2 Rapajko 15:5 - সান্তালী বাইবেল

⁵ Tayomte Probhu Isor do raje ghạlkede khan uni do jiwetʼ bhor murhucʼ jom rogteye jạbunena. Uni do mitʼṭecʼ begar oṛakʼreye girobasokʼkan tahẽkana. Ar rajren hopon Jotham do raj oṛakʼren mạlike hoyena ar disạm hoṛko ḍanṭaokoe ehopʼena.

2 Rapajko 15:5 Referans Kwoze

Levitikus 13:46

Uniyakʼ hoṛmore tinạkʼ din rog tahentae unạkʼ din uni do besapha akane tahena. Ar ḍera bahrere eskar tahen hoyokʼtaea.

Numeri 12:14

Probhu Isor do Moseye metadea, “Uniren apattetʼ uniyakʼ mẽtʼãhãreye thoae khan enḍekhan uni do cetʼ ona eae din lajao paṛare bae tahẽkokʼa? Uni do eae din ḍera bahrere dohokae hoyokʼa, ar ona tayom doe ruạṛ ạgu ocokʼa.”

Sereńko 72:1

E Isor, bicạr reakʼ okaṭakʼ ạidạri menakʼtam ona do nui rajge danaeme; nui raj hopon do amakʼ akelge emae me;

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

2 Rapajko 7:3

Unre nagraha reakʼ phaṭok duạr bolokʼ horre ponea murhucʼ jom rog hoṛko tahẽkana. Onko do ako akoreko mepenena, “Abo do nonḍe tahẽkate cedakʼ bon gujukʼa?

2 Rapajko 5:27

Onate Namanakʼ murhucʼ jom rog do am ar amren bõsko talare jaejug hạbicʼ tahena.” Unre Gehosi do Elisae samaṅ khone calaoena ar uniyakʼ hoṛmo do murhucʼ jom rogte him leka ponḍentaea.

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

1 Rapajko 3:9

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

2 Samuel 8:15

Dạud do goṭa Israel disạm cetanre rajokʼe ehopʼena. Uniren hoṛko cetanre uni do hok ar dhorom reakʼe bicạretʼ tahẽkana.

Dosar Biboron 24:8

“Murhucʼ jom rog menakʼtae hoṛ khon sontorokʼpe ar Liwi naekeko okako hukumape onako joton salakʼ manaope. Iń okań hukum akawatʼko ape hõ sontor salakʼ onka leka calakʼpe.

Numeri 12:10

Ona rimil khunṭi tinre ńapamokʼ tạmbu bạgikate cetante rakabokʼ ehopʼena unre ńelena, Mạriạmakʼ hoṛmore murhucʼ jom rog do him leka ponḍge rakapʼena. Ar Aron hõ Mạriạm secʼe beṅgetʼketʼ khan hoṛmore murhucʼ jom roge ńelketʼtaea.

2 Rapajko 15:6

Asariạwakʼ eṭakʼ sanam kạmiko reakʼ katha do “Jihudạ rapajkoakʼ Itihãs” ńutumanakʼ puthire ol menakʼa.

1 Bõsbudạ 5:17

Jihudạren raj Jotham ar Israelren raj Jerobiamakʼ rajokʼ oktere noko hoṛkoakʼ ńutum do bõsbudạre ol caṛhaolentakoa.

Hosea 1:1

Jihudạren raj Usiạ, Jotham, Ahas ar Hiskiạwakʼ rajokʼ oktere ar Israel raj Joasren hopon Jerobiamakʼ oktere Beriren hopon Hosea ṭhen Probhu Isorakʼ katha do sodorena.

Mikạ 1:1

Jihudạren raj Jothom, Ahos ar Hiskiạwakʼ rajokʼ oktere Moresethren Mikạ ṭhen Samariạ ar Jerusalem reaṅ Probhu Isorakʼ katha do dorson hotete sodorlena.

2 Rapajko 15:32

Remaliạren hopon Israelren raj Pekawakʼ rajokʼ dosar bochorre Jihudạren raj Usiạren hopon Jotham do rajokʼe ehopʼena.

1 Bõsbudạ 3:12

Joasren hopon Amasiạ, Amasiạren hopon Asariạ, Asariạren hopon Jothom,