2 Rapajko 10:5 - সান্তালী বাইবেল

⁵ Onate raj oṛakʼren sordar, nagraharen murubbiko ar Ahab bõsren rurukhiyạko do niạ katha Jihuko roṛ gotʼadea, “Ale do amren golam kanale. Am cetʼem metale onagele onkaea. Ale do okoege bale rajkoa; am okaṭakʼ bhagem hudisetʼkan onage onkaeme.”

2 Rapajko 10:5 Referans Kwoze

1 Rapajko 20:32

Onko do gõṛẽ kicricʼ horokʼkate ar bohokʼre baber reakʼ binḍi tolkate Israelren raj ṭhen senkateko menkeda, “Amren guti Benhadade meneda, jemon dayakate jiwetʼem dohoye.” Raje roṛ ruạṛkeda, “Uni do cetʼ ńit hõ jiwetʼge menaea? Uni doe ińren boeha kana.”

1 Rapajko 20:4

Israelren raj doe roṛ ruạṛkeda, “Ińiń meneda, ińren mạlik maharaj, am okam menetʼ ona do ṭhikgea. Iń ar ińakʼ jotowakʼge amakʼ kangea.”

Josuạ 9:11

Aleren mukhiyạko ar aleakʼ disạmren sanamkoge noako hukum akatʼlea, horte lạgitʼ jomakʼ soṅgete jemonle iditora joṅ ar am sãote ńapamkatele metam, ‘ale do amren golam kanale de mitʼṭen bondobos baṛe emaleme.’

2 Rapajko 18:14

Unre Jihudạren Hiskiạ raj do Lakisre Asurren raj niạ kathae roṛ gotʼadea, “Iń doń behok akada. Am do ruạṛ calakʼme. Ar iń ṭhen okam khoj onageń emama.” Onate Asurren raj do Jihudạren Hiskiạ raj ṭhen khon gelbar ṭon rupạ ar mitʼ ṭon khon hõ ḍher sonae khojkeda.

Josuạ 9:8

Onko do Josuạko metadea, “Ńelme, ale do amren golamko kanale.” Unre Josuạ do onkoe kuliketʼkoa, “Ape dope okoe kana, ar oka khonpe hecʼakana?”

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Jirimiạ 27:17

Onkoakʼ katha do alogepe ańjoma. Ape do Babelren raj sapʼsoraepe, enḍekhan ape dope bańcaokʼa. Noa nagraha do cedakʼ jarkharokʼa?

Numeri 11:12

Iń do cetʼ noko hoṛko kukhireń ńam akawana? Noko do cetʼ iń janam akatʼkoa? Nokoren hapṛamko ṭhen okaṭakʼ disạm emokʼ reakʼem gokʼatʼko tahẽkan onḍe hobor nunu gidrạko leka cedakʼ idiko lạgitʼem mitạńkana?

2 Rapajko 10:6

Unre Jihu do onko ṭhen niạ menkate ciṭhiye olkeda, “Iń secʼpe tahen khan ar ińakʼ hukumpe manaoetʼ khan aperen kisạ̃ṛren bõsrenkoakʼ bohokʼ makʼkate gapa niạ okte Jisriyelte iń ṭhen ạguiype.” Ahabren onko eaegel bõsko do unre nagraharen napṛakʼ hoṛko ṭhenko tahẽkana. Onko do onkoko ńel todarotetʼko tahẽkana.