2 Rapajko 2:1 - সান্তালী বাইবেল

¹ Probhu Isor do tinre mitʼṭecʼ hoe bharḍo talate sermate Eliạ rakapʼ idiye menetʼ tahẽkana unre Eliạ ar Elisae do Gilgol khonkin oḍok hecʼena.

2 Rapajko 2:1 Referans Kwoze

Genesis 5:24

Inạ tayom uni do okare hõ ar bae ńellena. Isor sãote uniyakʼ jopoṛao tahẽkante Isor do acʼ ṭhene idikedea.

Ibriko 11:5

Biswạs iạtege Enok do bae gocʼlena; uni do sermateye rakapʼ ocoakana. Isor do uniye idiakade iạte bae sendra ńamlena. Enok idiye lahare Isor do noa gohae emleda je, Enok do uniye kusi ocoakadea.

1 Rapajko 19:11

Unre Probhu Isore menkeda, “Am do oḍok hecʼkate buru coṭre iń samaṅre teṅgokʼme.” Un jokhecʼ Probhu Isor do onkateye parom calakʼkan tahẽkana, ar uni samaṅre mitʼṭecʼ maraṅ daṛeanakʼ hoe do burukoe oṛecʼketʼte bar hạṭińena ar sanam dhiriko do rạputʼ gejerena, menkhan ona hoere Probhu Isor do bae tahẽkana. Ar ona hoe tayom do dhạrti laṛaoena, menkhan onare hõ Probhu Isor do bae tahẽkana.

Josuạ 5:9

Ona tayom Probhu Isor do Josuại metadea, “Misorre oka henostarepe tahẽkan teheń ona do ape khoniń sạṅgińkeda.” Ar onate teheń hạbicʼ hõ ona jaega do Gilgolko metakʼkana.

Josuạ 4:19

Bochor reakʼ pạhil cando reakʼ gelakʼ dinre hoṛko do jordan gaḍa khonko rakapʼ hecʼente Jerikho purub simạ reakʼ Gilgolre senkateko ḍerayena,

Johan sodor 11:12

Tayomte unkin gohakin do serma khon ãṭ aṛaṅte noa kathakin ańjomkeda, “Nonḍe rakapʼ hijukʼ ben.” Unre unkin do ạkinren bạirikoakʼ mẽtʼãhã samaṅrege mitʼṭecʼ rimilte sermatekin rakapʼ calaoena.

Aposkạmi 1:9

Noa kathae lạiyatʼko khan celako samaṅrege Jisu doe rakapʼ ocoyena ar mitʼṭecʼ rimil reakʼ danaṅteye calaoena.

Luk 9:51

Ado sermate calakʼ reakʼ okte hoyentae khan uni do Jerusalemte calakʼ lạgitʼe mon murukkeda.

Jobakʼ 38:1

Unre Probhu Isor do birbão hoe khon Jobe roṛ ruạṛadea. Uniye menkeda,

2 Rapajko 4:38

Elisae do Gilgolteye ruạṛ calaoena. Unre ona ṭoṭhare akal hoyokʼkan tahẽkana. Mitʼdin cela-nạbiko do uni sãoteko duṛupʼ akan tahẽkana. Unre acʼren mitʼṭen gutiye metadea, “Lạṭu ṭukucʼ condaete noko lạgitʼ suṛạ dakae tabon me.”

2 Rapajko 2:11

Unkin do galmarao tulucʼ kin calakʼkan tahẽkanre ackage mitʼṭen seṅgel reakʼ rãt gạḍi ar seṅgelren sadomko hecʼkate unkinko begarketʼ kinạ ar Eliạ do mitʼṭecʼ hoe bharḍo talate sermateye rakapʼ ocoyena.

1 Rapajko 19:4

Menkhan acʼ do hahaṅkar talate mitʼ din reakʼ horteye laha idiyena. Ar onḍe mitʼṭecʼ rothem jhạuạ latarre duṛupʼkate gujukʼ lạgitʼe koekeda. Uni doe menkeda, “E Probhu Isor, ḍherge hoyakana. Nitokʼ do ińakʼ jiwi baṛe hataotińme; ente ińren hapṛamko khon mońj do bạnuńa.”

1 Rapajko 18:12

Ińiń bạgiyam khange Probhu Isorren Jiu do eṭakʼ jãhã secʼe idimea ar iń do bạń baḍae daṛeakʼa. Ar senkate Ahab iń lạiyae ar bae ńamme enḍekhan uni doe gocʼ giḍikạńạ. Menkhan huḍiń khonge amren guti do Probhu Isoriń botorae kana.

2 Rapajko 1:18

Ahasiạwakʼ eṭakʼ eṭakʼ sanam kạmi reakʼ katha do, “Israelren rapajkoakʼ Itihãs” ńutumanakʼ puthire ol menakʼa.