2 Rapajko 18:16 - সান্তালী বাইবেল

¹⁶ Jihudạren raj Hiskiạ do Probhu Isorakʼ oṛakʼ reakʼ silpińko ar duạr reakʼ kobjako oka do sonate tol tahẽkan unre ona raṛakate Asurren raje emadea.

2 Rapajko 18:16 Referans Kwoze

2 Bõsbudạ 29:3

Uniyakʼ rajokʼ pạhil bochor reakʼ pạhil candore uni do Probhu Isorakʼ oṛakʼ reakʼ duạrkoe jhicʼkeda are jut arokeda.

2 Rapajko 12:18

Unre Jihudạren raj Joas do acʼ ar acʼren hapṛamkoren, metakʼme Jihudạren Jehosaphat raj, Jehoram ar Ahasiạ emakʼ Probhu Isor ńutumte begarakʼ sanam jinisko Aramren raj Hasael ṭhene kolkeda. Ona chaḍa uni do Probhu Isorakʼ khajańci oṛakʼre ńamakʼ raj oṛakʼ reakʼ joto sona hõ uni ṭhene kolkeda. Onate Hasael do Jerusalem bạgikateye calaoena.

2 Rapajko 18:15

Onate Hiskiạ do Probhu Isorakʼ oṛakʼ ar rajakʼ khajańci oṛakʼre tinạkʼ rupạ tahẽkan jotoge uniye emadea.

2 Rapajko 18:17

Asurren raj do Lakis khon Tartan, Rabsari ar Rabsaki noko pene hoṛ do maraṅ utạr lạṛhại phạdkoante Jerusalemren raj Hiskiạ ṭhene kolkatʼkoa. Onko do Jerusalemte senkate dhubi ṭạnḍi reakʼ ḍahar aṛe usul jaega reakʼ pukhri sãote joṛao akatʼ dakʼ nala ṭhenko teṅgoyena.

Jesaea 39:2

Hiskiạ do kusite onko goḍetkoe ataṅ aderketʼkoa ar acʼakʼ sanam khajańci oṛakʼ, sona, rupạ, jut so mosola, daman sunumko, khanḍa bhanḍako ar murạikoe udukʼatʼkoa. Hiskiạwakʼ raj oṛakʼre se uniyakʼ rajosṭire nonkan cetʼge baṅ tahẽlena one okaṭakʼ do bae udukʼatʼko.

2 Rapajko 12:19

Joasakʼ eṭakʼ eṭakʼ sanam kạmi reakʼ kathako do “Jihudạ rapajkoakʼ Itihãs” ńutumanakʼ puthire ol menakʼa.