2 Rapajko 17:7 - সান্তালী বাইবেল

^7-8 Noako hoylena, ente Misor khon, Misorren raj Pharaoakʼ gobol khon okoe do onkoe oḍok ạguletʼko Israelko do akoren uni Probhu Isor upạrteko kạiletʼ tahẽkana. Onko do debotakoko sewawako kan tahẽkana ar onko samaṅ khon Probhu Isor do okoe jạtrenkoe laga ńirletʼko tahẽkan onko lekako taṛametʼ tahẽkana. Ona chaḍa Israelren rajko oka ạri cạliko benao oṭoletʼ ona lekageko calakʼkan tahẽkana.

2 Rapajko 17:7 Referans Kwoze

Jirimiạ 10:5

Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

2 Bõsbudạ 36:5

Jehoyakim do bargel mõṛẽ bochor umerre raje hoyena ar gelmitʼ bochor Jerusalemre raje calaokeda. Uni do acʼren Probhu Isorakʼ mẽtʼre oka bạṛicʼakʼkan onageye kạmiyetʼ tahẽkana.

2 Rapajko 17:35

Probhu Isor do Israelko lạgitʼ mitʼṭecʼ bondobose bandhao jokhecʼ noa hukume ematʼko tahẽkana, “Ape do cele deb debotage alope sewawakoa se alope ḍobokʼakoa ar alope sapʼsorakoa se onko ńutumte jãhãnakʼge alope samaṅa.

2 Rapajko 16:2

Uni do bargel bochor umer tahẽkanre raje hoylena ar Jerusalemre gel turui bochor raje calaokeda. Uniren hapṛam Dạud do cetʼ leka Probhu Isorakʼ mẽtʼre bhageakʼe kạmikan tahẽkan onka Ahas do bae kạmiyetʼ tahẽkana.

1 Rapajko 15:3

Abiamren apattetʼ okakoe kạiletʼ uni hõ onako kạmigeye ehopʼena. Uniren hapṛam Dạud leka uniyakʼ ontor do Probhu Isor secʼ purạte do baṅ tahẽkantaea.

1 Rapajko 11:4

Solomonakʼ haṛam umerre uniren erako do debotako secʼ uniyakʼ monko ạwilketʼtaea. Onate acʼren apat Dạud leka uniyakʼ ontor do Probhu Isor secʼ purạte do baṅ tahẽkantaea.

Bikʼcạrko 6:10

Ińiń metatʼpe tahẽkana, ińkangeạń Probhu aperen Isor do. Ar okoeyakʼ disạmrepe girobasokʼkan onko Amorikoren debotako do alope sewawakoa;’ menkhan ape do ińakʼ katha bape ańjomleda.”

Dosar Biboron 31:29

Ińiń baḍaea, ińakʼ gujukʼ tayom ape dope kharapokʼa ar oka horte calakʼ reakʼ iń hukumakatʼpe ona khon dope ghańjeṛokʼa. Ar onate darakan dinkore ape cetanre muhinko hecʼ paṛaokʼa, ente Probhu Isorakʼ mẽtʼre oka bạṛicʼakʼkan onagepe kạmiya ar apeakʼ tite benao akatʼko boṅga murhutʼ iạte unipe khĩs ocoyea.

1 Bõsbudạ 5:25

Menkhan onkoren hapṛamko do Isorre pạtiạr bako tahẽlena. Ar disạmren okoe jạtrenko Isor do onko samaṅ khone marao utạrletʼko onkoren debotako ṭhenko ạkhrińena.

Jeheskel 39:24

Iń do onkoakʼ besaphawakʼ leka ar onkoakʼ pap ghạṭiko lekageń halawatʼkoa ar onko khon ińakʼ mẽtʼãhãń betʼ esetʼletʼtińạ.”

Hosea 12:14

Menkhan Ephrayim do Probhu Isore edre ocokedea; ona iạte uniren Probhu Isor do uniyakʼ bạṛicʼ kạmi lạgitʼ unigeye dạyireye paṛaoea ar uniyakʼ henosta do uniregeye paṛao ocoya.

Sereńko 78:12

Israelren hapṛamkoakʼ mẽtʼãhã samaṅre uni do hahaṛa kạmiye kạmileda; Misor disạmre ar Soan ṭoṭhare uni do onakoe kạmileda.

Jesaea 57:5

Ape do Elon dare buṭạkore, mitʼke mitʼ hạriạṛ dare buṭạkore herel reakʼ sanatepe jal jalaokʼkana; ape do buru nala ar huṭupʼ buru ciritʼkore aperen hoponpe teṅgenetʼkoa.

Hosea 4:12

Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Hosea 4:13

Buru reakʼ cuṛạkore onko do janwar dãṛẽko samaṅetʼkoa ar buru cetan reakʼ Elon, Libni ar Ela dare buṭạko reakʼ umulre dhupko jeretʼeda. Ona iạte aperen hoponerako do kusumbiko hoyokʼtapea ar hoponkoren bạhuko doko loṭghuṭiya.