2 Rapajko 1:9 - সান্তালী বাইবেল

⁹ Inạ tayom raj do mitʼṭen subedar ar uniren mõṛẽgel lạṛhại phạdko Eliạ ṭhene kolkatʼkoa. Unre Eliạ do mitʼṭecʼ burureye duṛupʼ akan tahẽkana. Ar uni subedar do Eliạ ṭhen rakapʼ senkateye menkeda, “E Isorren hoṛ, raj do pheḍ hijukʼe metamkana.”

2 Rapajko 1:9 Referans Kwoze

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

Mark 15:32

Uni do Mạsi, Israelkoren raj! Ńitokʼ kurus khone pheḍ hijukʼma; jemon ona ńelte ale hõle pạtiạukʼ.” Jisu sãote kurus akankin hõ onkage kin siṛogadea.

Mark 15:29

Ar horte parom calakʼkanko do bohokʼ ruku rukuate Jisu siṛogaeteko metadea, “Eya mundil dhaṅ dhasericʼ ar pe dinte benao ruạṛicʼ!

Mathae 27:29

Ar jạnum nạ̃ṛĩ reakʼ mukuṭ galaṅkate bohokʼreko horokʼadea, ar jojom tire mitʼṭecʼ ṭheṅgako sapʼadea. Ona tayom ikhṛumkate siṛogateko metadea, “Johar Jihudikoren raj.”

Mathae 26:68

Adoko metadea, “E Mạsi, mase lạime, okoeye dalketʼmea?”

Mathae 14:3

Herod do acʼren boeha Philipren bạhu Herodiạ iạte Johan tolkate hajotreye bhorao akade tahẽkana,

Amos 7:12

Unre Amasiạ do Amose metadea, “E ńeńelicʼ, am do sạṅgińokʼme. Ar Jihudạ disạmte calakʼme. Onḍege nạbiyme ar jom ạsulokʼme.

1 Rapajko 22:8

Israelren raj do Jihudạren Jehosaphat raje metadea, “Ńit hõ nonkan mitʼṭen hoṛ menaea one uni hotete Probhu Isor bon kuli daṛeke, menkhan uni doń kurudae kana, ente uni do ińakʼ bhạlại reakʼ katha do tishõ bae roṛ akada, bạṛicʼakʼgeye nạbiya. Uni doe hoyokʼkana Imlạ hopon Mikạ.” Jehosaphate roṛ ruạṛkeda, “Raj do jemon onkan katha aloe roṛ.”

1 Rapajko 19:2

Ar Isebel do sanam katha ańjomkate hoṛ kolkate Eliạ ṭhene roṛ gotʼkada, “Gapa niạ okte bhitrite amakʼ jiwi onko hoṛkoakʼ leka bạń hoyocoe enḍekhan debotako jemon sạjạiko emạń ar ona do ạḍi bạṛicʼ sạjạige.”

1 Rapajko 18:42

Onate Ahab do jom ńũi lạgitʼe senena, menkhan Eliạ do Karmel buruteye rakapʼena. Uni doe ikhṛumente banar gunṭhikinre mẽtʼãhãe dohoketʼtaea.

1 Rapajko 18:10

Amren jiwetʼ Probhu Isor ńutumte kiriạkateń metamkana, nonkan jạtrenko se rajosṭiko bạnukʼa one okare ińren mạlik do am sendrame lạgitʼ hoṛ bae kol akatʼko. Onko jạtrenko se rajosṭire tinreko lạikeda onḍe do bạnuma unre uni do onkoe kiriạ ocoyetʼko tahẽkana, ar sạrige onko do bako sendra ńam daṛeakatʼmea.

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

Luk 9:54

Ona ńelte acʼren cela Jakob ar Johan dokin menkeda, “E Probhu Jisu, Eliạ leka serma khon seṅgel ńurakote marao giḍikako lạgitʼ hukum liń emamem khojkana?”

Jirimiạ 35:4

Iń do Probhu Isorakʼ oṛakʼte Isorren hoṛ Igdaliaren hopon Hananren hoponkoakʼ kandhateń idiketʼkoa. Ona do Salumren hopon pahradar Maseyawakʼ kandha cetanre kạmiyạkoakʼ kandha aṛere tahẽkana.

1 Samuel 19:21

Sạul do ona kathako baḍae ocokede khan arhõ hoṛe kolketʼkoa menkhan onko hõ senkate nạbi lekate Isorakʼ katha roroṛko ehopʼena. Khan Sạul do tesar dhao arhõ hoṛe kolketʼkoa ar onko hõ nạbi lekate katha roroṛko ehopʼena.

1 Rapajko 17:18

Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”

2 Rapajko 2:25

Inạ tayom uni do karmel buruteye senena ar onḍe khon Samariạreye ruạṛ senena.

2 Rapajko 4:25

Nonkate uni doe oḍok hecʼena ar Karmel burute Isorren hoṛ ṭhene seṭerena. Isorren hoṛ do maejiu sạṅgińre tahẽkanregeye ńelkede khan acʼren guti Gehosiye metadea, “Hạni ńeleme, Sunemiạ maejiu.