2 Bõsbudạ 9:8 - সান্তালী বাইবেল

⁸ Amren Probhu Isorakʼ sarhaoge baṛe hoyokʼtae ma, okoe do am cetanreye kusi akante acʼakʼ siṅghạsonreye duṛupʼ akatʼme jemon amren Probhu Isorakʼ rajosṭim benao daṛeakʼ. Uni do Israelkoe dulạṛetʼkoa ar jaejug hạbicʼ ṭarhao ocoko lạgitʼte uni do hok reakʼ bicạr ar dhorom rukhiyại lạgitʼgeye raj akatʼmea.”

2 Bõsbudạ 9:8 Referans Kwoze

2 Bõsbudạ 2:11

Turren raj Hirạm do Solomon niạ ciṭhiye ol ruạṛadea, “Probhu Isor do acʼren hoṛkoe dulạṛetʼkoa ar onatege am doe raj akatʼmea.”

1 Bõsbudạ 29:23

Unre Solomon do acʼren apat Dạud bodolte raj lekate siṅghạsonreye duṛupʼena. Ar sanamakʼre uni doe jo bahayena ar sanam Israelko do uniyakʼ katha lekako calakʼkan tahẽkana.

Dosar Biboron 7:8

Uni doe onka akada apere uniyakʼ dulạṛ iạte ar aperen hapṛamko ṭhene kiriạlen iạte. Ar onate uni do acʼakʼ daṛeanakʼ titeye oḍok ạguakatʼpea ar Misorren Pharao rajakʼ ti khon ar golam oṛakʼ khone chaḍao akatʼpea.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Kạhtukko 21:3

Probhu Isor ṭhen do janwar dãṛẽ samaṅko khon dhorom ar hok reakʼ kạmige ḍher bạsutakʼ kana.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Sereńko 72:2

jemon amren hoṛko dhoromteye bicạr daṛeako ar santao ocokʼkanko hõ hok reakʼe bicạrkatako.

Sereńko 22:8

“Uni ma Probhu Isorreye bhorsakʼkan, enḍekhan unigeye rukhiyạyema; ar unigeye bańcaoema, ente uniregeye kusi akana.”

Sereńko 18:19

Uni do mitʼṭecʼ phaelao jaegateye oḍok ạgukedińa; ar ińre kusiye tahẽkante uni doe bańcaokedińa.

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

1 Bõsbudạ 29:10

Dạud do sanam hoṛko samaṅre noa menkate Probhu Isor sarhaoeye ehopʼena, “E Probhu Isor, aleren hapṛam Israelren Isor, etohopʼ khon mucạtʼ hạbicʼ amakʼ sarhaoge hoyokʼtam ma.

1 Bõsbudạ 28:5

Uni do aema hoponkoe emadińa, ar onko hoponińko modre Probhu Isorakʼ rajosṭi Israelakʼ siṅghạsonre duṛubokʼ lạgitʼ uni do ińren hopon Solomone bachao akawana.

1 Bõsbudạ 17:22

Amren hoṛ Israelko do jaejug amren hoṛem hoyocoakatʼkoa, ar am do, E Probhu Isor, onkoren Isorem hoyakana.

1 Rapajko 10:9

Amren Probhu Isorakʼ sarhaoge baṛe hoyokʼtae ma, one okoe do am cetanreye kusi akante Israelakʼ siṅghạsonreye duṛupʼ akatʼme. Uni do Israelko jaejug hạbicʼe dulạṛetʼkote hok bicạr ar dhorom rukhiyại lạgitʼgeye raj akatʼmea.”

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

2 Samuel 8:15

Dạud do goṭa Israel disạm cetanre rajokʼe ehopʼena. Uniren hoṛko cetanre uni do hok ar dhorom reakʼe bicạretʼ tahẽkana.

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

2 Bõsbudạ 9:7

Amren hoṛ do ạḍi sukre menakʼkoa! Okoe do jao okte am samaṅreko tahenkan ar amakʼ ạkil reakʼ kathako ańjometʼ onko kạmiyạko doko bhạgangea.

2 Bõsbudạ 9:9

Uni do pon ṭon tala khon hõ bạ̃ṛti sona raje emadea, ar ạḍi utạr jut so mosolako ar damanakʼ mạnik dhiriko hõe emadea. Seba rạni do Solomon oka lekan mosolakoe emade onkan jut so mosola do ar tisge baṅ ńelakan tahẽkana.

Kạhtukko 29:4

Hok reakʼ bicạr iạte raj do disạme ṭarhao daṛeakʼa, menkhan okoe ghuse kusiyakʼ uni do disạme jarkhara.

2 Bõsbudạ 2:10

Iń do amren hoṛko, metakʼme dare mamakʼko do pe hajar turui sae ṭon holoṅ, pe hajar turui sae ṭon jao, pon lakh pon sae liṭar darkha rasa ar pon lakh pon sae liṭar jạitun sunumiń emakoa.

2 Bõsbudạ 13:8

“Ńitokʼ Dạudren hoponkoakʼ tire Probhu Isorakʼ okaṭakʼ rajosṭi menakʼ ape do ona upạrte teṅgokʼpe menetʼkana. Ape do sạrige gadel lạṛhại phạdko kanape ar ape talare do sonaren mĩhũ muṭhạnko menakʼkoa ar Jerobiam do aperen debotako hoyokʼ lạgitʼte onkoe benao akatʼkoa.