2 Rapajko 1:2 - সান্তালী বাইবেল

² Ahasiạ do Samariạre acʼakʼ oṛakʼ cetan kandha reakʼ jalna khone ńuren iạteye ghạllena. Unre uni do mitʼbar hoṛ kolkate noa kathae roṛgotʼkada, “Ape do Ekronren debota Bakʼal-sebub ṭhen senkate kulijoṅpe, iń do niạ ghạl khoniń boge ruạṛokʼa se baṅa.”

2 Rapajko 1:2 Referans Kwoze

2 Rapajko 1:16

Uni do raje metadea, “Probhu Isor do niạ kathae meneda, ‘Israelre cetʼ Isor do bạnuiya, onate Ekronren deboda Bakʼal-sebub ṭhen kulijoṅ lạgitʼ hoṛem kolletʼkoa? Ar noam kạmi akatʼte am do aṭetʼ khon ar bam beretʼ ruạṛ daṛeakʼa. Khạṭigem gujukʼa.’ ”

Mark 3:22

Ar Jerusalem khonko hecʼakan tahẽkan sostor baḍaeko doko menkeda, “Unire do Beelsebul menaea. Uni do bạṛicʼ jiuren raj hotete bạṛicʼ jiukoe oḍok giḍiyetʼkoa.”

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.

Luk 11:15

menkhan adomko doko menkeda, “Bhutkoren sordar Beelsebul hotete uni do bhutkoe oḍok giḍiyetʼkoa.”

Jesaea 37:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼ kan Edonren debotako do cetʼ onkoko rukhiyạ daṛeatʼko tahẽkana?

2 Rapajko 1:6

Onkoko roṛ ruạṛkeda, “Mitʼṭen hoṛ do ale sãote ńapamkateye metatʼlea, ‘okoe aleye kol akatʼle uni raj ṭhen ruạṛ senkate jemonle metae, Probhu Isore meneda, ‘Israelre Isor do cetʼ bạnuiya, onate am do Ekronren debota Bakʼal-sebub ṭhen kulijoṅ lạgitʼ hoṛem koletʼkoa? Onate am okaṭakʼ aṭetʼrem giticʼ akan ona khon do ar bam beretʼ ruạṛ daṛeakʼa. Am do khạṭigem gujukʼa.’ ”

2 Rapajko 1:3

Menkhan Probhu Isorren goḍet do Tisberen Eliại metadea, “Am do senkate Samariạren raje kol akatʼko hoṛko sãote ńapamkatem metakoa, ‘Israelre Isor do cetʼ bạnuiya, onate Ekronren debota Bakʼal-sebub ṭhen kulijoṅpe calakʼ kana?

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

Aposkạmi 20:9

Ar Euthukus ńutuman mitʼṭen juạn koṛa do ona oṛakʼ reakʼ khiṛki cetanreye duṛupʼ akan tahẽkana. Ado Pạul ạḍi ghạṛicʼe galmaraoetʼkan tahẽkante uni do dudṛumkedeteye jạpitʼkeda. Are jạpitʼ lạthiạuen khan pe tala khon latarteye ńurhạyena ar gocʼgeko tul rakapʼkedea.

Soros sereń 2:9

Dulạṛiạtiń do selepʼ jelren hopon leka. Hạni ńelepe, uni do aleakʼ pạcri tayomreye teṅgo akana, uni do jalna secʼteye ńeleń kana, ar bhurni khone oyoṅ edeńkana.

Jobakʼ 31:3

Bedhoromko lạgitʼ jarkharakʼ do cetʼ baṅkana? Ar bạṛicʼakʼko kạmikan hoṛko lạgitʼ muhin do cetʼ baṅkana?

1 Rapajko 22:34

Menkhan mitʼṭen hoṛ do ạuṛige acʼakʼ sare aṛakʼketʼ khan ona do Israelren rajakʼ koṛamre bitʼena. Unre raj do acʼren rãt gạḍi cakʼlaoyicʼe metadea, “Rãt gạḍi ạcurkate lạṛhại tala khon oḍok idiyińme. Ente iń do ạḍiń ghạl akana.”

1 Rapajko 14:3

Am do soṅgete gel goṭecʼ piṭhạ, thoṛa thuṛi mạṭhại ar mitʼ cukạkʼ dumur rasa uni lạgitʼ idi toraeme. Ar unigeye lạiyama gidrạwakʼ do cetʼ hoyokʼtaea mente.”

1 Samuel 5:10

Unre onko do Isorakʼ ona sinduk Ekron nagrahateko kolgotʼkada. Isorakʼ sinduk do Ekronte idiyen khan Ekronren hoṛko do ãṭ aṛaṅteko menkeda, “Onko do abo ar aboren hoṛko gocʼ bon lạgitʼge Israelkoren Isorakʼ sinduk do abo ṭhenko ạguakada.”

Bikʼcạrko 11:24

Amren Kemos debota okaṭakʼ ạidạriye emakawatʼme ona do cetʼ amakʼ ạidạrire bạnukʼa? Ṭhik onkage aleren Probhu Isor ale samaṅ khon okoeye laga ńir akatʼko onkoakʼ jaegagele ạidạri akawana.

Bikʼcạrko 5:28

Siseraren eṅgattetʼ do khiṛki duạr khone oyoṅkeda, ar pińjrạ khon ãṭ aṛaṅteye menkeda, “Uniyakʼ rãt gạḍiko hijukʼ do cedakʼ bilomokʼ kana? Rãt gạḍiko reakʼ pạ̃ihạ̃ saḍe do cedakʼ baṅ ańjomokʼ kana?”

Jesaea 2:6

Am do amren hoṛko, metakʼme Jakobren hoponkom bạgi giḍi akatʼkoa. Onko do purub disạmren ojhakoteko perecʼ akana; Philisṭiko leka onko do jạdu biddạko kusiyakʼ kana ar eṭakʼ jạtrenko sãote tiko milạu akada.

Josuạ 15:11

Ona tayom ona simạna do Ekron utạr reakʼ dhasna secʼ senkate Sikron secʼ ạcurente sojhe Bala buru secʼ calao idiyena ar Jabneyel seṭerkate jalapuri hạbicʼ mucạtʼena.

1 Rapajko 22:40

Ar Ahab do acʼren hapṛamko ṭhene calaoen khan uniyakʼ jaegare uniren hopon Ahasiạ do raje hoyena.

2 Rapajko 17:16

Onko do akoren Probhu Isorakʼ sanam hukum bạgikate ako lạgitʼ dulakʼ barea mĩhũ muṭhạn ar mitʼṭecʼ Asera khunṭiko benao joṅan tahẽkana. Onko do sermaren ipilkoko sewawako kan tahẽkana ar Bakʼal debota hõko sewawae kan tahẽkana.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.