2 Rapajko 17:3 - সান্তালী বাইবেল

³ Asurren raj Salmaneser do Hosea akromone lạgitʼe rakapʼ hecʼena. Ar onate Hosea do Salmaneser taberen raje hoyena ar uni khajna emaye ehopʼena.

2 Rapajko 17:3 Referans Kwoze

Hosea 10:14

ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

2 Rapajko 18:31

“Ape do Hiskiạwakʼ katha alope ańjoma. Ạsurren raje meneda, ‘ape do iń tulucʼ sulukokʼpe ar iń ṭhen oḍok hijukʼpe. Enḍekhan ape do uniyakʼ darkha bagwan reakʼ jo ar loa dare reakʼ jope joma ar apnarakʼ kuń khon dakʼpe ńũiya.

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

2 Rapajko 15:19

Inạ tayom Asurren raj Pul do Israele akromonkeda. Unre Menahem do Pulakʼ goṛote disạmre acʼakʼ rajosṭi kajaktae lạgitʼ pegel are ṭon rupại emadea.

2 Samuel 8:6

Dạud do Aramrenkoakʼ rajosṭi reakʼ Damesekre acʼren lạṛhại phạdkoe dohoketʼkoa. Onate Aramrenko do uni gobolre tahẽkate khajna emokʼko ehopʼena. Nonkate Dạud do jãhã ṭhạ̃igeye calakʼkan tahẽkan Probhu Isor do onḍegeye jitạu ocoyede tahẽkana.

2 Samuel 8:2

Dạud do Moabrenko hõe bhagaoketʼkoa. Uni do Moabrenkoe ńẽtʼketʼkote otreye giticʼketʼkoa ar baberteye jokhaketʼkoa. Pạhil bar baber jokharen hoṛ doko gocʼ ocoyena ar mitʼ baber jokharen hoṛ do jiwetʼko doho ocoyena. Inạ tayom Moabrenko do Dạud gobolre tahẽkate khajna emaeko ehopʼena.

2 Rapajko 17:2

Uni do Probhu Isorakʼ mẽtre oka bạricʼakʼ kan onageye kạmikan tahẽkana, menkhan Israelren lahatenko raj leka do bae kạmileda.

2 Rapajko 17:4

Menkhan Asurren raj doe baḍaekeda, Hosea do mitʼṭen badmas hoṛkanae mente, ente uni do Misorren raj So ṭhen goḍetkoe kolletʼkoa ar Asurren raj do jao bochor oka khajnae emaekan tahẽkan ona do ar bae emokʼkana. Ona iạte Salmaneser do Hoseae sapʼkedete hajotreye bhoraokedea.

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Jeheskel 23:5

“Ohola do ińrene tahẽkanre hõe loṭghuṭikeda. Uniren dulạṛiạko, metakʼme Ạsurrenko secʼ uni doe gagojok ʼkan tahẽkana. Onko do beguni roṅ kicricʼ horokʼ akatʼ lạṛhại birko, disạm cakʼlaoko ar subedarko tahẽkana; ar jotoge ńapae juạn ar sadomre dejokʼ aswariko tahẽkana.

Hosea 10:4

Onko do ạuṛi kathakogeko roṛeda ar eṛe eṛe kiriạkate bondobosko bandhaoeda. Onate bicạr do khet reakʼ nahel gaḍakore bisanakʼ aṛakʼ sakam leka phuṭạu rakapʼkana.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

2 Rapajko 15:20

Menahem do noa ṭaka Israel hoṛko ṭhen khon jor-julumkateye uṭhạuleda. Ar Asurren raj emae lạgitʼ mimitʼ kisạ̃ṛ hoṛko do turui sae gram rupạ emokʼ hoyentakoa. Onate Asurren raj do disạm bạgiyatʼteye calaoena.

2 Rapajko 18:7

Probhu Isor do uni são sãoteye tahenkan tahẽkana. Ar jãhãnakʼgeye kạmiyetʼ tahẽkan onaregeye jo bahakʼkan tahẽkana. Asurren raj upạrte hulkate uni do golam ar bae khaṭaolena.

Jesaea 8:8

ar Jihudạ disạm talateye ạtu idiyte uniyakʼ hoṭokʼ hạbicʼe cape rakapʼ ocoya. E Immnuel, Ạsurren raj do oneye lap lapa akatʼtae phạ̃kṛạ̃kʼte amakʼ goṭa disạme umul eseda.

Jesaea 17:4

“Enhilokʼ Jakobakʼ ṭhonok do cabakʼa; ar uniyakʼ itilanakʼ hoṛmo do osogokʼtaea.

Hosea 8:10

Onko do eṭakʼ jạtrenko sãote ṭakateko gate akanre hõ iń do mitʼ domte jarwakateń sạjạikoa. Onko do disạm cakʼlaokoren rapajkoakʼ santao iạteko caba utạrokʼa.