2 Rapajko 11:2 - সান্তালী বাইবেল

² Menkhan sanam raj hoponko ạuriko gocʼ ocokʼre Jehoram rajren hoponera Ahasiạren misera Jehosaba do Ahasiạren hopon Joase kombṛo idikedea. Athaliạ ṭhen khon okore dohoye lạgitʼge Jehosaba do Joas ar uniren jokʼtonicʼ mitʼṭecʼ giticʼakʼ oṛakʼreye dohokatʼkinạ. Ar onate Joas do bae gocʼ ocolena.

2 Rapajko 11:2 Referans Kwoze

Jeheskel 40:45

Uni do ińe metadińạ, “Dạkhin duạr do mundil oṛakʼ reakʼ ńel todarot reakʼ bhare ńamakatʼ naeke lạgitʼkana ar utạr duạr kandha do pinḍko ńel todarot reakʼ bhare ńamakatʼ naekeko lạgitʼ kana. Onko naekeko doko hoyokʼ kana Sadekren hoponko; liwiko modre eken onkoge Probhu Isor samaṅre uniyakʼ sewakʼ kạmi lạgitʼko sen daṛeakʼa.”

Jirimiạ 35:2

“Am do Rekabiạ bõsren hoṛko ṭhen senokʼme ar ińakʼ oṛakʼ reakʼ mitʼṭecʼ kandhate hijukʼ metakom ar darkha rasa ńũ ocokom.”

Jirimiạ 33:26

enḍekhan Jakob ar ińren guti Dạud bõsrenko hõń nihạ̃t giḍikakoa ar Abraham, Isạhak ar Jakobakʼ bõsrenko cetanre rajokʼ lạgitʼ Dạud bõsrenko khon mitʼ hoṛ hõ bạń bachaojoṅa. Iń do khạṭige onkoakʼ bhage dosań ruạṛkatakoa ariń mãyãwakoa.”

Jirimiạ 33:21

enḍekhan ińren guti Dạud lạgitʼ ar iń samaṅre teṅgokate okoe do sekʼwa reakʼko kạmikan onko Liwi naekeko lạgitʼ oka bondobosiń bandhao akatʼ ona hõ rạpudokʼa ar Dạudakʼ siṅghạsonre rajokʼ lạgitʼ uniren cele hoponge bako tahena.

Jirimiạ 33:17

Israel reakʼ siṅghạsonre duṛubokʼ lạgitʼ Dạudakʼ bõsren hoṛ do tishõ bako khạntikʼa.

Jesaea 37:35

Ar ińge ińren guti Dạud lạgitʼ niạ nagrahań esetʼ ạcurkakʼa ariń rukhiyạya.’ ”

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

2 Bõsbudạ 22:11

Menkhan sanam raj hoponko ạuriko gocʼ ocokʼre Jehoram rajren hoponera Ahasiạren misera Jehosaba do Ahasiạren hopon Joase kombṛo idikedea. Ar Athaliạ ṭhen khon okore dohoye lạgitʼge Jehosaba do Joas ar uniren jokʼtonicʼ mitʼṭecʼ oṛakʼreye dohokatʼkinạ. Onate Athaliạ do uni bae gocʼ daṛeadea. Jehosaba do naeke Jehoyadaren bạhui tahẽkante Athaliạ oka turui bochor disạmreye rajokʼkan tahẽkan onako dinre Joas do Isorakʼ oṛakʼre okogeye tahẽyena.

2 Rapajko 11:21

Joas tinre rajokʼe ehopʼena unre uniyakʼ umer do eken eae bochor tahẽkantaea.

2 Rapajko 8:19

Enhõ Probhu Isor do acʼren guti Dạudakʼ katha disạite Jihudạ marao giḍikakʼ do bae khojleda, ente uni do Dạud ar uni bõsrenko jaejug lạgitʼ mitʼṭecʼ mạli emako reakʼe gokʼade tahẽkana.

2 Rapajko 8:16

Israelren raj Ahabren hopon Jehoramakʼ rajokʼ mõṛẽgel bochorre tinre Jehosaphat do Jihudạren raje tahẽkana unre Jehosaphatren hopon Jehoram do Jihudạre rajokʼe ehopʼena.

1 Rapajko 6:10

Mundil oṛakʼ reakʼ pe aṛege uni do thoṛa kandhakoe benao ocokeda. Ona kandhako reakʼ usultetʼ do mõṛẽ moka tahẽkana ar debdạru kaṭ reakʼ saṅghate chate benao ocokeda. Ona saṅgha reakʼ mitʼ secʼ do mundil oṛakʼ bhit reakʼ khap cetanre dohoyena.

1 Rapajko 6:8

Latar mahlate bolokʼ reakʼ duạr do mundil oṛakʼ reakʼ dạkhin secʼre tahẽkana; ar onḍe khon mitʼṭecʼ siṛhi do bar mahla ar ona tayom do pe mahla hạbicʼ rakapʼ akana.

Exodus 8:3

Nil gaḍa do roṭekote perejokʼa, ar onko do gaḍa khonko rakapʼ hijukʼte amakʼ oṛakʼ duạrkore, giticʼ oṛakʼkore, amakʼ aṭetʼkore, amren kạmiyạkoakʼ oṛakʼkore, amren hoṛkoakʼ oṛakʼkore, amakʼ culhạre ar amakʼ holoṅ sipiyakʼ gamlareko don bolokʼa.

Bikʼcạrko 9:5

Uni do Ophrare acʼ apatakʼ oṛakʼte senkate acʼren eaegel boehako, metakʼme Jerubakʼalren sanam hoponko inạ mitʼ dhiri cetanregeye gocʼketʼkoa. Menkhan Jerubakʼalren joto khon huḍiń utạricʼ hopon Jotham do okoreye tahẽkanteye bańcaoena.

2 Rapajko 11:3

Uni do acʼren jokʼtonicʼ sãote turui bochor Probhu Isorakʼ oṛakʼre okogeye tahẽkana; unre Athaliạ do disạmreye rajokʼkan tahẽkana.

2 Rapajko 12:1

Jihuakʼ rajokʼ eaeyakʼ bochorre Joas do raje hoylena ar Jerusalemre uni do pongel bochor raje calaokeda. Uniren eṅgatakʼ ńutum do Sibiạ tahẽkana; uni do Ber-seba nagraharen kuṛiye tahẽkana.

1 Rapajko 11:17

Menkhan Hadad do acʼ apatren adom kạmiyạko sãote Misorteye dạṛleda. Ona jokhecʼ uni do gidrạgeye tahẽkana.

1 Bõsbudạ 3:11

Jehosaphatren hopon Jihoram, Jihoramren hopon Ahosiạ, Ahosiạren hopon Joas,

Jirimiạ 36:26

Ona bodolte uni do olokʼicʼ Baruk ar Jirimiạ nạbi tạkin sapʼ ạgukin lạgitʼ raj hopon Jirohomel, Asrayelren hopon Sorae ar Abdiyelren hopon Selimi takoye hukumatʼkoa. Menkhan Probhu Isor do unkine oko dohokatʼkinạ.