2 Rapajko 10:6 - সান্তালী বাইবেল

⁶ Unre Jihu do onko ṭhen niạ menkate ciṭhiye olkeda, “Iń secʼpe tahen khan ar ińakʼ hukumpe manaoetʼ khan aperen kisạ̃ṛren bõsrenkoakʼ bohokʼ makʼkate gapa niạ okte Jisriyelte iń ṭhen ạguiype.” Ahabren onko eaegel bõsko do unre nagraharen napṛakʼ hoṛko ṭhenko tahẽkana. Onko do onkoko ńel todarotetʼko tahẽkana.

2 Rapajko 10:6 Referans Kwoze

Luk 9:50

Jisu do uniye metadea, “Alope manayea, ente okoe ape upạrtene baṅkan uni do ape secʼren kangeae.”

Mathae 12:30

“Okoe iń secʼrene baṅkan hoṛ do iń upạrten kanae. Okoe iń sãote bae samṭao uni doe chiṭiạua.

Jobakʼ 21:19

Hoṛko mena, ‘Isor do mitʼṭen hoṛakʼ sạjại uniren hoponko lạgitʼe bae dohokakʼ kana.’ Menkhan Isor do uni hoṛge sạjạiye emaema jemon uni do acʼakʼ dose bujhạu daṛeakʼ.

2 Rapajko 9:32

Jihu do jalna secʼ beṅgetʼ rakapʼkateye menkeda, “Iń secʼ okoe menakʼpea? Okoe menakʼpea?” Unre adom mạ̃yạ̃ṛiko do uniko oyoṅkedea.

Dosar Biboron 5:9

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Numeri 25:4

Probhu Isor do Moseye metadea, “Israelkoren sanam mukhiyạkom sapʼkoa arem gocʼkoa ar onkoakʼ mạ̃ṛĩ do siń reakʼ marsalre iń samaṅrem giḍikakʼa. Tobe anecʼ Israel hoponko cetan khon ińakʼ edre do ocogokʼtińạ.”

2 Rapajko 10:5

Onate raj oṛakʼren sordar, nagraharen murubbiko ar Ahab bõsren rurukhiyạko do niạ katha Jihuko roṛ gotʼadea, “Ale do amren golam kanale. Am cetʼem metale onagele onkaea. Ale do okoege bale rajkoa; am okaṭakʼ bhagem hudisetʼkan onage onkaeme.”

2 Rapajko 10:7

Jihuakʼ ciṭhi seṭeren tayom hoṛko do onko eaegel jotogeko sapʼketʼkoa arko gocʼketʼkoa. Ona tayom khạclạkʼre onkoakʼ bohokʼko bhoraoketʼte Jisriyelte Jihu ṭhenko kolkeda.

2 Rapajko 10:9

Dosar hilokʼ setakʼre Jihu do bahreteye senena. Uni do sanam hoṛko samaṅre teṅgoyenteye menkeda, “Apeakʼ do jãhãn dos bạnukʼa. Ińge ińren kisạ̃ṛ upạrte soṛojontrokate uniń gocʼakadea, menkhan noko sanamko do okoeye gocʼketʼkoa?