2 Rapajko 2:2 - সান্তালী বাইবেল

² Eliạ do Elisaye metadea, “Am do nonḍege tahẽ hataṛokʼme; Probhu Isor do Bethelte calakʼe menakawạdińa.” Elisae doe menkeda, “Jiwetʼ Probhu Isor ńutumte ar amakʼ jiwi ńutumteń kiriạkʼ kana am do bạń bạgiwama.” Onate unkin do Bethelte kin senena.

2 Rapajko 2:2 Referans Kwoze

2 Rapajko 2:6

Inạ tayom Eliạ do uniye metadea, “Am do nonḍege tahẽ hataṛokʼme; Probhu Isor do jordan gaḍa hanasa parom calakʼe mitạńkana.” Uniye roṛ ruạṛkeda, “Jiwetʼ Probhu Isor ńutumte ar amakʼ jiwi ńutumteń kiriạkʼ kana, iń do bạń bạgiwama.” Onate unkin do calakʼtege kin tahẽyena.

2 Rapajko 4:30

Menkhan gidrạren eṅgattetʼ doe menkeda, “Jiwetʼ Probhu Isor ar amre kiriạkateń meneda, iń do bạń bạgiwama.” Onate Elisae doe beretʼente maejiu tayom tayomteye calaoena.

2 Rapajko 2:4

Inạ tayom Eliạ do uniye metadea, “Elisae, am do nonḍe tahẽ hataṛokʼme; Probhu Isor do Jerikhote calakʼe mitạńkana.” Elisaye menkeda, “Jiwetʼ Probhu Isor ńutumte ar amre kiriạkateń meneda, iń do bạń bạgiwama.” Onate unkin do Jerikho tekin calaoena.

1 Samuel 1:26

Hannae menkeda, “E baba, amge ińren goha dohokateń kiriạkʼ kana, iń kangeạń uni maejiu do one am samaṅre nonḍe teṅgokate Probhu Isor ṭheniń koejoṅkan tahẽkan.

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

1 Rapajko 12:33

Irạl cando reakʼ gel mõṛẽakʼ dinre Bethelre acʼ benaoakʼ pinḍre uni do janwarkoe samaṅketʼkoa. Ona reakʼ okte do apnar bachaoakʼge tahẽkantaea. Nonkate uni do Israelko lạgitʼ mitʼṭecʼ porobe hoyocokeda ar janwarko samaṅko lạgitʼ pinḍe benaokeda.

1 Samuel 25:26

“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.

Genesis 28:19

Ar ona jaega reakʼ ńutum do Bethele dohokeda (metakʼme, “Isorakʼ oṛakʼ ”). Noa jaega sor reakʼ nagraha do Lus ńutum tahẽkana.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

1 Rapajko 12:29

Unkin mĩhũ modre mitʼṭen do Bethelre ar eṭagicʼ do Danreye dohoketʼkinạ,

1 Samuel 17:55

Dạud do uni Philisṭi sãote lạṛhại lạgitʼ calakʼe ńelkede khan Sạul do acʼren subedar Abnere kulikedea, “Henda abner, nui doe okoeren hopon kana?” Abnere roṛ ruạṛkeda, “E moharaj, amakʼ jiwi jiwetʼ lekage, iń do ohoń lại daṛelea.”

1 Rapajko 12:28

Unre Jerobiam raj do sopolhakate sonaren barea mĩhũi benao ocoketʼkinạ. Ar ona tayom do hoṛkoe metatʼkoa, “Jerusalemte calakʼ do ape lạgitʼ ạḍi kosṭogea. E Israelko, nokin kangeakin aperen debota do, nokinge Misor disom khon apekin oḍok ạgu akatʼpea.”

2 Rapajko 2:23

Elisae do onḍe khon Bethelteye senena. Ar horte calakʼ jokhecʼ ạḍi utạr huḍiń koṛako do nagraha khonko oḍokʼ hecʼente uni siṛogadeteko metadea, “E ceḍe, ceḍe bohokʼ, ma rakapʼ calakʼme.”