2 Rapajko 16:3 - সান্তালী বাইবেল

³ Uni do Israelren rajko lekageye calakʼkan tahẽkana; ar Probhu Isor Israelko samaṅ khon okoe jạtrenkoe laga ńirletʼko onkoakʼ bạṛicʼakʼ kạmiko lekage uni do acʼren hopon seṅgelreye samaṅledea.

2 Rapajko 16:3 Referans Kwoze

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

Levitikus 18:21

“Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

2 Rapajko 21:2

Probhu Isor do Israelko samaṅ khon okoe jạtrenkoe laga ńirletʼko tahẽkan Manase do onko leka hirkhạwakʼko kạmikate Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

2 Rapajko 21:11

“Jihudạren raj Manase do niạko bạṛicʼakʼe kại akada. Uni lahate okoe Amorikoko tahẽkan uni do onko khonhõ artetʼ bạṛicʼe kạmi akada ar acʼren boṅga murhutʼko hotete Jihudạ do kại secʼe ạyur idiakadea.

2 Rapajko 17:17

Onko do Apnarren gidrạko seṅgelreko khadleyetʼko tahẽkana. Arko janokʼkan tahẽkana ar cinhạko ńelte tayom daram reakʼ katha lại reakʼko hewakʼkan tahẽkana ar Probhu Isorakʼ mẽtʼre oka bạṛicʼakʼ kan ona kạmi lạgitʼko ạkhrińokʼkan tahẽkante Probhu Isorko khĩs ocoyede tahẽkana.

Jeheskel 20:31

Teheń hạbicʼ ape do aperen boṅgako ṭhen aperen hopon ar hoponerako seṅgelrepe samaṅetʼkote onko boṅgako hotete apnartetʼpe bhonḍokʼ kana. E Israelko, iń do cetʼ ape hoteteń kuli ocokʼa? Iń ńutumteń kiriạkʼ kana, oka lekate hõ ińakʼ monsubạ do bạń baḍae ocopea.

Jeheskel 20:26

Pạhilko janam akan hoponko do seṅgelreko khadleketʼkoa, ar ona hoteteń bhõnḍ ocowatʼkoa jemoniń marao utạrko. Unre onko doko baḍae daṛeakʼa je, iń kangeạń Probhu Isor do.’

Jeheskel 16:47

Enrehõ am do unkinakʼ horkore taṛamte ar unkinakʼ hirkhạwakʼko leka kạmite do bam tirpitlena, bickom eken thoṛa ghạṛitege amakʼ sanam horkore unkin khon hõ bạ̃ṛtigem kharapena.

Jeheskel 16:21

Am do arhõ amren hopon ar hoponerako boṅga muṭhạnko ńutumtem teṅgenketʼkote seṅgelrem khadleketʼkoa.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Sereńko 106:35

bickom onko jạtrenko sãoteko mesalena ar onkoakʼ ạri cạliko hataoana.

2 Bõsbudạ 33:6

Ar Bin-Hinom buru lodamre uni do acʼren hoponko seṅgelreye samaṅketʼkoa. Okoe do bạṛicʼakʼ cinhạkote tayom daram reakʼ kathako lại daṛeakʼkan tahẽkan, onko jạdu udukʼko ar gukʼniko ar bhutko hotete ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Ar Probhu Isorakʼ mẽtʼre ḍher bạṛicʼakʼ kạmikate uniye bekusi ocoyede tahẽkana.

2 Bõsbudạ 33:2

Probhu Isor do Israelko samaṅ khon okoe jạtrenkoe laga ńirletʼko tahẽkan onko leka hirkhạwakʼko kạmikate Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

2 Bõsbudạ 22:3

Ahasiạ hõ Ahabakʼ bõsren hoṛkoakʼ hortegeye taṛametʼ tahẽkana, ente uniren eṅgattetʼ do bạṛicʼakʼ kạmi lạgitʼ sopolhae emaekan tahẽkana.

2 Rapajko 23:10

Ar Molek debota ńutumte jãhãege nijạrren gidrạko seṅgelre jemon aloko samaṅ daṛeako ona lạgitʼ Josiạ do Ben-Hinom buru nala reakʼ Tophet ńutuman than boṭkocʼ hõe bhõnḍ ocokeda.

2 Rapajko 21:6

Uni do acʼren hopon seṅgelreye samaṅkedea. Uni do maya-biddạkoe beoharetʼ tahẽkana ar cinhạko ńelte tayom daram reakʼ kathakoe guniyetʼ tahẽkana ar okoe do bhutko ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Uni do Probhu Isorakʼ mẽtʼre ḍher bạṛicʼakʼ kạmikate uniye khĩs ocoyede tahẽkana.

2 Rapajko 8:18

Ahabakʼ bõsren hoṛko lekage uni do Israelren rajkoakʼ horteye calakʼkan tahẽkana, ente uni do Ahabren mitʼṭen hoponerae baplaledea. Ar Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

1 Rapajko 14:24

Onkoakʼ disạmre do herel kusumbi hõko tahẽkana. Ar okoe jạtrenko Probhu Isor do Israelko samaṅ khone sạṅgiń giḍiletʼko onkoakʼ sanam hirkhạwanakʼ kạmiko do Jihudạren hoṛko kạmikan tahẽkana.

Dosar Biboron 18:10

Ape talare nonkan hoṛ aloko tahenma one okoe do acʼren hopon seṅgelre samaṅokʼ reakʼ porobe hoyocoe ar okoe doe gukʼni seye janokʼkan se darakan dinko reakʼe lại, okoe do jạdu biddạkoe udug,

2 Rapajko 17:19

menkhan Jihudạ gusṭiren hõ akoren Probhu Isorakʼ hukum leka senokʼ baṅkate Israelko lekako kạmikeda.

Mikạ 6:7

Probhu do cetʼ hajar hajar bheḍakoteye kusikʼa, uni do cetʼ sunumte perecʼ gaḍakoe bạsutakʼa? Ińakʼ ghạṭko ńutumte iń do cetʼ ińren pạhil janamicʼ hoponiń emaea, ińakʼ kại gunạkʼte cetʼ ińakʼ kukhi reakʼ jogeń samaṅaea?

2 Rapajko 17:16

Onko do akoren Probhu Isorakʼ sanam hukum bạgikate ako lạgitʼ dulakʼ barea mĩhũ muṭhạn ar mitʼṭecʼ Asera khunṭiko benao joṅan tahẽkana. Onko do sermaren ipilkoko sewawako kan tahẽkana ar Bakʼal debota hõko sewawae kan tahẽkana.

2 Rapajko 21:9

Menkhan hoṛko do ona katha bako ańjomleda. Manase do bạṛicʼ horteye ạyurketʼkoa; ar Probhu Isor do okoe jạtrenko Israel hoponko samaṅ khone marao giḍiletʼko onko khon hõ ḍher bạṛicʼakʼe kạmikeda.

Jesaea 57:5

Ape do Elon dare buṭạkore, mitʼke mitʼ hạriạṛ dare buṭạkore herel reakʼ sanatepe jal jalaokʼkana; ape do buru nala ar huṭupʼ buru ciritʼkore aperen hoponpe teṅgenetʼkoa.