2 Rapajko 11:12 - সান্তালী বাইবেল

¹² Unre Jehoyada do rajren hopone oḍok ạgukedete uniyakʼ bohokʼre mukuṭe horokʼadea ar uniyakʼ tire bondobos reakʼ puthiko caladea. Onko do raj menteko ojokʼ bahalkedea ar disạm hoṛko do ti thayoate ar ãṭ aṛaṅte hohoateko menkeda, “Moharaj do jiwetʼ baṛeye tahenma.”

2 Rapajko 11:12 Referans Kwoze

1 Samuel 10:24

Unre Samuel do sanamkoe metatʼkoa, “Ape do cetʼ Probhu Isore bachao akade hoṛpe ńelńame kana?” Sanam hoṛko modre uni lekanko do ar okoege bạnukʼkoa. Unre hoṛkoko menkeda, “Raj do jiwetʼ baṛeye tahenma.”

Exodus 25:16

Ona goha sunduk do amiń emama ar am do noa sindukre onam dohokakʼa.

1 Rapajko 1:39

Unre naeke Sadok do sonot tạmbu khon dereńte sunume ạgukeda ar Solomone ojokʼ bahalkedea. Ona tayom onko do sakwako oroṅkeda ar Israelko do ãṭ aṛaṅte hohoateko menkeda, “Solomon raj do jaejug baṛe jiwetʼe tahenma.”

2 Samuel 1:10

Onate iń do senkate uniń gocʼkedea. Enteń bujhạu daṛeada, uni do bae bańcaokʼa. Iń do uniyakʼ bohokʼ khon mukuṭ ar uniyakʼ ti reakʼ ṭoḍoriń bocʼketʼtaea ar ińren mạlik am ṭheniń ạgu akada.”

Exodus 31:18

Sinại buru cetanre Mose ṭhen niạko kathae roṛ mucạtʼketʼ khan Probhu Isor do goha reakʼ barea dhiri cạktiye emadea. Isor do noakin dhiri cạktire acʼakʼ kạṭupʼte hukume olleda.

Jesaea 55:12

Ape do rạskạ salakʼ bahretepe calakʼa ar suluktepe idi ocokʼa. Buru ḍuṅgriko do am samaṅre ãṭ aṛaṅteko sereńa ar ṭạnḍi reakʼ dareko doko thayoea.

Sereńko 98:8

Sanam gaḍako do thayoateko rạskạkʼma, Buru boṭkocʼ do mitʼ sãoteko rạskạ midokʼma.

Sereńko 47:1

E sanam jạtrenko, ape do thayoype; ar Isor ńutumte hulạs aṛaṅpe.

2 Rapajko 11:2

Menkhan sanam raj hoponko ạuriko gocʼ ocokʼre Jehoram rajren hoponera Ahasiạren misera Jehosaba do Ahasiạren hopon Joase kombṛo idikedea. Athaliạ ṭhen khon okore dohoye lạgitʼge Jehosaba do Joas ar uniren jokʼtonicʼ mitʼṭecʼ giticʼakʼ oṛakʼreye dohokatʼkinạ. Ar onate Joas do bae gocʼ ocolena.

2 Samuel 16:16

Unre Dạudren gate Erekren Husai do Absalom ṭhen senkateye menkeda, “Maharaj jiwetʼ baṛeye tahenma! Maharaj jiwetʼ baṛeye tahenma.”

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

Johan sodor 19:12

Uniyakʼ mẽtʼ do jolokʼkan seṅgel leka ar uniyakʼ bohokʼre do ạḍi utạr mukuṭ tahẽkana. Uniyakʼ hoṛmore nonkan mitʼṭecʼ ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

2 Korinthiko 1:21

Okoe do Mạsire ale ar apeye jopoṛaoketʼ bonteye teṅgo keṭecʼketʼ bon uni doe Isor kana. Unige ale doe bahal akatʼlea,

Aposkạmi 4:27

“Amren sonot guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni upạrte tikin milạuleda.

Mathae 27:29

Ar jạnum nạ̃ṛĩ reakʼ mukuṭ galaṅkate bohokʼreko horokʼadea, ar jojom tire mitʼṭecʼ ṭheṅgako sapʼadea. Ona tayom ikhṛumkate siṛogateko metadea, “Johar Jihudikoren raj.”

Mathae 21:9

Ar Jisu laha lahate calakʼkan ar pańjayedekan gadel hoṛko do ãṭ aṛaṅte hohoate memenko ehopʼena, “Hosanna, Dạudren Hopon! Bhorangeae Probhu Isor ńutumte hijukʼkạnicʼ do. Coṭ utạrre Hosanna!”

Daniel 6:21

Daniele roṛ ruạṛkeda, “E maharaj, jaejug jiwetʼ baṛe tahenme.

Daniel 3:9

Onko do rajko metadea, “E maharaj, jaejug jiwetʼ baṛem tahenma.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Jesaea 8:16

Am do niạ goha rukhiyại me ar ińren celako talare ona do chapkate dohokakʼme,

Sereńko 132:18

Ar uniren bạiriko do lajao reakʼ kicricʼ iń horokʼ ocokoa, menkhan uniyakʼ bohokʼre do jhak jhakaokʼ kan mukuṭ tahena.”

Sereńko 89:39

Amren golam lạgitʼ oka bondobosem dohoakatʼ ona dom hirkhạ akawada; ar ona reakʼ mukuṭ do dhuṛire giḍikatem be sonotakada.

