2 Rapajko 10:16 - সান্তালী বাইবেল

¹⁶ Ona tayom Jihuye menkeda, “Iń sãote hijukʼme ar Probhu Isor lạgitʼ ińakʼ tinạkʼ gagoc menakʼ ona baṛe ńelme.” Niạ menkate uni do rãt gạḍiteye idikedea.

2 Rapajko 10:16 Referans Kwoze

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

2 Rapajko 10:31

Enhõ Jihu do goṭa ontorte Israelren Probhu Isorakʼ ạn-ạriko manao lạgitʼ bae sontorlena. Jerobiam Israelko okakoe kại ocoyetʼko tahẽkan uni hõ ona khon do bae ruạṛlena.

Romiko lạgitʼ Pạul Apostolakʼ ciṭhi 10:2

Onko reaṅ do noa gohań emokʼ kana je, onko do Isor lạgitʼ ahkaokʼ mon menakʼgetakoa, menkhan Isor ṭhen cetʼ lekateko ataṅ ocokʼa ona do bako baḍaea.

Mathae 6:5

“Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼ kana. Sạrigeń metapekana, onko do akoakʼ kuṛạiko ńam horayeda.

Mathae 6:2

“Onate koeyem emokʼre phạsiạra hoṛko leka do alom onkaea. Ente onko do hoṛko ṭhen sarhao ocokʼ lạgitʼ sunạgogre ar kulhikore siṅgạ oroṅate koeko emakokana. Sạrigeń metapekana, onko do akoakʼ kuṛạiko ńam horayeda.

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Kạhtukko 27:2

Eṭakʼ hoṛ baṛeko sarhaome ma, menkhan amakʼ luṭi do alo; hẽ, eṭakʼ hoṛegeko sarhaome ma.

1 Rapajko 19:17

Ar Hasayelakʼ tarwaṛe khon jãhãegeko paskaokʼ onko do Jehu hoteteko gujukʼa ar Jehuwakʼ tarwaṛe khon okoeko paskaokʼ onko do Elisa hoteteko gujukʼa.

1 Rapajko 19:14

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhoktiye ńam onate iń do ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Eken iń eskarge sarecʼ minạńa ar ńitokʼ do iń hõ gojeń reakʼko kurumuṭu kana.”

Numeri 23:4

Unre Isor do uni sãoteye ńapamena. Ar Biliam doe menkeda, “Iń do eae goṭecʼ pinḍ iń benao akada ar mitʼke mitʼ pinḍ cetanre mitʼṭenkate ḍaṅgra ar mitʼṭenkate bheḍań samaṅketʼkoa.”

2 Rapajko 10:17

Jihu do Samariạte hecʼkate Ahab bõsren sarecʼ sanam hoṛkoe gocʼketʼkoa. Probhu Isor do Eliạ cetʼ lekae metade tahẽkan onkage Jihu do onkoe marao utạrketʼkoa.