2 Rapajko 18:3 - সান্তালী বাইবেল

³ Hiskiạ do acʼren hapṛam Dạud lekage Probhu Isorakʼ mẽtʼre oka bhageakʼkan onageye kạmikan tahẽkana.

2 Rapajko 18:3 Referans Kwoze

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

Jobakʼ 33:27

Unre uni do manwa ṭhen hecʼkateye mena, ‘iń doń kạileda ar sojheakʼ doń peṛtaleda, menkhan ińakʼ paona sạjại do bạń ńamleda.

2 Bõsbudạ 29:2

Hiskiạ do acʼren hapṛam Dạud lekage Probhu Isorakʼ mẽtʼre oka bhageakʼkan onageye kạmikan tahẽkana.

2 Rapajko 22:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana ar etom se końe secʼ do bae taṛametʼ tahẽkana.

1 Rapajko 15:11

Uniren hapṛam Dạud leka Asa do Probhu Isorakʼ mẽtʼre okaṭakʼ bhageakʼ kan onageye kạmikan tahẽkana.

1 Rapajko 15:5

ente Probhu Isorakʼ mẽtʼre okaṭakʼ ṭhikakʼ kan onage Dạud doe kạmiyetʼ tahẽkana. Eken Uriạ hitti hoṛakʼ ghoṭna chaḍa uniyakʼ goṭa jionre Probhu Isorakʼ oka hukumge bae bemanotleda.

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.

1 Rapajko 11:4

Solomonakʼ haṛam umerre uniren erako do debotako secʼ uniyakʼ monko ạwilketʼtaea. Onate acʼren apat Dạud leka uniyakʼ ontor do Probhu Isor secʼ purạte do baṅ tahẽkantaea.

1 Rapajko 3:14

Amren ạpum Dạud leka ińakʼ sanam niạm ar hukumkom manao idi ar ińakʼ hortem taṛam enḍekhan ḍher diniń bahao ocomea.”

Dosar Biboron 6:18

Ar jemon bhạlại hoyokʼtape onate Probhu Isorakʼ mẽtʼre okaṭakʼ do ṭhik ar bhageakʼkan onape kạmiya. Onate Probhu Isor do aperen hapṛamko ṭhen kiriạkate okaṭakʼ mońjakʼ disạm emokʼ reakʼ kathae gokʼletʼ, ona disạmte senkate onape ạidạri daṛeakʼa ar Probhu Isor okae menakatʼ onkage ape samaṅ khon bạirikope laga ńir daṛeakoa.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Ephesiko lạgitʼ Pạul Apostolakʼ ciṭhi 6:1

E gidrạko, Probhu Isor cetʼlekae khojkan onkage aperen gogo-babakoakʼ bataotakope, ente ona do lek kana.

Romiko lạgitʼ Pạul Apostolakʼ ciṭhi 7:12

Noa katha do khạṭigea je, ạn do sonotgea ar ona reakʼ hukum hõ sonot, dhorom ar bhagegea.

Sereńko 119:128

Amakʼ sanam ạn ạriko iń do mońjiń metakʼkana, ar sanam eṛeakʼ horkoń hirkhạwakʼ kana.

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

2 Rapajko 12:3

Menkhan than boṭkocʼko do uni hõ bae marao utạrleda; hoṛko do un hạbicʼ hõ onakore janwarko dãṛẽyetʼko tahẽkana ar dhupkoko jeretʼetʼ tahẽkana.

2 Rapajko 14:3

Amasiạ do Probhu Isorakʼ mẽtʼre okaṭakʼ bhageakʼkan onageye kạmiyetʼ tahẽkana, menkhan uniren hapṛam Dạud leka do baṅa. Uni do acʼren apat Joas leka sanamakʼgeye kạmiyetʼ tahẽkana.

Jesaea 38:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.