisge baṅ gujukʼa ar gidrạko hõ bako nosṭokʼa.’ ”

2 Rapajko 2:21 Referans Kwoze

2 Rapajko 4:41

Unre Elisae menkeda, “Thoṛa holoṅ ạguiype.” Uni do ona holoṅ ona ṭukucʼre erketʼteye menkeda, “Ńitokʼ do hoṛko jom ocokope.” Onate ṭukucʼre tahẽkan bạṛicʼakʼ do caba utạrena.

Levitikus 2:13

Jomakʼ samaṅokʼakʼ lạgitʼ okako jinis ạgukʼ onare do buluṅ emakʼ hoyokʼa. Israelren Isor onko lạgitʼ oka bondobose dohoakatʼ onate jomakʼ samaṅokʼakʼre buluṅ do baṅ badkakʼ hoyokʼa; joto lekan samaṅokʼakʼre buluṅ do emakʼtege hoyokʼa.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Johan 9:6

Ado noa menkate uni do otreye thokeda ar losotʼe benaokeda. Ar ona tayom do uniyakʼ mẽtʼre thopramadeteye metadea,

2 Rapajko 6:6

Unre Isorren hoṛe kulikedea, “Ona do okare ńur akana?” Uni do ona jaegae udukʼketʼ khan Elisae do mitʼṭecʼ kaṭ ạgukate onḍeye capatʼ khadlekada ar onate ṭeṅgocʼ do cape rakapʼena.

Mark 9:50

“Buluṅ ma bogege, menkhan sabakʼlen khan cekate ona do arhõ rahamkokʼa? Apeakʼ ontorre buluṅ tahentapema ar sanamko tulucʼ sulukte tahenpe.”

Mathae 5:11

“Bhạgangeape iń iạte hoṛko opoman arko santao lepere ar ạuṛiyakʼte sanam lekan bạṛicʼakʼ reaṅko roṛlepere.

2 Rapajko 2:20

Elisae menkeda, “Iń ṭhen mitʼṭecʼ nãwã cukạkʼ ạgukate onare thoṛa buluṅ dohoype.” Unre onko do uni ṭhen onako ạgukeda.

2 Rapajko 2:22

Elisaeakʼ katha leka teheń hạbicʼ ona dakʼ do mońjge menakʼa.