2 Bõsbudạ 8:6 - সান্তালী বাইবেল

⁶ Uni do Balat nagraha ar ona reakʼ joto do gola nagrahae benaokeda ar rãt gạḍiko ar aswariko lạgitʼ hõ mitʼ bar nagrahakoe benaokeda. Jerusalemre, Lebanonre ar acʼakʼ ḍanṭao gobolre okako rajosṭi tahẽkan onako modre okako benao dohṛae menletʼ ona sanamakʼkoe benaokeda.

2 Bõsbudạ 8:6 Referans Kwoze

Soros sereń 4:8

E bạhutiń, dela iń sãote Lebanon khon hijukʼme, Lebanon khon iń tulucʼge dela hijukʼme. Amana reakʼ cuṛạ khon, Senir ar Hermon buru reakʼ muthni khon, dhạcri kulkoakʼ dander khon, poṭea tạrupʼkoakʼ buru khon dela pheḍ hijukʼme.

Sosolhayic̕ 2:4

Iń do napṛakʼ napṛakʼ kạmikoń kạmikeda. Iń do apnar lạgitʼ aema oṛakʼ koń benaoana ar aema darkha bagwankoń tearkeda.

2 Bõsbudạ 17:12

Jehosaphat do onkate artetʼgeye daṛe idiyena. Uni do Jihudạ disạmre adomakʼ gaṛko ar murại nagrahakoe benaokeda.

2 Bõsbudạ 8:4

Uni do hahaṅkar ṭoṭha reakʼ nagraha ar Homat ṭoṭha reakʼ sanamakʼ khajańci nagrahako arhõe benao rakapʼkeda.

2 Bõsbudạ 1:14

Solomon do ạḍi utạr rãt gạḍiko ar sadomkoe jogaṛketʼkoa. Onate uniyakʼ do mitʼ hajar ponsae rãt gạḍiko ar gelbar hajar sadomko hoyentaea. Ar noako rãt gạḍi do nagrahakore ar Jerusalemre acʼ ṭhene dohokeda.

1 Rapajko 10:26

Solomon do ạḍi utạr rãt gạḍiko ar sadomkoe jogaṛketʼkoa. Uniyakʼ rãt gạḍiko do mitʼ hajar ponsae ar sadomkoakʼ lekha do gelbar hajar tahẽkana. Uni do onako rãt gạḍiko dohoy lạgitʼ nagrahako ar Jerusalemre acʼ ṭhene dohoyetʼko tahẽkana.

1 Rapajko 7:2

Uni do raj doṅgolre Lebanon bir oṛakʼ ńutumanakʼ mitʼṭecʼ oṛakʼe benaokeda. Niạ oṛakʼ do mitʼsae moka jeleń, mõṛẽgel moka osar ar pegel moka usul tahẽkana. Debdạru kaṭ reakʼ pon sạr khunṭiko cetanre debdạru kaṭ reakʼ saṅghako bạisạu tahẽkana.

1 Rapajko 9:1

Nonkate Solomon do Probhu Isorakʼ oṛakʼ, raj dolan ar acʼ apnar kusi leka okako kạmiye menletʼ onako sanamakʼe sạtkeda.

2 Bõsbudạ 8:5

Uni do cetan reakʼ Bet-horon phaṭok duạr ar huṛkạṛakʼ pạcrikoe benaoketʼte onae keṭecʼkeda.

2 Bõsbudạ 8:7

Ar okoe do Israelko baṅkan, metakʼme Amoriko, Hittiko, Peresiko, Jebusikoren bõsko do unhõ jiwetʼko tahẽkana,