2 Rapajko 1:15 - সান্তালী বাইবেল

¹⁵ Unre Probhu Isorren goḍet do Eliại metadea, “Uni sãote pheḍ calakʼme, ar alom botoraea.” Onate Eliạ do uni sãote pheḍkate raj ṭhene senena.

2 Rapajko 1:15 Referans Kwoze

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Jeheskel 2:6

Menkhan E manwa hopon, am do onko ar onkoakʼ kathate alom botorokʼa. Onko do seṅgel siń ar jạnumko leka am beṛhaeteko tahẽlenrehõ ar kidiń kaṭkom talare menamre hõ am do alom botorokʼa. Onko ńelte se onkoakʼ katha ańjomte hõ alogem botorokʼa; ente onko do huhul jạtrenko kanako.

Jirimiạ 1:17

“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Jirimiạ 15:20

Noko hoṛ ṭhen do pitạl reakʼ mitʼṭecʼ daṛeanakʼ pạcri lekań hoyocomea; onko do am upạrteko lạṛhạiya menkhan bako bhagao daṛeama, ente iń Probhu Isorgeń metamkana, am rukhiyạme ar bańcaome lạgitʼ iń do am são sãoteń tahena.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

2 Rapajko 1:3

Menkhan Probhu Isorren goḍet do Tisberen Eliại metadea, “Am do senkate Samariạren raje kol akatʼko hoṛko sãote ńapamkatem metakoa, ‘Israelre Isor do cetʼ bạnuiya, onate Ekronren debota Bakʼal-sebub ṭhen kulijoṅpe calakʼ kana?

1 Rapajko 18:15

Eliại menkeda, “Iń okoeyiń sewawae kan, metakʼme sanam daṛeanicʼ jiwetʼ Probhu Isorre kiriạkateń meneda, iń do khạṭige teheń do Ahab samaṅreń hạjirokʼa.”

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Ibriko 11:27

Isor cetanre biswạs iạtege uni do raj begor botoraete Misor disạme bạgiyatʼ tahẽkana, ente uni do baṅ ńelokʼicʼ ńelekan lekae sumbhrạukeda.

2 Rapajko 1:14

Ńelme, serma khon seṅgel ńurente lahaten banar subedar ar onkoren sanam lạṛhại phạdkoko ḍahao maraoena. Menkhan niạ dhao do ińakʼ jiwi rukhiyạitiń me.”