Sereńko 78:5

Uni do Jakob bõsrenko cetanre acʼakʼ hukume teṅgokeda, Israel jạtrenko lạgitʼ uniyakʼ ạn ạrikoe bandhaokeda; ona ạn ạriko akoren gidrạko cetʼako lạgitʼ uni do aboren hapṛamkoe hukumatʼko tahẽkana,

Sereńko 21:3

Bhạlạiyicʼ reakʼ ạḍi utạr bhorte uni dom koyokʼ daramede kana, ar uniyakʼ bohokʼre nirạ sona reakʼ mukuṭem horokʼae kana.

Ester 2:17

Eṭakʼ maejiuko khon raj do Esterge bạ̃ṛtiye dulạṛkedea ar eṭakʼ kũạri kuṛiko khon uni do raj ṭhen bạ̃ṛti daya ar dulạṛe ńamkeda. Onate raj do bohokʼre rạni ṭupriye horokʼadea ar Bạstiwakʼ jaegare Estere rạnikedea.

2 Bõsbudạ 23:11

Ona tayom Jehoyada ar uniren hoponko do rajren hoponko oḍok ạgukedete uniyakʼ bohokʼre mukuṭko horokʼadea. Onko do uniyakʼ tire bondobos reakʼ puthiko caladea ar raj menteko ojokʼ bahalkedea. Unre hoṛko do ãṭ aṛaṅte hohoateko menkeda, “Maharaj do jiwetʼe tahenma.”

2 Rapajko 11:4

Eaeakʼ bochorre Jehoyada naeke do rurukhiyạkoren subedarko ar pahradarkoren subedarkoe hoho ạguketʼkoa ar Probhu Isorakʼ oṛakʼre acʼ ṭhene hohoatʼkoa. Uni do onko sãote mitʼṭecʼ bondobose bandhaokeda ar Probhu Isorakʼ oṛakʼreye kiriạ ocoketʼkote rajren hopone udukʼatʼkoa.

2 Rapajko 9:3

Ona tayom cukạkʼ reakʼ sunum uniyakʼ bohokʼre dulkatem mena, Probhu Isore meneda, ‘Israelren raj mente iń do amiń ojokʼ bahalketʼmea.’ Ona tayom duạr jhicʼkate am dom ńir oḍokokʼa, ar alogem biloma.”

1 Rapajko 1:34

Sadok naeke ar Nathan nạbi do onḍe Israelkoren raj mente uni kin ojokʼ bahalea. Ar ona tayom do sakwa oroṅkate ãṭ aṛaṅtepe mena, ‘Solomon raj do jaejug hạbicʼ jiwetʼ baṛeye tahenma.’

2 Samuel 12:30

Uni do onḍenicʼ rajakʼ bohokʼ khon mukuṭe bocʼketʼtaea. Ona do pegel are keji sonate benao tahẽkana ar onare damanakʼ dhiriko hõ bạisạu tahẽkana. Ona mukuṭ do Dạudko horokʼadea. Ar Dạud do ona nagraha khon ạḍi utạr luṭakʼ jiniskoe idikeda.

2 Samuel 5:3

Israel disạmren sanam murubbiko do Hebronren raj Dạud ṭhenko jarwayena. Unre raj do Probhu Isorge gohayicʼe dohokedete onko sãote mitʼṭecʼ bondobose bandhaokeda. Ar onko do Israel cetanre Dạudko rajkedea.

2 Samuel 2:7

Onate ape do keṭejokʼpe ar dilanko hoyokʼpe. Aperen mạlik Sạul doe gocʼena ar Jihudạ gusṭiren hoṛko do raj lekate ińko ojokʼ bahal akadińạ.”

2 Samuel 2:4

Unre Jihudạren hoṛko do Hebronteko hecʼena ar Dạud do Jihudạ gusṭiren raj menteko ojokʼ bahalkedea. Hoṛko do Dạud niạ sombatko lạiyadea, Jabes-Gileadren hoṛge Sạul doko topa akadea.

1 Samuel 16:13

Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.

1 Rapajko 2:44

Solomon do Simai arhõe metadea, “Ińren ạpuń Dạud cetanre okaṭakʼem behok akatʼ ona do amakʼ ontore baḍaegea. Ńitokʼ do Probhu Isorge amakʼ behokakʼ kạmi lạgitʼ kuṛạiye emama.

2 Rapajko 11:11

Ar pahradarko do raj rukhiạye lạgitʼ sanamkoge khanḍa bhanḍa sapʼkate mundil oṛakʼ samaṅ reakʼ pinḍ ṭhen dạkhin secʼ khon utạr hạbicʼko teṅgoyena.

1 Rapajko 1:25

Ente uni do teheń senkate ạḍi utạr ḍaṅgra, lodgopʼ lodgopʼ bạchurko ar bheḍakoe samaṅ akatʼkoa ar rajren hoponko, senaputiko ar naeke Ạbiạthar hõe neota akadea. Onko do ńitokʼ uni sãoteko jom-ńũiyeda arko meneda, ‘Adoniạ raj do jaejug hạbicʼ jiwetʼe tahenma.’

2 Rapajko 9:13

Unre onko subedarko do usạrate akoakʼ hoṛmo reakʼ kicricʼko bocʼketʼte siṛhi cetanre Jihuakʼ jaṅga latarreko aṭetʼkeda. Ar ona tayom do sakwa oroṅkate ãṭ aṛaṅateko menkeda, “Jihu kangeae raj do.”

Sereńko 21:4

Uni do am ṭhen jione koeleda, ar am do onam emadea; ar ḍher din bahaokʼ lạgitʼem danadea.