2 Rapajko 16:16 - সান্তালী বাইবেল

¹⁶ Ar naeke Uriạ do Ahas rajakʼ hukum leka jotowakʼe kạmikeda.

2 Rapajko 16:16 Referans Kwoze

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

1 Thessalonikikko 2:4

bickom lek kanale mente bhage sombat baḍae ocoko reakʼ bhar Isor do alereye emakatʼte ona lekatele roṛeda. Manwa kusi ocoko lạgitʼ do baṅ menkhan okoe aboakʼ ontore biḍạu aṭkaretʼ uni Isor kusi ocoye lạgitʼgele roṛeda.

Aposkạmi 5:29

Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.

Aposkạmi 4:19

Patras ar Johan dokin roṛ ruạṛkeda, “Apeakʼ hukum liń manaoa se Isorakʼ hukumko liń senakʼa? Isorakʼ mẽtʼãhã samaṅre okaṭakʼ ṭhika, ona do apege bicạrpe.

2 Rapajko 16:11

Damesek khon Ahas raje kolletʼ sanam goṭawakʼ lekage naeke Uriạ do mitʼṭecʼ pinḍe benaokeda ar Ahas raje ruạṛ hijukʼ laharege ona doe sạtkeda.

2 Rapajko 16:15

Ona tayom Ahas raj do Uriạ naeke noae hukumadea, “Ona maraṅ pinḍ cetanre do setakʼ reakʼ jeredokʼ samaṅokʼakʼ ar ạyupʼ bela reakʼ anaj samaṅokʼakʼ porobem porobokʼa. Ona chaḍa ona cetanre rajakʼ jeredokʼ samaṅokʼakʼ ar anaj samaṅokʼakʼ ar disạmren sanam hoṛkoakʼ jeredokʼ samaṅokʼakʼ ar onkoakʼ anaj samaṅokʼakʼ ar coḍorokʼ samaṅokʼakʼem samaṅa. Sanam jeredokʼ samaṅokʼakʼ ar eṭakʼ janwar samaṅokʼakʼ reakʼ mãyãm do ona pinḍ cetanrem irciwakʼa. Menkhan Isorakʼ hukum ńam lạgitʼ do ona pitạl reakʼ pinḍgeń beohara.”

2 Rapajko 16:17

Ahas raj do bhajan bạisạu akan binḍi aṛe reakʼ sanam patkoe getʼ giḍikada ar onḍe khon bhajankoe ocokʼ giḍikada. Pitạlren ḍaṅgrako cetanre oka maraṅ okocʼ karahe bạisạu tahẽkan ona ocokʼ giḍikatʼte uni do mitʼṭecʼ dhiri cetanreye dohokada.

2 Rapajko 21:4

Okaṭakʼ oṛakʼ reaṅ Probhu Isore menletʼ, “Iń do jaejug hạbicʼ Jerusalemreń tahena,” Probhu Isorakʼ ona oṛakʼre uni do pinḍkoe benaokeda.

2 Bõsbudạ 33:4

Okaṭakʼ oṛakʼ reaṅ Probhu Isore menletʼ, “Iń do jaejug Jerusalemren tahena,” Probhu Isorakʼ ona oṛakʼre uni do pinḍkoe benaokeda.

Jesaea 8:2

Iń do naeke Uriạ ar Jeberekiạren hopon Sakariạ do ińren bises gohayicʼ menkateń bahalea.”

Malaki 2:7

Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.