2 Rapajko 12:4 - সান্তালী বাইবেল

⁴ Joas do naekeye metadea, “Probhu Isorakʼ oṛakʼre sonotakʼ dan lekate tinạkʼ ṭaka poesa ạgukʼ onape hataoa arpe doho jarwaea. Onako do hoyokʼkana- hoṛko lekhako jokhecʼ ạguakʼ ṭaka, manot purạu lạgitʼ ạguakʼ ṭaka ar koejoṅ oṛakʼte apnar kusi leka ạguakʼ ṭaka.

2 Rapajko 12:4 Referans Kwoze

2 Rapajko 22:4

“Am do maraṅ naeke Hiskiạ ṭhen calakʼme ar Probhu Isorakʼ oṛakʼre lạgitʼ hoṛkoakʼ ạguakʼ okaṭakʼ ṭaka poesa do horhokoko uṭhạu akatʼ ona reakʼ hisạb jemon ṭhik lekako dohokakʼ.

Exodus 35:29

Probhu Isor do Mose hotete cetʼe cekae lạgidokʼkan tahẽkan ona kạmi lạgitʼ Israelren maejiuko ar herelko talare okoe uskurko ńamketʼ onko do daṛeakʼ bhor Probhu Isor lạgitʼko ạgukeda.

Exodus 35:22

Herel hoṛ ar maejiuko talare okoe do monre uskurko ńamketʼ onko hõ mũ reakʼ mạ̃kṛiko, pagrako, chachap mundạmko, hạsliko ar sona reakʼ nana parkan gohonako ạgukeda. Ar okoe Probhu Isor ńutumte sona ạgu moneyade uni do sonae ạgukeda.

Luk 21:4

ente eṭakʼko do akoakʼ sareṛokʼakʼ dhon khonko dohoakada, menkhan nui maejiu doe reṅgecʼgere hõ bańcao tahen lạgitʼ oka tahẽkantae ona jotogeye emkeda”

Esra 7:16

Ona chaḍa okako sona ar rupạ Babel disạm khonem ńam ar Israelko ar onkoren naekeko Jerusalemre onkoren Isorakʼ oṛakʼ lạgitʼ akoakʼ kusite okako em ona jotogem iditoraea.

Esra 2:69

Onko mimitʼko do akoakʼ daṛe leka niạ kạmi lạgitʼ ponsae mõṛẽ keji sona, pe hajar barsae mõṛẽgel keji rupạ ar naekeko lạgitʼ mitʼsae kicricʼ do khajańci oṛakʼreko dohokeda.

Esra 1:6

Onko aḍepaseren sanam hoṛko do sona, rupạ reakʼ bhajan, eṭakʼ eṭakʼ jinisko, janwarko ar damanakʼ jiniskoko ematʼkote onkoko goṛowatʼkoa ar Isorakʼ oṛakʼ lạgitʼ apnarakʼ kusi leka danko emena.

2 Bõsbudạ 35:2

Uni do naekeko akoakʼ kạmireye bahalketʼkoa ar Probhu Isorakʼ oṛakʼre dewa sewa kạmireye udgạuketʼkoa.

2 Bõsbudạ 31:12

Ona tayom hoṛko do dan-sandes, ar jotowakʼ jinis reakʼ gel hạṭiń reakʼ mitʼ hạṭiń ar Probhu Isor ńutumte begar dohoakatʼ jinisko pạtiạr salakʼ khajańci oṛakʼte ạguko ehopʼena. Konaniạ ńutuman mitʼṭen Liwi cetanre noako jinis ńel todarot reakʼ bhar do tahẽkana ar uniren boeha Simai do uniren gokʼṛoyicʼe tahẽkana.

2 Bõsbudạ 15:18

Uni ar uniren apattetʼ okako sona-rupạ ar eṭakʼ eṭakʼ jinisko Isor ńutumtekin begar doholetʼ onako do Isorakʼ oṛakʼteye idikeda.

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

2 Rapajko 12:18

Unre Jihudạren raj Joas do acʼ ar acʼren hapṛamkoren, metakʼme Jihudạren Jehosaphat raj, Jehoram ar Ahasiạ emakʼ Probhu Isor ńutumte begarakʼ sanam jinisko Aramren raj Hasael ṭhene kolkeda. Ona chaḍa uni do Probhu Isorakʼ khajańci oṛakʼre ńamakʼ raj oṛakʼ reakʼ joto sona hõ uni ṭhene kolkeda. Onate Hasael do Jerusalem bạgikateye calaoena.

1 Rapajko 7:1

Solomon do raj doṅgol benao sạtte gelpe bochor lagaoade tahẽkana.

Levitikus 27:31

Jãhãege ona gel hĩs reakʼ mitʼ hĩs chaḍaoe menjoṅ enḍekhan ona reakʼ dam sãote arhõ mõṛẽ hĩs reakʼ mitʼ hĩs bạ̃ṛti emokʼ hoyokʼtaea.

Exodus 36:3

Sonot ṭhạ̃i reakʼ sekʼwa kạmi lạgitʼ Israelkoakʼ ạguakʼ jinisko onko do Mose ṭhen khonko bhujhạu hataoana. Menkhan Israelko do din hilokʼ setakʼ jokhecʼ akoakʼ monsubạ leka jinis ạguiytegeko tahẽyena.

1 Bõsbudạ 18:11

Niạ lahare Dạud raj do Idomrenko, Moabrenko, Amonrenko, Philisṭiko ar Amalekakiko ṭhen khon sona ar rupạko ạgukate cetʼleka Probhu Isor ńutumteye begar doholetʼ onkage noako hõe begar dohokeda.

2 Rapajko 12:5

Ar mimitʼ naekeko do akoren hoṛko ṭhen khon ṭaka poesa hataokate koejoṅ oṛakʼ jut aroe kạmire ona jemonko beohar ma.”

1 Rapajko 3:2

Ar hoṛko do unrehõ than boṭkocʼkore akoren janwarkoko dãṛẽyetʼko tahẽkana, ente un hạbicʼ hõ Probhu Isor dewa sewawae lạgitʼ jãhãn oṛakʼ hõ baṅ benao akan tahẽkana.

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.

2 Rapajko 14:4

Menkhan than boṭkocʼko do bae marao utạrleda, ar hoṛko hõ onḍe janwarkoko dãṛẽyetʼko tahẽkana ar dhupko jeretʼetʼ tahẽkana.

2 Rapajko 15:4

Menkhan than boṭkocʼko do bae marao giḍileda; ar hoṛko hõ onakore janwar dãṛẽko samaṅetʼko tahẽkana ar dhupko jeretʼetʼ tahẽkana.

2 Rapajko 16:4

Uni do than boṭkocʼkore, buru cetankore ar mimitʼ hạriạṛ dare buṭạkore janwarkoe dãṛẽyetʼko tahẽkana ar dhupkoe jeretʼetʼ tahẽkana.

2 Rapajko 17:11

Probhu Isor do okoe jạtrenko onko samaṅ khone laga ńirletʼko onko leka noko hõ than boṭkocʼkore dhupko jeretʼetʼ tahẽkana. Ona chaḍa onko do arhõ bạṛicʼakʼ kạmikate Probhu Isorko khĩs ocoyede tahẽkana.