2 Rapajko 13:7 - সান্তালী বাইবেল

⁷ Mõṛẽgel aswariko, gel goṭecʼ rãt gạḍi ar gel hajar palṭonko chaḍa Jehoahasren lạṛhại phạdren do ar celege bako tahẽkana, ente Aramren raj do sarecʼ sanamkoe marao giḍi utạrletʼkoa. Uni do ot lekage jaṅgateye lebetʼ gańjaoletʼkoa.

2 Rapajko 13:7 Referans Kwoze

Amos 1:3

Probhu Isore meneda, “Damesek reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente mẽṛhẽtʼ reakʼ jạnumanakʼ enokʼ paṭate onko do Gileadko en akadea.

2 Rapajko 10:32

Ar Probhu Isor do onako okte khon Israel disạm reakʼ simạnakoe huḍiń idikeda. Ar Hasael do Israelkoakʼ disạm reakʼ jordan gaḍa purub secʼakʼ sanam jaegare onkoe bhagaoketʼkoa. Onako jaega do hoyokʼkana Arnon soḍokʼ aṛe reakʼ Aroer hạbicʼ sanam Gilead ar Bason disạm. Noa do tahẽkana Gad, Ruben ar Manase ṭoṭhako.

Joel 3:14

Sạjại reakʼ lodamre ḍher hoṛkoakʼ bhiṛ, hẽ ḍher hoṛkoakʼ bhiṛge hoyakana, ente sạjại reakʼ lodamre Probhu Isorakʼ din do seṭer akana.

Jesaea 41:2

“Purub secʼren uni do okoeye teṅgo ocokedea, one uni taṛam piche jitge daram edekan? Uni do boṅgan hoṛ jạtrenko uni ṭhene soprotkoa. Ar ona iạte uni do rapajko jaṅgateye lebetʼ gańjaokoa. Uni do acʼakʼ tarwaṛete dhuṛi lekae hoyocokoa ar uniyakʼ akʼte bhusạ lekae oṭaṅkoa.

Jesaea 36:8

“Iń hũyạte aperen raj arhõ metaepe, ‘daṛeakʼ khanem ińren kisạ̃ṛ Ạsurren raj sãote bạji dohoyme, iń do bar hajar sadomkoń emapea ar onko lạgitʼ ape do aswariko ńamkope.

Sereńko 18:42

Hoete oṭaṅokʼkan dhuṛi leka onko doń holoṅ ḍigirketʼkoa, ar ḍahar reakʼ losotʼ lekań giḍikatʼkoa.

2 Rapajko 8:12

Hosael do uniye kulikedea, “E ińren mạlik cedakʼem rakʼeda?” Elisaeye roṛ ruạṛkeda, “Ente iń doń baḍaegea Israelkoakʼ cetʼkom loksantakoa mente. Am do onkoakʼ gaṛkore seṅgelem jeretʼakʼa, ar tarwaṛete onkoren juạnkom gocʼkoa, onkoren kạṭicʼ gidrạ do otrem tawakʼ gocʼkoa ar onkoren bhạrti hoṛmowan maejiukoakʼ lacʼ dom getʼ cirạitakoa.”

1 Rapajko 20:27

Ar Israelko hõko jarwayena. Ar onkoakʼ jomakʼko reakʼ bebosta hoyen khan onko do Aramrenko sãote lạṛhại lạgitʼko oḍok hecʼena. Ar Aramrenko samaṅreko ḍerayena. Unre onko ńelte ako do barea huḍiń merom palren lekako hudisena, ente Aramrenko do goṭa disạmko chạplạu esetʼ akatʼ tahẽkana.

1 Rapajko 20:15

Ahab do niạ katha ańjomkate eṭakʼ eṭakʼ disạm cakʼlaoko taberen lạṛhại juạnkoe jarwaketʼkoa. Onate onko do barsae pegel bar hoṛko hoyena. Ar ona tayom uni do Israelren sanam lạṛhại phạdko mitʼ ṭhene jarwaketʼko khan onko do eae hajar lạṛhại phạdko hoyena.

1 Samuel 13:15

Inạ tayom Samuel do Gilgol bạgikate Benjạmin ṭoṭha reakʼ Gibeateye senena. Sạul do acʼ sãoten hoṛkoe lekhaketʼkoa ar onko do turui saeko tahẽkana.

2 Samuel 22:43

Dhạrti reakʼ dhuṛi leka onko doń holoṅ ḍigirketʼkoa; ar ḍahar reakʼ losotʼ leka jaṅgateń lebetʼ gańjaoketʼkoa.

2 Rapajko 13:8

Jehoahasakʼ eṭakʼ sanam kạmiko reakʼ kathako ar lạṛhạire jitạukʼ reakʼ katha do “Israel rapajkoakʼ Itihãs” ńutumanakʼ puthire ol menakʼa.

Amos 4:10

Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.