2 Rapajko 16:7 - সান্তালী বাইবেল

⁷ Tayomte Ahas do Asurren raj Tiglot-Pileser ṭhen niạ katha roṛ lạgitʼ hoṛkoe kolkatʼkoa, “Iń do amren guti ar amren hopon kạnạń. Am do hijukʼte Aramren raj ar Israelren rajakʼ ti khon rukhiyạyińme. Unkin do ińkin akromoneń kana.”

2 Rapajko 16:7 Referans Kwoze

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Rak̕joṅ 4:17

Ạuṛiyakʼ goṛo ńam reakʼ aste aboakʼ mẽtʼ do nijor akantabona; nonkan mitʼ jạtrenko secʼ bon koyokʼ horakatʼ tahẽkana okoe do bako rukhiyạ daṛeabon.

Jirimiạ 17:5

Probhu Isore meneda, “Okoe hoṛ manwa cetanreye bhorsakʼkan ar acʼakʼ daṛere pạtiạue dohoyetʼte ińre mon bạnukʼtae uni doe sarapanicʼ kana.

2 Bõsbudạ 28:20

Ạsurren raj Tiglat-Pileser do uni ṭhene hecʼlengea menkhan uni do daṛe ocoye bodolteye cipạkedea.

2 Bõsbudạ 28:16

Ona jokhecʼ Ahas raj do goṛo ńam lạgitʼ Ạsurren raj ṭhen hoṛkoe kolketʼkoa.

1 Bõsbudạ 5:26

Unre Israelren Isor do Asurren raj Pulakʼ, metakʼme Tiglot-Pileserakʼ monre edrey rakapʼ ocoketʼtaea. Uni do Rubenrenko, Gadrenko ar Manasi gusṭiren adha hoṛkoko bondi idiketʼkote Helho, Habor ar Hara elakare ar Gosen gaḍa aṛereye idiketʼkoa; ar teheń hạbicʼ hõ onko do onḍege menakʼkoa.

1 Rapajko 20:4

Israelren raj doe roṛ ruạṛkeda, “Ińiń meneda, ińren mạlik maharaj, am okam menetʼ ona do ṭhikgea. Iń ar ińakʼ jotowakʼge amakʼ kangea.”

2 Rapajko 18:7

Probhu Isor do uni são sãoteye tahenkan tahẽkana. Ar jãhãnakʼgeye kạmiyetʼ tahẽkan onaregeye jo bahakʼkan tahẽkana. Asurren raj upạrte hulkate uni do golam ar bae khaṭaolena.

Jesaea 2:6

Am do amren hoṛko, metakʼme Jakobren hoponkom bạgi giḍi akatʼkoa. Onko do purub disạmren ojhakoteko perecʼ akana; Philisṭiko leka onko do jạdu biddạko kusiyakʼ kana ar eṭakʼ jạtrenko sãote tiko milạu akada.

Jeheskel 16:28

Asurrenko sãote hõm loṭghuṭi akada, ente bam tirpitokʼkan tahẽkana; menkhan am do enrehõ bam tirpitlena.

Jeheskel 23:5

“Ohola do ińrene tahẽkanre hõe loṭghuṭikeda. Uniren dulạṛiạko, metakʼme Ạsurrenko secʼ uni doe gagojok ʼkan tahẽkana. Onko do beguni roṅ kicricʼ horokʼ akatʼ lạṛhại birko, disạm cakʼlaoko ar subedarko tahẽkana; ar jotoge ńapae juạn ar sadomre dejokʼ aswariko tahẽkana.

Jeheskel 23:12

Uni hõ Ạsurrenko secʼe gagojena; onko do disạm cakʼlaoko ar subedarko tahẽkana; ar mońj kiricʼ horokʼ akatʼ lạṛhại bir ar aswariko tahẽkana; onko do jotoge napae juạnko tahẽkana.

Jirimiạ 13:21

Okoeko rapaj sãotem gatelen Probhu Isor do am cetare onko tinreye dohokoa unre am do cetʼem menkea? Bedonokʼ jokhecʼ maejiu cetʼ leka haso rakapʼae onkage amhõ cetʼ baṅ hasomea?

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.