2 Rapajko 13:1 - সান্তালী বাইবেল

¹ Jihudạren raj Ahasiạren hopon Joasakʼ rajokʼ bargel pe bochorre Jihuren hopon Jehoahas do Samariạre Israelkoren raj lekate geleae bochor raje calaokeda.

2 Rapajko 13:1 Referans Kwoze

2 Rapajko 11:21

Joas tinre rajokʼe ehopʼena unre uniyakʼ umer do eken eae bochor tahẽkantaea.

2 Rapajko 11:4

Eaeakʼ bochorre Jehoyada naeke do rurukhiyạkoren subedarko ar pahradarkoren subedarkoe hoho ạguketʼkoa ar Probhu Isorakʼ oṛakʼre acʼ ṭhene hohoatʼkoa. Uni do onko sãote mitʼṭecʼ bondobose bandhaokeda ar Probhu Isorakʼ oṛakʼreye kiriạ ocoketʼkote rajren hopone udukʼatʼkoa.

2 Rapajko 8:26

Ar tinre raje hoyena unre uniyakʼ umer do bargel bar bochor tahẽkantaea ar uni do mitʼ bochor Jerusalemre raje calaokeda. Uniren eṅgat Athaliạ do Israelren raj Omriren goṛomtetʼ kuṛiye tahẽkana.

2 Rapajko 12:21

Okoe gutikin unikin gocʼlede unkin dokin hoyokʼkana Simeatren hopon Josakar ar Somerren hopon Jehosabad. Joase gocʼen khan Dạud nagrahare acʼren hapṛamko sãoteko topakadea. Ar uniyakʼ jaegare acʼren hopon Amasiạ do raje hoyena.

2 Rapajko 13:2

Uni do Probhu Isorakʼ mẽtʼre oka bạṛicʼakʼ kan onageye kạmikan tahẽkana ar Nabatren hopon Jerobiam Israelko cetʼ lekae kại ocoyetʼko tahẽkan onkage uni hõe kại ocoyetʼko tahẽkana; ar ona khon do bae ruạṛlena.

2 Rapajko 10:30

Probhu Isor do Jihui metadea, “Am do ińakʼ mẽtʼre hok reakʼgem kạmi akada ar onam onka akatʼte amren bõsko do pon piṛhi hạbicʼ Israel reakʼ siṅghạsonreko duṛupʼa.”

2 Rapajko 12:1

Jihuakʼ rajokʼ eaeyakʼ bochorre Joas do raje hoylena ar Jerusalemre uni do pongel bochor raje calaokeda. Uniren eṅgatakʼ ńutum do Sibiạ tahẽkana; uni do Ber-seba nagraharen kuṛiye tahẽkana.

2 Rapajko 13:10

Jihudạren raj Joasakʼ rajokʼ pegel eaeyakʼ bochorre Jehoahasren hopon Jehoas do Samariạren raje hoyena. Uni do gel turui bochor raje calaoleda.

2 Rapajko 15:12

Probhu Isor do Jihu okae metade tahẽkan, “Amakʼ bõsren pon piṛhi hạbicʼ Israelakʼ siṅghạsonreko duṛupʼa” ar ona do purạuena.