2 Bõsbudạ 9:7 - সান্তালী বাইবেল

⁷ Amren hoṛ do ạḍi sukre menakʼkoa! Okoe do jao okte am samaṅreko tahenkan ar amakʼ ạkil reakʼ kathako ańjometʼ onko kạmiyạko doko bhạgangea.

2 Bõsbudạ 9:7 Referans Kwoze

Luk 11:28

Menkhan Jisui menkeda, “Onkogeko bhạgana one okoe do Isorakʼ kathako ańjometʼkan ar ona lekako kạmikan.”

Kạhtukko 13:20

Ạkilanko sãote okoeye senokʼ uni do ạkilane hoyokʼa, menkhan okoe bebuj hoṛkoren gateye hoyokʼ uni doe baṛijokʼa.

Kạhtukko 10:21

Isor botoraekoakʼ luṭi do ḍher hoṛgeye ńeljutkoa, menkhan ạkil begorte bebuj hoṛ doko gujukʼa.

Kạhtukko 8:34

Okoe hoṛ ińakʼ kathako ańjom ar dinạm hilokʼ ińakʼ duạr ṭhen ebhen akane tahen ar ińakʼ silpińko ṭhene tạṅgi hataṛ uni doe bhạgangea.

Kạhtukko 3:14

ente onare do rupạ reakʼ bạnij khon hõ bạ̃ṛti lab menakʼa, ar sona khon hõ ḍher lab hoyokʼa;

Kạhtukko 3:3

Pạtiạr ar dhorom do tishõ aloe bạgiwam ma; amakʼ hoṭokʼre onako bedhao dohokakʼme, ar amakʼ ontorre hõ ol dohokakʼme.

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

1 Rapajko 10:8

Amren hoṛ do ạḍi sukre menakʼkoa! Ar okoe do jao okte am samaṅreko tahenkan ar amakʼ ạkil reakʼ kathako ańjometʼ onko kạmiyạko doko bhạgangea.

Dosar Biboron 33:9

One uni acʼ eṅgat apat reakʼe menketʼ, bạń bạsutạkin kana, Ar acʼren boehako bae puchạuletʼko, ar acʼren hoponko bae baḍaeletʼko, uni do amakʼ kathakoe dohoyeda ar amakʼ bondoboskoe manaoeda.

2 Bõsbudạ 9:6

Menkhan nonḍe hecʼkate ińakʼ mẽtʼte ạuriń ńel hạbicʼ bạń pạtiạukʼkan tahẽkana. Sạrige, niạ reakʼ adha hõ iń ṭhen do baṅ lại akana. Okaṭakʼ khobor iń ńamakatʼ amakʼ ạkil ar dhon do ona khon hõ ḍher bạ̃ṛtigea.

2 Bõsbudạ 9:8

Amren Probhu Isorakʼ sarhaoge baṛe hoyokʼtae ma, okoe do am cetanreye kusi akante acʼakʼ siṅghạsonreye duṛupʼ akatʼme jemon amren Probhu Isorakʼ rajosṭim benao daṛeakʼ. Uni do Israelkoe dulạṛetʼkoa ar jaejug hạbicʼ ṭarhao ocoko lạgitʼte uni do hok reakʼ bicạr ar dhorom rukhiyại lạgitʼgeye raj akatʼmea.”