2 Rapajko 17:6 - সান্তালী বাইবেল

⁶ Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

2 Rapajko 17:6 Referans Kwoze

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

1 Bõsbudạ 5:26

Unre Israelren Isor do Asurren raj Pulakʼ, metakʼme Tiglot-Pileserakʼ monre edrey rakapʼ ocoketʼtaea. Uni do Rubenrenko, Gadrenko ar Manasi gusṭiren adha hoṛkoko bondi idiketʼkote Helho, Habor ar Hara elakare ar Gosen gaḍa aṛereye idiketʼkoa; ar teheń hạbicʼ hõ onko do onḍege menakʼkoa.

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Amos 5:27

Onate iń doń bondi ocopea ar Damesek hanasateń kolpea. Noa katha do iń Probhu Isorgeń meneda.”

Jesaea 21:2

Mitʼṭecʼ botoranakʼ dorsongeń ńel ocoyena, luluṭicʼ doe luluṭkana, nonosṭoyicʼ doe nonosṭokana. E Elam, rakapʼ senokʼme, gherao esedme, E Madiạ. Iń do uniye hoyocoakatʼ sanam kurkurạuakʼkoń caba utạra.

Jesaea 13:17

“Ńelpe, onko upạrte iń do Mediren hoṛkoń buskukoa. Onko do rupạ secʼ hõ bako beṅgeda ar sona iạte hõ bako rạskạkʼa.

Dosar Biboron 28:36

“Ar okoeṭakʼ rajpe bahale Probhu Isor do uni ar ape bondikate idipe lạgitʼ nonkan mitʼ jạtrenko ṭhene jimạpea okoe do bape oromakatʼko ar aperen hapṛamko hõ bako baḍae akatʼko. Onḍe ape do kaṭ ar dhiriren deb-murtikope sewawakoa.

Dosar Biboron 30:18

enḍekhan teheńiń metapekana, ape do khạṭigepe ḍahao marao utạrokʼa. Ar jordan gaḍa paraomkate okaṭakʼ disạm dokhol lạgitʼpe senokʼkan onḍe ḍher din jiwetʼ bape tahena.

Levitikus 26:38

Eṭakʼ eṭakʼ jạtrenko talare chirchạturkatepe gujukʼa, ar apeakʼ disạm do bạirikoko utʼgotʼkakʼa.

Hosea 1:9

Unre Probhu Isor doe menkeda, “Nuiyakʼ ńutum do Lo-ammi (metakʼme ‘ińren hoṛ do baṅa’). ente ape do ińren hoṛ dope baṅkana ar iń hõ aperen Isor doń baṅkana.

Hosea 1:6

Gomer do arhõe bhạrti hoṛmoyena ar uniren do armitʼṭen kuṛi hopone janamena. Unre Probhu Isor do Hoseae metadea, “Kuṛi hoponakʼ ńutum do Lo ruhamah. (metakʼme ‘Mãyãwạnicʼ do baṅa’) ente Israelren hoṛko do ar bạń dayawakoa, ar onko do baṅgeń ikạkoa.

Daniel 5:28

UPHARSIN, metakʼme, hạṭińena, amakʼ rajosṭi do hạṭińena ona do Madae ar Parasrenko ṭhen emocoyena.”

2 Rapajko 19:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼkan Edonren debotako do cetʼ onkoko rukhiyạ daṛeatʼko tahẽkana?

Genesis 10:2

Japhetren hopon doko hoyokʼkana, Gomer, Magog, Madal, Jawan, Tubạl, Mesek ar Tirạs.

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

1 Bõsbudạ 5:22

Ona chaḍa ḍher bạiriko gocʼena, ente Isorakʼ ạyurtege noa lạṛhại do hoylena. Ar Israelko ạuriko bondi idi ocokʼ hạbicʼ onḍegeko girobasokʼ kan tahẽkana.

Esra 6:2

Onare Media disạmren Ekbatana ńutuman raj nagrahare mitʼṭecʼ guṛhạ puthi ńamena. Onare niạ katha ol tahẽkana: Dikʼsạ dohowakʼ

Jesaea 10:9

Kalnowakʼ dosa do cetʼ Karkemis leka do baṅkana? Ar Hamat do cetʼ Arpad leka baṅkana? Samariạ do cetʼ Damesek leka do baṅkana?

