2 Rapajko 10:11 - সান্তালী বাইবেল

¹¹ Tayomte Jihu do Jisriyelre Ahabakʼ bõsren sarecʼ hoṛko, uniren sanam manotan hoṛko, uniren gateko ar uniren naekekoe gocʼketʼkoa. Ar onkoren do celege jiwetʼ bako tahẽlena.

2 Rapajko 10:11 Referans Kwoze

Jobakʼ 18:19

Uniren hoponko do apnar jạtrenko talare bako tahena; uni okareye tahẽkan onḍe do celehõ bako tahena.

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Hosea 1:4

Unre Probhu Isor do Hoseae metadea, “Am do uniyakʼ ńutum Jisreyelem dohoytaea, ente Jisreyel nagrahare Jehu do ḍher hoṛe gocʼletʼkote iń do uniyakʼ bõsrenko cetanre usạrage sạjạiyiń ạguiya ar Israelakʼ rajosṭiń caba utạra.

Kạhtukko 13:20

Ạkilanko sãote okoeye senokʼ uni do ạkilane hoyokʼa, menkhan okoe bebuj hoṛkoren gateye hoyokʼ uni doe baṛijokʼa.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Sereńko 109:13

Onkoren bõsko doko gocʼ ocokʼma; ar onkoren gidrạkoakʼ ńutum do mohor meṭaokʼma.

2 Rapajko 23:20

Josiạ do onako pinḍ cetanrege onḍenko naekekoe gurketʼkoa ar onako cetanre manwakoakʼ jaṅkoe atarkeda. Ar ona tayom uni do Jerusalemteye ruạṛ calaoena.

1 Rapajko 22:6

Onate Israelren raj do nạbikoe hoho jarwaketʼkoa. Onkoakʼ lekha do ponsae tahẽkana. Uni do onkoe kuliketʼkoa, “Ramot-Gilead upạrte lạṛhại lạgitʼ iń oḍok calakʼa seyiń ikạkakʼa?” Onkoko menkeda, “Do calakʼme, ente Probhu Isor do rajakʼ tire onae jimạ akada.”

1 Rapajko 21:22

Amren bõsko do Nabatren hopon Jerobiam ar Ahiạren hopon Basakʼ bõsren lekań hoyocoytakoa, ente am do ińakʼ pitem caṛhao ocoakatʼtińạ ar Israelkom kại ocoakatʼkoa.

1 Rapajko 18:40

Unre Eliạ do noae hukumkeda, “Bakʼal debotaren nạbiko sapʼkope. Onkoren mitʼ hoṛ hõ alope paskao ocokoa.” Unre hoṛko do onkoko sapʼketʼkoa. Ar Eliạ do Kisạn soḍokʼte idikate onkoe gocʼketʼkoa.

1 Rapajko 18:19

Ńitokʼ am do hoṛ kolkate Israelren sanamko Karmel burure iń ṭhen jarwakom. Ar Isebelakʼ ṭebilre Bakʼal debotaren okoe pon sae mõṛẽgel nạbi ar Aseraren pon sae nạbiko do jom ńu ocokom ar nonḍe ạgukom.”

1 Rapajko 16:11

Raj lekate siṅghạsonre duṛubokʼ etohopʼrege Simri do Basa bõsren sanamkoe gocʼketʼkoa. Uniren gateko peṛako modre cele herel hoṛge jiwetʼ do bae doholetʼkoa.

1 Rapajko 15:29

Uni do raj hoykate Jerobiam gharońjren sanamkoe gocʼ cabaketʼkoa. Probhu Isor do acʼren guti Siloren Ạhiạ nạbi hotete oka kathae roṛletʼ ona lekage Basa do Jerobiamakʼ gharońjren sanamkoe marao cabaketʼkoa.

1 Rapajko 14:10

Ona iạte iń do Jerobiamakʼ bõs cetanre usạrage muhiniń paṛao ocoya. Uniyakʼ bõs khon mitʼke mitʼ herel hoṛ doń marao utạrkoa- baṅ doe golamkan ar baṅ doe sạdhin kan. Hoṛ do cetʼ leka gõeṭha rapakʼkateko torocʼ ocoyetʼkan onkage Jerobiamakʼ bõskoń marao utạra.

Josuạ 11:8

Probhu Isor do Israelkoakʼ tire onkoe jimạkatʼkoa. Israelko do onko gocʼ gocʼte maraṅ Sidon, Misrephot-Mayim ar purub secʼ reakʼ Mispa lodam hạbicʼko khudạu idiketʼkoa. Ar mucạtʼ hạbicʼ okoehõ jiwetʼ do bako tahẽlena.

Josuạ 10:30

Probhu Isor do ona nagraha ar onḍenko rajko Israelkoakʼ tireye jimạketʼkoa. Ar Josuạ do ona nagraharen hoṛko ar sanam jiwiyankoe gocʼ cabaketʼkoa, celege jiwetʼ bae doholetʼkoa.

2 Rapajko 10:12

Inạ tayom Jihu doe oḍokente Samariạ secʼe mohnḍayena. Ar horre gupikoakʼ ato Bet-Ekodre Jihudạren Ahasiạ rajren bõskoe ńapamketʼkoa. Uni do onkoe kuliketʼkoa, “Okoe kanape ape do? Onkoko menkeda, “Ale dole Ahasiạ bõsren hoṛ kana. Ale do Isebel rạniren hoponko ar raj gharońjrenko johar emako lạgitʼle calakʼkana.”

2 Bõsbudạ 22:8

Jehu do tinre Ahabakʼ bõsren hoṛkoe sạjạiyetʼko tahẽkana unre uni do Ahasiạren gokʼṛoko Jihudạren mukhiyạko ar uniren sanam boehakoren hoponkoe ńelńamketʼko khan onkoe gocʼketʼkoa.

1 Rapajko 21:29

“Ńeleme Ahab do iń samaṅre cetʼ lekae nindhạn akana! Uniye nindhạn akante uniyakʼ jionre niạ muhin do bạń ạguiya, menkhan uniren hoponakʼ jionre ar uniyakʼ bõsko cetanreń paṛao ocoya.”

2 Rapajko 9:7

Am do amren mạlik Ahabakʼ bõsem marao utạrtaea. Isebel do ińren gutiko, metakʼme nạbiko ar Probhu Isorren eṭakʼ eṭakʼ gutikoakʼ oka mãyãme joro ocoakatʼ ona reakʼ iń hala ruạṛaea.

2 Rapajko 9:9

Iń do uniyakʼ bõsko Nabatren hopon Jerobiamakʼ bõs ar Ahiạren hopon Basakʼ bõs lekań hoeocoya.

2 Bõsbudạ 22:7

Ar noa hotete Isor do Ahasiại ńur ocokedea. Ahasiạ do onḍe seṭerkate Joram sãote Nimsiren hopon Jehu upạrte lạṛhại lạgitʼe calaoena. Nui Jehuge Probhu Isor do Ahabakʼ bõsko ḍahao marao lạgitʼe bahalledea.