2 Bõsbudạ 7:16 - সান্তালী বাইবেল

¹⁶ Niạ koejoṅ oṛakʼ iń doń bachao akawante ińakʼ tahen oṛakʼ lekate iń ńutumteń begar dohoakada. Niạ cetanre jao okte ińakʼ mẽtʼ ar ontor do jhicʼge tahena.

2 Bõsbudạ 7:16 Referans Kwoze

2 Bõsbudạ 7:15

Niạ jaegare okaṭakʼ koejoṅ hoyokʼ ona lạgitʼ ińakʼ mẽtʼ ar lutur do jhicʼge tahena.

2 Bõsbudạ 7:12

Tayomte mitʼ din ńindạ jokhecʼ Probhu Isor do Solomon ṭhene ńel ocoyenteye metadea, “Iń do amakʼ koejoṅ iń ańjom akada ar samaṅokʼakʼ porobokʼ reakʼ oṛakʼ lekate iń lạgitʼ niạ jaegageń bachao akawana.

1 Rapajko 9:3

Probhu Isor do uniye metadea, “Am okaṭakʼ koejoṅ ar nehõrem dohoakatʼ ona doń ańjom akada. Amakʼ benaoakʼ niạ mundil do jaejug hạbicʼ ińakʼ tahen oṛakʼ lekate iń ńutumteń begar dohoakada. Niạ cetanre ińakʼ mẽtʼ ar mon do jao okte tahentińạ.

2 Bõsbudạ 6:20

Ar okaṭakʼ jaega reakʼ katham menakatʼ, nonḍege amakʼ koejoṅ reakʼ oṛakʼ do hoyokʼa ona jaega secʼ metakʼme, niạ koejoṅ oṛakʼ secʼ amakʼ mẽtʼ do siń ńindạ beṅgetʼ akae baṛe tahenma. Ar niạ ṭhạ̃i secʼ samaṅkate amren guti do tinreye koejoṅa unre uniyakʼ koejoṅ baṛe ańjomtaeme.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiyakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

Sakariạ 3:2

Probhu Isor do Soetane metadea, “E Soetan, Probhu Isor do ame tạkicʼ daram mema. Jerusalem okoeye bachao akawan uni do ame tạkicʼ daram mema. Nui hoṛ do cetʼ seṅgel khon or oḍok akatʼ ṭhuṭkutʼ doe baṅkana?”

Sereńko 132:14

Uniye menleda, “Noa do ińakʼ jaejug reakʼ jirạukʼ ṭhạ̃i kana; iń do nonḍegeń tahena, ente iń do noageń khojleda.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

2 Rapajko 21:4

Okaṭakʼ oṛakʼ reaṅ Probhu Isore menletʼ, “Iń do jaejug hạbicʼ Jerusalemreń tahena,” Probhu Isorakʼ ona oṛakʼre uni do pinḍkoe benaokeda.

1 Rapajko 8:48

Ar ona disạmre mon ar ontorte am secʼko ạcur ruạṛokʼ ar okaṭakʼ disạm do onkoren hapṛamkom emakatʼko ona disạm secʼ, amem bachao akawan nagraha secʼ, am lạgitʼ benao akatʼ niạ oṛakʼ secʼ samaṅkate am ṭhenko koejoṅ,

1 Rapajko 8:44

“Amren hoṛko onkoren bạiriko upạrte lạṛhại lạgitʼem kollekore onko jãhãregeko tahen onḍe khon amem bachao akawan niạ nagraha secʼ ar am lạgitʼ iń benao akatʼ niạ oṛakʼ secʼ samaṅkateko koejoṅ,

1 Rapajko 8:35

“Am birudre amren hoṛkoakʼ kại gunạkʼte tinre rimil esedokʼte bae daga unre onko do niạ jaegare ruạṛkate amko sarhaome ar am ṭhenko koejoṅ ar akoakʼ kại khonko ruạṛokʼ,

1 Rapajko 8:16

‘ińren hoṛko Misor disạm khoniń oḍok ạguletʼko tayom Israelkoakʼ jãhãn nagraha do bạń bachaoana one onḍe apnar sodorokʼ lạgitʼ mitʼṭecʼ tahen oṛakʼ benaokʼ. Menkhan ińren Israelko ḍanṭaoko lạgitʼ do Dạudgeń bachaoan tahẽkana.’

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 12:21

Aperen Probhu Isor do apnar sodorokʼ lạgitʼ okaṭakʼ ṭhạ̃iye bachao joṅ ar ape khon ona ḍherge sạṅgińokʼ khan, tobe iń emakʼ hukum lekate Probhu Isorre emakan aperen ḍaṅgra ar bheḍa do pal khon hataokatepe gur daṛeakoa ar apan ạpin ato ar nagrahakore apeakʼ sana leka jelpe jom daṛeakʼa.

2 Bõsbudạ 7:17

“Amren ạpum Dạud cetʼ lekae calakʼkan tahẽkan am hõ onkage iń samaṅre calakʼme ar ińakʼ sanam hukum ar niạmko dohoyme,

2 Bõsbudạ 30:8

“Aperen hapṛamko leka hoṭokʼ do alope keṭejtapea bickom Probhu Isorakʼ tire jimạkʼpe. Ar okaṭakʼ sonot oṛakʼ uni do jaejug lạgitʼ acʼ ńutumteye begar dohoakatʼ ape do ona oṛakʼte hijukʼpe ar aperen Probhu Isor sewawaepe jemon ape cetan khon uniyakʼ botoranakʼ edre ocogokʼtae.

Sereńko 132:13

Probhu Isor do Sione bachao akawana; uni do tahen lạgitʼ noageye khojleda.