Jesaea 36:19

Hamat ar Arphadren debotako doko okayena? Ar Sepharwayimren debotako hõko okaeyen? Onko do cetʼ ińakʼ ti khon Samariạko rukhiyạ daṛe akawada?

Jesaea 37:18

E Probhu Isor, noa katha do sạrikana, Ạsurren rapajko do onkoakʼ disạmko marao giḍiakada ar onko jạtren hoṛko maraoketʼkote onkoren debota do seṅgelreko khadle giḍikatʼkoa. Onko do Isor doko baṅkana, manwa tite benaoakʼ eken kaṭ ar dhiri kanako; ar ona iạtege onko doko marao giḍi daṛeatʼko tahẽkana.

Hosea 8:8

Israel doko utʼ ocoakana; bạṛicʼakʼ jinis leka onko do ńitokʼ eṭakʼ jạtrenko talare menakʼkoa.

Amos 7:17

Ar onatege Probhu Isor doe meneda, ‘amren bạhu do nagrahare kusumbiye hoyokʼa, ar amren hopon ar hoponerako do tarwaṛeteko gujukʼa. Amakʼ disạm do jokha baberteko hạṭińjoṅa ar am do mitʼṭecʼ bhonḍ disạmrem gujukʼa. Israelren hoṛ do khạṭige akoakʼ disạm khon eṭakʼ disạmteko bondi idi ocokʼa.’ ”

1 Rapajko 8:46

“Onko do am upạrteko kại lekhan- bako kạiya nonkan hoṛ do bạnukʼkoa- ar onko cetanrem edrekʼte bạirikoakʼ tirem jimạko ar sạṅgiń disạmte bondikateko idi ocokʼ,

2 Rapajko 17:23

Mucạtʼre Probhu Isor do acʼren sanam gutiko, metakʼme nạbiko hotete emakʼ sontor katha lekate acʼ samaṅ khone ocokʼ giḍikatʼkoa. Ona iạte Israelren hoṛko do akoakʼ disạm khonko bondi ocoyente Asur disạmteko idi ocoyena, ar teheń hõ onko do onḍege menakʼkoa.

2 Rapajko 18:34

Hamat ar Arphadren debotako doko okayena? Ar Sepharwayimren, Hena ar Ibaren debotako do okare menakʼkoa? Onko do cetʼ ińakʼ ti khon Samariạko rukhiyạ daṛe akawada?

2 Rapajko 21:13

Samariạ upạrte okaṭakʼ sosoṅakʼ baber ar Ahabakʼ bõsko upạrte okaṭakʼ sạhul baberiń beoharletʼ onage iń do Jerusalem upạrteń beohara. Cetʼ leka thạri bạṭiko gasao mańjao onkage iń do Jerusalemiń mańjao saphaea ar hạrupʼkateń dohokakʼa.

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Jesaea 8:4

Ar uni gidrạ do ‘Gogo’ se ‘Baba’ roṛ ạuriye cedrege Damesek reakʼ dhon durib ar Samariạ reakʼ luṭakʼ jinisko do Ạsur raj hecʼkateye idijoṅa.”

Jesaea 17:4

“Enhilokʼ Jakobakʼ ṭhonok do cabakʼa; ar uniyakʼ itilanakʼ hoṛmo do osogokʼtaea.

Jesaea 36:17

Ona tayom iń do hecʼkate apeakʼ disạm leka ar mitʼ disạmteń idipea. Ona disạm do anaj ar nãwã darkha rasa reakʼ disạm, piṭhạ ar darkha bagwan reakʼ disạmtege.

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Hosea 1:4

Unre Probhu Isor do Hoseae metadea, “Am do uniyakʼ ńutum Jisreyelem dohoytaea, ente Jisreyel nagrahare Jehu do ḍher hoṛe gocʼletʼkote iń do uniyakʼ bõsrenko cetanre usạrage sạjạiyiń ạguiya ar Israelakʼ rajosṭiń caba utạra.

Hosea 9:3

Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.