2 Rapajko 1:16 - সান্তালী বাইবেল

¹⁶ Uni do raje metadea, “Probhu Isor do niạ kathae meneda, ‘Israelre cetʼ Isor do bạnuiya, onate Ekronren deboda Bakʼal-sebub ṭhen kulijoṅ lạgitʼ hoṛem kolletʼkoa? Ar noam kạmi akatʼte am do aṭetʼ khon ar bam beretʼ ruạṛ daṛeakʼa. Khạṭigem gujukʼa.’ ”

2 Rapajko 1:16 Referans Kwoze

Sereńko 132:3

“Iń do ińakʼ oṛakʼte bạń bolokʼa, se aṭetʼre hõ bạń giticʼa;

2 Rapajko 5:21

Niạ menkate Gehosi do Naman tayom tayomteye senena. Ar Naman do acʼ secʼ ńir hijukʼkane ńelkede khan uni sãote ńapamokʼ lạgitʼ rãt gạḍi khone pheḍena. Uni doe kulikedea, “Sanamakʼ ṭhikgea tho?”

1 Rapajko 22:28

Unre Mikại menkeda, “Nirạitem ruạṛ hecʼlen khan baḍaeme iń hotete Probhu Isor do katha bae roṛakada.” Ona tayom uni do arhõe menkeda, “Ape sanamkoge ińakʼ katha ańjomkakʼpe.”

2 Rapajko 1:6

Onkoko roṛ ruạṛkeda, “Mitʼṭen hoṛ do ale sãote ńapamkateye metatʼlea, ‘okoe aleye kol akatʼle uni raj ṭhen ruạṛ senkate jemonle metae, Probhu Isore meneda, ‘Israelre Isor do cetʼ bạnuiya, onate am do Ekronren debota Bakʼal-sebub ṭhen kulijoṅ lạgitʼ hoṛem koletʼkoa? Onate am okaṭakʼ aṭetʼrem giticʼ akan ona khon do ar bam beretʼ ruạṛ daṛeakʼa. Am do khạṭigem gujukʼa.’ ”

Jeheskel 14:4

Onate onkom metakoa, Probhu Isore meneda, ‘jãhãe Israel acʼakʼ ontorre boṅga muṭhạn bạisạu iạte kạire ńurokʼ lekan jinis apnar samaṅreye dohoy ar ona tayom nạbi ṭhene hijukʼ, enḍekhan iń Probhu Isorge uniren ḍher boṅga muṭhạnko iạteń roṛ ruạṛaea.

2 Rapajko 8:8

Ar raj do Hosaele metadea, “Am do soṅgete mitʼṭecʼ sandes idi toraeme ar Isorren hoṛ sãote ńapamokʼme. Ar uni hotete Probhu Isor ṭhen khon baḍae joṅme, iń do niạ ruạ kạhil khoniń bogekʼa se baṅa.”

2 Rapajko 8:10

Elisaeye roṛ ruạṛkeda, “Am do ruạṛ senkate unim lạiyaea, khạṭigeye boge ruạṛokʼa, menkhan Probhu Isor do iń ṭhene sodor akada, uni doe gujukʼa.

2 Rapajko 20:1

Onako dinre Hiskiạ do gujukʼ dạkhile ruạ kạhil akan tahẽkana. Unre Amosren hopon Jesaea nạbi do uni ṭhen senkateye menkeda, “Probhu Isore meneda, am do amakʼ oṛakʼ duạr sạriạutam, ente am dom gujukʼgea, ar bam bogekʼa.”

Kạhtukko 11:19

Dhoromre ṭarhaoicʼ do jiwetʼe tahena, menkhan okoe do bạṛicʼakʼe khudạuetʼkan uni do gujukʼe ạguiyeda.