2 Rapajko 1:6 - সান্তালী বাইবেল

⁶ Onkoko roṛ ruạṛkeda, “Mitʼṭen hoṛ do ale sãote ńapamkateye metatʼlea, ‘okoe aleye kol akatʼle uni raj ṭhen ruạṛ senkate jemonle metae, Probhu Isore meneda, ‘Israelre Isor do cetʼ bạnuiya, onate am do Ekronren debota Bakʼal-sebub ṭhen kulijoṅ lạgitʼ hoṛem koletʼkoa? Onate am okaṭakʼ aṭetʼrem giticʼ akan ona khon do ar bam beretʼ ruạṛ daṛeakʼa. Am do khạṭigem gujukʼa.’ ”

2 Rapajko 1:6 Referans Kwoze

Sereńko 16:4

Okoe do debotakoko sewawako kan onkoakʼ duk do ḍherokʼtakoa. Ar onko oka mãyãmko coḍor ona do bạń onkaea; ar debotakoakʼ ńutum do luṭite hõ bạń ńuma.

1 Rapajko 18:7

Obediạ do horteye calakʼkan tahẽkanre Eliạ sãoteye ńapamena. Obediạ do uniye ńel oromkede khan otre ombakʼkate joharadeteye menkeda, “E ińren mạlik Eliạ, sạrigem am kangea?”

2 Rapajko 1:5

Ado onko hoṛ do raj ṭhenko ruạṛ hecʼen khan uni doe kuliketʼkoa, “Cedakʼpe ruạṛ hecʼena?”

2 Rapajko 1:7

Raj do onkoe kuliketʼkoa, “Okoeṭakʼ hoṛ ape sãoteye ńapamen ar niạ kathae metatʼpe uni do ńelokʼte cetʼ lekan hoṛ kanae?”