2 Rapajko 1:10 - সান্তালী বাইবেল

¹⁰ Eliạ do roṛ ruạṛketʼte subedare metadea, “Isorren hoṛ kan khaniń enḍekhan serma khon seṅgel ńurokʼte am ar amren mõṛẽgel lạṛhại phạdko jemone ḍahao maraoko.” Unre serma khon seṅgel ńurente uni subedar ar uniren mõṛẽgel lạṛhại phạdkoe ḍahao maraoketʼkoa.

2 Rapajko 1:10 Referans Kwoze

Luk 9:54

Ona ńelte acʼren cela Jakob ar Johan dokin menkeda, “E Probhu Jisu, Eliạ leka serma khon seṅgel ńurakote marao giḍikako lạgitʼ hukum liń emamem khojkana?”

Daniel 3:25

Uniye menkeda, “Enḍekhan iń do pon hoṛ seṅgelre dãṛãbaṛae kaniń ńeletʼkoa. Onko do raṛage menakʼkoa ar jãhãnakʼge baṅ hạ̃n akantakoa, ar ponicʼ hoṛ do ńelokʼte debota lekae ńelokʼkana.”

Ibriko 12:29

Ente aboren Isor do ḍahao maraoakʼ seṅgel lekanae.

Daniel 3:22

Rajakʼ hukum do ãṭge tahẽkante ar bhaṭa hõ ạḍi lologe tahẽkante seṅgel lepʼ do onko hoṛkoe gocʼketʼkoa okoe do Sedrok, Mesak ar Abed-nego takoko kuṭuṅ idiletʼko.

Johan sodor 11:5

Jãhãe unkin hạ̃nkinko menkhan, enḍekhan unkinakʼ moca khon seṅgel oḍokokʼte bạirikin atar giḍikoa. Okoe unkin hạ̃nekin menjoṅ uni do onkage gujukʼ hoyokʼtaea.

Sereńko 106:18

Onko bhitrire do seṅgel jolena; ar ona seṅgel do bedhoromkoe atar cabaketʼkoa.

Jobakʼ 1:16

Uni hoṛ do unhõ kathae roroṛkan tahẽkanrege ar mitʼ hoṛ do hecʼkateye menkeda, “Serma khon Isorakʼ seṅgel ńurente amren bhiḍiko ar gutikoe maraoketʼkoa. Ar am khoboram lạgitʼ iń eskargeń sarecʼ akana.”

Aposkạmi 12:19

Herod do ạḍi mońjteye sendrakedea, menkhan bae ńamledete pahradarkoe kuliketʼkoa ar tayomte pahradarko gocʼko reaṅe hukumkeda. Ona tayom Herod do Jihudạ khon Kạisạriạteye calaoena ar onḍe thoṛa dine tahẽyena.

Mathae 21:41

Sostor baḍaekoko menkeda, “Uni do onko bạṛicʼ hoṛkoe maraokoa ar okoe cacasako okte nạpitre acʼakʼ jo reakʼ bhagko emae onko ṭhene bạisạu oṭokakʼa.”

Daniel 6:24

Okoeko hoṛ do hiskạte Danielko dusilede onko do rajakʼ hukum iạteko ạgu ocoyena ar onkoren bạhuko gidrạko sudhạ ona dhạcri kulkoakʼ khandṛaṅreko khalde ocoyena. Ar onḍe ạuriko ńurokʼrege dhạcri kulko do onkore jhãpko emkeda ar onkoakʼ jaṅko rạputʼ gejerketʼtakoa.

Sereńko 105:15

uni do onkoe metakokan tahẽkana, “Ińren ojokʼ akan hoṛko alope joṭetʼkoa; ar ińren nạbikoakʼ jãhãnakʼge alope loksan takoa.”

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

1 Rapajko 22:28

Unre Mikại menkeda, “Nirạitem ruạṛ hecʼlen khan baḍaeme iń hotete Probhu Isor do katha bae roṛakada.” Ona tayom uni do arhõe menkeda, “Ape sanamkoge ińakʼ katha ańjomkakʼpe.”

Numeri 16:35

Ar barsae mõṛẽgel hoṛ okoe do dhupko samaṅetʼ tahẽkan onko do Probhu ṭhen khon seṅgel oḍokente sanamkoe atar cabaketʼkoa.

Numeri 11:1

Israelko talare oka duk ar kosṭo hoyokʼkan tahẽkan onate onko do Probhu Isor samaṅreko karacʼ kurujokʼkan tahẽkana. Ona ańjomte Probhu Isor doe edreyena. Uniyakʼ seṅgel do onko talare jolokʼ ehopʼena ar ḍeraren thoṛa hoṛ doko lo gocʼena.

2 Rapajko 1:11

Niạ katha ańjomkate raj do eṭagicʼ subedar ar uniren mõṛẽgel lạṛhại phạdko Eliạ ṭhene kolketʼkoa. Uni subedar do Eliại metadea, “E Isorren hoṛ, raj do ńitge pheḍ hijukʼe metamkana.”

Levitikus 10:2

Onate Probhu Isor ṭhen khon seṅgel oḍok hecʼente unkine atarketʼkinạ, ar unkin do Probhu Isor samaṅrekin gocʼena.