2 Rapajko 10:8 - সান্তালী বাইবেল

⁸ Unre mitʼ hoṛ do hecʼkate Jihui metadea, “Onko do onkoakʼ bohokʼko ạguakada.” Unre Jihui hukumkeda, “Onako do nagraha reakʼ phaṭok bolokʼ horre bar ṭhen ḍhipikate setakʼ hạbicʼ dohokakʼpe.”

2 Rapajko 10:8 Referans Kwoze

1 Rapajko 21:14

Ona tayom onko mukhiyạko do Isebel ṭhen khoborko kolkeda, Nabat do dhiriteye tiń gocʼ ocoakana.

Dosar Biboron 21:23

enḍekhan setakʼ hạbicʼ mạ̃ṛĩ do darere aka dohokakʼ baṅ ganokʼa. Enhilokʼge uni do topakae hoyokʼa, ente onkanko hoṛ do Probhu Isorren sarapan hoṛkanako. Ar Probhu Isor do sompotti lekate okaṭakʼ disạme emape lạgidokʼkan ona do alope besapha ocoya.

2 Rapajko 10:7

Jihuakʼ ciṭhi seṭeren tayom hoṛko do onko eaegel jotogeko sapʼketʼkoa arko gocʼketʼkoa. Ona tayom khạclạkʼre onkoakʼ bohokʼko bhoraoketʼte Jisriyelte Jihu ṭhenko kolkeda.

2 Rapajko 10:9

Dosar hilokʼ setakʼre Jihu do bahreteye senena. Uni do sanam hoṛko samaṅre teṅgoyenteye menkeda, “Apeakʼ do jãhãn dos bạnukʼa. Ińge ińren kisạ̃ṛ upạrte soṛojontrokate uniń gocʼakadea, menkhan noko sanamko do okoeye gocʼketʼkoa?