2 Rapajko 12:5 - সান্তালী বাইবেল

⁵ Ar mimitʼ naekeko do akoren hoṛko ṭhen khon ṭaka poesa hataokate koejoṅ oṛakʼ jut aroe kạmire ona jemonko beohar ma.”

2 Rapajko 12:5 Referans Kwoze

Jesaea 58:12

Aperen hoṛko do sedae reakʼ jarkharakʼko cetanre arhõko benao rakaba ar lahateakʼ rehetʼ cetanre arhõko gathao ruạṛa; ar ape do dhasao bhit ar bosotokʼ lạgitʼ kulhi jujutkope ńum ocokʼa.

2 Bõsbudạ 24:5

Uni do naeke ar Liwiko hohoatʼkoteye metatʼkoa, “Isorakʼ oṛakʼ jut aroe lạgitʼ sanam Israelko ṭhen khon khajna uṭhạu lạgitʼ Jihudạ reakʼ sanam ato ar nagrahakote calakʼpe. Ar niạ kạmi do usạra kạmipe.” Menkhan Liwiko do bako usạraleda.

2 Rapajko 12:12

raj-mistriko ar dhiri gegetʼ mistriko mujuri lekateko emakokan tahẽkana. Ona chaḍa Probhu Isorakʼ oṛakʼ jut aroe kạmi lạgitʼ onko do kaṭ ar getʼakʼ dhirikoko kirińetʼ tahẽkana ar ona kạmi lạgitʼ okoeyakʼ oka lagaokʼkan tahẽkan ona lạgitʼko khorocetʼ tahẽkana.

1 Rapajko 11:27

Raj upạrte Jerobiamakʼ hul reakʼ do mitʼṭecʼ karon tahẽkana. Solomon do Milo nagraha tinreye benaoetʼ tahẽkana ar acʼren apat Dạudakʼ nagraha reakʼ pạcrikoe jut aro ocoyetʼ tahẽkana.

2 Bõsbudạ 24:7

Uni bạṛicʼ maejiu Athaliạren hoponko do Probhu Isorakʼ oṛakʼ rạputʼkateko bololena ar sonotakʼ jinisko Bakʼal debotawakʼ pujạ lạgitʼko beoharleda.

2 Rapajko 12:4

Joas do naekeye metadea, “Probhu Isorakʼ oṛakʼre sonotakʼ dan lekate tinạkʼ ṭaka poesa ạgukʼ onape hataoa arpe doho jarwaea. Onako do hoyokʼkana- hoṛko lekhako jokhecʼ ạguakʼ ṭaka, manot purạu lạgitʼ ạguakʼ ṭaka ar koejoṅ oṛakʼte apnar kusi leka ạguakʼ ṭaka.

2 Rapajko 12:6

Menkhan Joasakʼ rajokʼ bargel pe bochorre naekeko do unhõ koejoṅ oṛakʼ do bako jut aro akatʼ tahẽkana.

Exodus 30:13

Lekha akan hoṛkoakʼ dolte calakʼ ạurire mimitʼ hoṛ do gel gram ojon reakʼ dhorom sekel reakʼ adha sekelkate emokʼ hoyokʼtakoa. Ar niạ adha sekel do Probhu Isorakʼge hoyokʼa.

Numeri 18:15

Probhu Isor ṭhenko samaṅokʼ mimitʼ pạhil koṛa hoponko do amrenko hoyokʼa. Baṅ doe manwakan ar baṅ doe janwarkan. Manwaren pạhil koṛa hoponko do khạṭigem chaḍaokoa ar besapha janwarren pạhil ạnḍiạ hoponko hõm chaḍaokoa.

2 Rapajko 22:4

“Am do maraṅ naeke Hiskiạ ṭhen calakʼme ar Probhu Isorakʼ oṛakʼre lạgitʼ hoṛkoakʼ ạguakʼ okaṭakʼ ṭaka poesa do horhokoko uṭhạu akatʼ ona reakʼ hisạb jemon ṭhik lekako dohokakʼ.

1 Bõsbudạ 29:6

Unre Israelren khũṭkoren mukhiyạko, judạ judạ khũṭkoren mukhiyạko, hajar lạṛhại phạdko ar sae lạṛhại phạdko ar rajakʼ kạmi reakʼ ńel todarotko do kusiteko dankeda.

1 Bõsbudạ 29:9

Onko do kusi monte ar khulạsate goṭa ontorte Probhu Isorko emadete ạḍiko rạskạyena. Ar Dạud raj hõ ạḍiye rạskạyena.