2 Bõsbudạ 8:12 - সান্তালী বাইবেল

¹² Koejoṅ oṛakʼ reakʼ pinḍạ samaṅre Solomon do Probhu Isorakʼ oka pinḍe benaoletʼ tahẽkan ona cetanre Probhu Isorakʼ ńutumte jeredokʼ samaṅokʼakʼ porobe porobokʼkan tahẽkana.

2 Bõsbudạ 8:12 Referans Kwoze

2 Bõsbudạ 4:1

Solomon do bargel moka jeleń, bargel moka osar ar gel moka usul mitʼṭecʼ pitạl reakʼ pinḍe benao ocokeda.

Johan 10:23

Jisu do mundilre Solomonakʼ pinḍạreye dãṛã bãṛãekan tahẽkana.

Joel 2:17

Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”

Jeheskel 8:16

Ona tayom uni do Probhu Isorakʼ oṛakʼ bhitri reakʼ racareye idikedińa ar onḍe koejoṅ oṛakʼte bolokʼ hor reakʼ pinḍạre ar pinḍ talare bargel mõṛẽ hoṛko tahẽkana. Onko do Probhu Isorakʼ mundil secʼ deakate siń candoko sewawae kan tahẽkana.

2 Bõsbudạ 15:8

Asa do niạ katha ańjomkate, metakʼme Obedren hopon Asariạwakʼ nạbi katha ańjomkate dil hecʼadea. Uni do Jihudạ ar Benjạmin reakʼ goṭa ṭoṭha khon ehopʼkate ar acʼe ạidạriyan tahẽkan Ephrayim buru ṭoṭha reakʼ atoko ar nagrahako khon hirkhạwan murhutʼ boṅgakoe marao giḍikatʼkoa. Uni do Probhu Isorakʼ oṛakʼ reakʼ pinḍạ samaṅre dohoakan Probhu Isorakʼ pinḍ do arhõe benao arokeda.

1 Bõsbudạ 28:17

Jel rakab reakʼ kaṭa kạ̃ṛchuko, samaṅokʼakʼ mãyãm dohoy reakʼ bạṭiko ar kanḍa ar dhudhup pinḍ lạgitʼ tinạkʼ khạṭi sona lagaoakʼ ar mitʼke mitʼ sona ar rupạ reakʼ bhajan lạgitʼ tinạkʼ sona ar rupạ lagaokʼa onae hukumadea. Ona chaḍa, Probhu Isorakʼ bondobos sinduk dapal lạgitʼ okoe sonaren Kerubkinakʼ phạ̃kṛạ̃kʼ kin laplapa akae tahen unkin lạgitʼ tinạkʼ khạṭi sona lagaokʼa ona hõe baḍae ocokedea.

2 Bõsbudạ 1:6

Unre Solomon do ona pitạl reakʼ pinḍ ṭhen senkate Probhu Isor samaṅre ona cetanre mitʼ hajar janwarkote jeredokʼ samaṅokʼakʼ porobe hoyocokeda.

Jeheskel 45:17

Ar disạm cakʼlaoyicʼ do sanamakʼ porobko, molokʼ candoko reakʼ ar jirạukʼ mãhã lạgitʼ, metakʼme Israel jạtrenkoakʼ niṭ akatʼ sanamakʼ porobko lạgitʼ jeredokʼ samaṅokʼakʼ lạgitʼ, anaj samaṅokʼakʼ lạgitʼ, coḍor samaṅokʼakʼ lạgitʼ jiniskoe kulạu juṛạua. Uni do Israelkoakʼ kại ńutumte puruchunokʼ lạgitʼ samaṅokʼakʼ, anaj samaṅokʼakʼ, jeredokʼ samaṅokʼakʼ ar sulukren samaṅokʼakʼ lạgitʼ jiniskoe kulạu juṛạua.