2 Rapajko 1:11 - সান্তালী বাইবেল

¹¹ Niạ katha ańjomkate raj do eṭagicʼ subedar ar uniren mõṛẽgel lạṛhại phạdko Eliạ ṭhene kolketʼkoa. Uni subedar do Eliại metadea, “E Isorren hoṛ, raj do ńitge pheḍ hijukʼe metamkana.”

2 Rapajko 1:11 Referans Kwoze

Mathae 2:16

Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jesaea 32:7

Bodmaskoakʼ kạmi do bạṛicʼgetakoa; nacarkoakʼ nehõr hok reakʼ kanrehõ onko do eṛe kathate maraoko lạgitʼ bạṛicʼakʼ phundiko aṭaoa.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Kạhtukko 29:12

Mạliki calaoetʼ hoṛ eṛe kathae luturakʼ khan uniren sanam kạmiyạko hõko bạṛijokʼa.

1 Samuel 6:9

Ar noa sinduk do apnar disạm reakʼ ḍaharte Bet-semeste calakʼ enḍekhanpe bujhạu daṛeakʼa, noa duk do Probhu Isor secʼ khonge hecʼakawatʼ bona. Menkhan ona horte baṅ calakʼ enḍekhan bujhạupe abo cetanre niạ duk do uni khon baṅ hecʼakana, noa do emontege abore paṛao akana.”

Numeri 16:41

Inạ dosar hilokʼ Israel somajren sanamkoge Mose ar Aron upạrte karacʼ kurujokʼko ehopʼena arko menkeda, “Probhu Isorren hoṛ do abenge ben gocʼketʼkoa.”

2 Rapajko 1:10

Eliạ do roṛ ruạṛketʼte subedare metadea, “Isorren hoṛ kan khaniń enḍekhan serma khon seṅgel ńurokʼte am ar amren mõṛẽgel lạṛhại phạdko jemone ḍahao maraoko.” Unre serma khon seṅgel ńurente uni subedar ar uniren mõṛẽgel lạṛhại phạdkoe ḍahao maraoketʼkoa.

2 Rapajko 1:12

Eliại menkeda, “Isorren hoṛ kan khaniń enḍekhan serma khon seṅgel ńurokʼte am ar amren mõṛẽgel lạṛhại phạdko jemone ḍahao maraoko.” Unre serma khon Isorakʼ seṅgel ńurente uni ar uniren mõṛẽgel lạṛhại phạdkoe ḍahao maraoketʼkoa.