2 Rapajko 13:5 - সান্তালী বাইবেল

⁵ Unre Probhu Isor do Israelko mitʼṭen babańcaoicʼe ematʼkoa. Onate Israelko do Aramrenkoakʼ ti khon rukhiyạko ńamkeda. Ona iạte onko do lahate leka arhõ sulukte girobasokʼko ehopʼena.

2 Rapajko 13:5 Referans Kwoze

Nehemiạ 9:27

Onatege am do bạirikoakʼ tirem jimạletʼkoa ar bạiriko do onkoko santaoetʼko tahẽkana. Onkoakʼ kosṭo oktere onko do am ṭhenko rakʼ homoretʼ tahẽkana ar am do serma khonem ańjomletʼtakoa. Amakʼ maraṅ daya iạte onko bańcaoko lạgitʼ hoṛkom kolletʼkoa. Ar bạirikoakʼ ti khon onkom bańcaoketʼkoa.

2 Rapajko 14:27

Probhu Isorakʼ sana do baṅ tahẽkana, serma latar khon Israelakʼ ńutum marao giḍikakʼ do. Ona iạte uni do Jehoasren hopon Jerobiam hotete onkoe bańcaoketʼkoa.

2 Rapajko 14:25

Israelren Probhu Isor do acʼren guti Gat-Hepherren Amitaeren hopon Jona nạbi hotete oka kathae roṛletʼ ona katha lekage Jerobiam do Hamat ṭoṭha khon Araba doreão hạbicʼ Israelkoakʼ disạm reakʼ lahateakʼ simạna do arhõ acʼakʼ dokholreye ạgukeda.

2 Rapajko 13:25

Unre Jehoahasren hopon Jehoas do ona nagrahako arhõe hat ruạṛkeda one okako do Hasaelren hopon Benhadad do acʼren apat Jehoahas ṭhen khon lạṛhạireye jitạu akatʼ tahẽkan. Jehoas do pe dhao Benhadad lạṛhạireye bhagao ledete Israelkoakʼ nagrahakoe rukhiyạleda.

Luk 2:11

Teheń do Dạud nagrahare aperen babańcaoicʼe janam akana. Uni doe Probhu Mạsi kana.

Obodiạ 1:21

Disạm cakʼlaoko do Sion buru khon Esaoakʼ buru ṭoṭhakoren hoṛko ḍanṭaokoa, ar rajosṭi do Probhu Isorakʼge hoyokʼa.

Jesaea 19:20

Ar noage hoyokʼa Misor disạmre phạdkoren Probhu Isor ńutumte mitʼṭecʼ cinhạ ar goha do. Onkoakʼ santao iạte onko do tinre Probhu Isor ṭhenko raga unre onko ṭhen mitʼṭen babańcaoicʼ ar rurukhiyạicʼe kolea ar uni do onkoe bańcaokoa.

1 Bõsbudạ 11:2

Sạule rajokʼkan tahẽkanre amge Israelren lạṛhại phạdkom ạyuretʼko tahẽkana; ar amren Probhu Isor doe men akatʼmea amge jemon uniren hoṛko, metakʼme Israelkom ńel todarotkoa ar onkoren mukhiyạm hoyokʼa.”

1 Samuel 19:7

Tayomte Jonathan do Dạude hohowadea ar uniyakʼ sanam kathae lạiyadea. Uni do Sạul ṭhene idikedea ar Dạud do lahate lekage Sạul ṭhene tahẽyena.

Dosar Biboron 19:4

“Ar khũniạhi hoṛ onḍeye ńir bańcaokʼte jiwiye bańcaotae reakʼ bondobos do nonka kana. Jãhãege acʼ pheḍren hoṛ begor kurudaeteye khũn emanlere,

Exodus 4:10

Mose doe menkeda, “Menkhan E Probhu Isor, iń do rawal moca hoṛ doń baṅkana. Lahatehõ bạń roṛ daṛeakʼ kan tahẽkana ar am sãote katha roṛ tayom hõ bạń daṛeakʼ kana. Ińakʼ mocare katha do aṭkaokʼtińa, ente ińakʼ alaṅ do hamalgetińạ.”

Ester 4:14

Menkhan niạ oktere hape akangem tahen enḍekhan eṭakʼ secʼte Jihudiko do rukhiyạko ńama arko bańcaokʼa, menkhan am dom gujukʼa ar am apumren bõs hõko marao utạrokʼa. Okoe baḍaea pasecʼ niạ okte lạgitʼge am do rạni hudạm ńam akatʼ!”

1 Samuel 12:11

Unre Probhu Isor do Jerubakʼal, ar Barak, Jephtoha ar Samuel tekoe kolletʼkote ape beṛhaeten bạirikoakʼ ti khone rukhiyạketʼpea. Ar ona tayom ape nirạite girobasokʼpe ehopʼena.