2 Rapajko 1:1 - সান্তালী বাইবেল

¹ Ahabe gocʼen tayom Moab disạmrenko do Israel upạrteko hulkeda.

2 Rapajko 1:1 Referans Kwoze

2 Samuel 8:2

Dạud do Moabrenko hõe bhagaoketʼkoa. Uni do Moabrenkoe ńẽtʼketʼkote otreye giticʼketʼkoa ar baberteye jokhaketʼkoa. Pạhil bar baber jokharen hoṛ doko gocʼ ocoyena ar mitʼ baber jokharen hoṛ do jiwetʼko doho ocoyena. Inạ tayom Moabrenko do Dạud gobolre tahẽkate khajna emaeko ehopʼena.

Sereńko 60:8

Moab do ińakʼ jaṅga ạbukokʼ bhajan kana; iń do Edomre ińakʼ panahiń capatʼ giḍiytińạ; ar Philisṭi, am do iń lạgitʼ em kikiạukʼa.”

1 Bõsbudạ 18:2

Dạud do Moabrenko hõe bhagaoketʼkoa. Onko do Dạudakʼ gobolre tahẽkate khajna emaeko ehopʼena.

2 Rapajko 8:22

Edom do teheń hạbicʼ hõ Jihudạ upạrteko bhiṅgṛạu akana. Ar inạko oktere Lebnarenko hõko hulleda.

2 Rapajko 8:20

Jehoram oktere Edom disạmren hoṛko do Jihudạ upạrte hulkate ako lạgitʼ mitʼṭen rajko ṭhik doho akawan tahẽkana.

Numeri 24:7

Taren reakʼ kanḍa khon dakʼ do dul oḍokokʼa, ar uniren bõs do aema dakʼreko tahena. Onkoren raj do Ogag khon hõe usulokʼa, onkoakʼ rajosṭi do ṭhonokte arhõ maraṅokʼa.

2 Samuel 8:6

Dạud do Aramrenkoakʼ rajosṭi reakʼ Damesekre acʼren lạṛhại phạdkoe dohoketʼkoa. Onate Aramrenko do uni gobolre tahẽkate khajna emokʼko ehopʼena. Nonkate Dạud do jãhã ṭhạ̃igeye calakʼkan tahẽkan Probhu Isor do onḍegeye jitạu ocoyede tahẽkana.