2 Rapajko 17:4 - সান্তালী বাইবেল

⁴ Menkhan Asurren raj doe baḍaekeda, Hosea do mitʼṭen badmas hoṛkanae mente, ente uni do Misorren raj So ṭhen goḍetkoe kolletʼkoa ar Asurren raj do jao bochor oka khajnae emaekan tahẽkan ona do ar bae emokʼkana. Ona iạte Salmaneser do Hoseae sapʼkedete hajotreye bhoraokedea.

2 Rapajko 17:4 Referans Kwoze

2 Bõsbudạ 32:11

Reṅgecʼ ar tetaṅte jemonpe gujukʼ onate Hiskiạ do niạ kathateye bulạuetʼpea baṅma, aperen Probhu Isorge Ạsurren rajakʼ ti khone bańcaopea mente.

2 Rapajko 25:7

Lạṛhại phạdko do Sedekiạ samaṅrege uniren hoponko gocʼketʼkoa. Ona tayom onko do uniyakʼ mẽtʼko hoṭor totʼketʼtaea ar pitạl reakʼ sikṛite tolkate Babelteko idikedea.

2 Rapajko 24:20

Jerusalem ar Jihudạren hoṛko iạte Probhu Isor do edreteye jal jalaoena ar mucạtʼre acʼ samaṅ khon onkoe sạṅgiń giḍikatʼkoa. Tayomte Sedekiạ do Babelren raj upạrteye hulkeda.

2 Rapajko 24:1

Jehoyakimakʼ rajokʼ oktere Babelren raj Nebukadnesar do Jihudạ disạme akromonkeda. Jehoyakim do pe bochor uniyakʼ gobolreye tahẽkana. Menkhan tayomte uni do Nebukadnesar upạrteye hulkeda.

2 Rapajko 18:21

Am do ona loṭocʼ pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Ar Misorren raj Pharao cetanre okoeye bhorsakʼ uni cetanre hõ onkage hoyokʼa.’

Dosar Biboron 28:36

“Ar okoeṭakʼ rajpe bahale Probhu Isor do uni ar ape bondikate idipe lạgitʼ nonkan mitʼ jạtrenko ṭhene jimạpea okoe do bape oromakatʼko ar aperen hapṛamko hõ bako baḍae akatʼko. Onḍe ape do kaṭ ar dhiriren deb-murtikope sewawakoa.

2 Rapajko 17:3

Asurren raj Salmaneser do Hosea akromone lạgitʼe rakapʼ hecʼena. Ar onate Hosea do Salmaneser taberen raje hoyena ar uni khajna emaye ehopʼena.

2 Rapajko 17:5

Asurren raj do goṭa disạme akromonketʼte Samariạteye senena ar pe bochor bhor onae gherao dohokada.

Hosea 10:4

Onko do ạuṛi kathakogeko roṛeda ar eṛe eṛe kiriạkate bondobosko bandhaoeda. Onate bicạr do khet reakʼ nahel gaḍakore bisanakʼ aṛakʼ sakam leka phuṭạu rakapʼkana.

Hosea 13:10

Amren raj doe okayena one uni amakʼ sanam nagrahakoe rukhiyạ daṛeatam? Amren disạm cakʼlaoicʼ doe okayena one onko reaṅem menetʼ tahẽkan, ‘iń do raj ar disạm cakʼlaoko imạńme?’

Hosea 8:10

Onko do eṭakʼ jạtrenko sãote ṭakateko gate akanre hõ iń do mitʼ domte jarwakateń sạjạikoa. Onko do disạm cakʼlaokoren rapajkoakʼ santao iạteko caba utạrokʼa.

Hosea 12:2

Jihudạ upạrte Probhu Isorakʼ mitʼṭecʼ mambla menakʼtaea; Jakobakʼ colon lekate uni doe sạjạiyea ar uniyakʼ kạmi lekate kuṛạiye emaea.