2 Rapajko 13:18 - সান্তালী বাইবেল

¹⁸ Ona tayom Elisaeye menkeda, “Ma sarko hatao ruạṛme.” Ar raj do onakoe hataoketʼ khan Elisaeye menkeda, “Ma otre dalme.” Ar raj do pe dhao otreye dalkeda.

2 Rapajko 13:18 Referans Kwoze

2 Rapajko 4:6

Ado sanamakʼ bhajanko perecʼketʼ khan uni do acʼren mitʼṭen hopone metadea, “Ar mitʼṭecʼ bhajan ạguiyme.” Hopontetʼe roṛ ruạṛkeda, “Mitʼṭecʼ bhajan hõ sarecʼ do ar bạnukʼa.”

Exodus 17:11

Ar lạṛhại jokhecʼ Mose do tin hạbicʼ acʼakʼ tiye tul dohokakʼkan tahẽkan unhạbicʼ Israelkoko jitạukʼkan tahẽkana; Arhõ tinre tiye pheḍetʼtae tahẽkana unre do Amalekikoko jitạukʼkan tahẽkana.

2 Rapajko 13:17

“Purub senakʼ jalna jhijme.” Uni doe jhicʼkeda. Ona tayom Elisaeye menkeda, “Ma tuń me.” Jehoas do jalna jhicʼkateye tuńkeda. Unre Elisae doe menkeda, “Noa do hoyokʼkana Probhu Isorakʼ jitạukʼ reakʼ sar, Aram cetanre jitạukʼ reakʼ sarge. Am do Aramrenko Aphekrem bhagaokoa arem marao utạrkoa.”

2 Rapajko 13:19

Unre Isorren hoṛ do raṅgaoenteye menkeda, “Mõṛẽ se turui dhao otre dadal jạruṛ tahẽkantama; enḍekhan am do Aramrenko purạtem marao caba daṛekekoa. Menkhan ńitokʼ do eken pe dhaoem bhagao daṛeakoa.”

2 Rapajko 13:25

Unre Jehoahasren hopon Jehoas do ona nagrahako arhõe hat ruạṛkeda one okako do Hasaelren hopon Benhadad do acʼren apat Jehoahas ṭhen khon lạṛhạireye jitạu akatʼ tahẽkan. Jehoas do pe dhao Benhadad lạṛhạireye bhagao ledete Israelkoakʼ nagrahakoe rukhiyạleda.