2 Rapajko 12:7 - সান্তালী বাইবেল

⁷ Ona iạte Joas do Jehoyada ar eṭakʼ naekeko hohoatʼkoteye kuliyana, “Koejoṅ oṛakʼ do cedakʼ bape jut aroyeda? Hoṛko ṭhen khon ṭaka hataokate ape ṭhen do alope dohokakʼ bickom koejoṅ oṛakʼ jut aroe lạgitʼ emokʼpe.”

2 Rapajko 12:7 Referans Kwoze

2 Bõsbudạ 24:16

Israelko modre Isor ar uniyakʼ oṛakʼ lạgitʼ bhageakʼe kạmiletʼte uni do Dạudakʼ nagrahare rapajko sãoteko topakedea.

2 Bõsbudạ 23:1

Eaeakʼ bochorre Jehoyada do apnartetʼe daṛeyente Jehoramren hopon Asariạ, Jehohanan hopon Ismael, Obedren hopon Asariạ, Adayren hopon Maseya ar Sikri hopon Elisaphat teko sãote mitʼṭecʼ bondobose bandhaokeda. Noko sanamkoge sae saeko cetanren subedarko tahẽkana.

1 Bõsbudạ 21:3

Menkhan Joab doe roṛ ruạṛkeda, “Probhu Isor do jemon acʼren hoṛko mitʼsae doboṛe saṅge ocoko. E ińren kisạ̃ṛ maharaj, noko sanamkoge cetʼ amren guti doko baṅkana? Enḍekhan cedakʼ ińren Probhu Isor do niạ kạmi lạgitʼe khojkana? Ar cedakʼ baṅ am iạte goṭa Israel jạtrenko dusiko hoyokʼ?”

2 Rapajko 12:2

Naeke Jehoyada tinạkʼ din Joasren sosolhayicʼe tahẽkan unạkʼ din Joas do Probhu Isorakʼ mẽtʼre oka bhageakʼ kan onageye kạmiyetʼ tahẽkana.

2 Rapajko 11:4

Eaeakʼ bochorre Jehoyada naeke do rurukhiyạkoren subedarko ar pahradarkoren subedarkoe hoho ạguketʼkoa ar Probhu Isorakʼ oṛakʼre acʼ ṭhene hohoatʼkoa. Uni do onko sãote mitʼṭecʼ bondobose bandhaokeda ar Probhu Isorakʼ oṛakʼreye kiriạ ocoketʼkote rajren hopone udukʼatʼkoa.

2 Rapajko 12:6

Menkhan Joasakʼ rajokʼ bargel pe bochorre naekeko do unhõ koejoṅ oṛakʼ do bako jut aro akatʼ tahẽkana.

2 Rapajko 12:8

Naekeko doko rạjiyena, hoṛko ṭhen khon ṭaka poesa hataokate ako ṭhen do bako dohoya ar apnarte koejoṅ oṛakʼ jut aroe reakʼ kạmi hõ bako kạmiya.

Hagae 1:2

“Phạdkoren Probhu Isorgeń menetʼ kana, noko hoṛko meneda, ‘Probhu Isorakʼ oṛakʼ benao reakʼ okte do ńithõ ạuri seṭerokʼa.”