2 Bõsbudạ 7:14 - সান্তালী বাইবেল

¹⁴ unre ińren hoṛko, okoe do ińren hoṛ menteko hoho ocokʼkan onko do mạ̃hir seletʼko koejoṅ se ińakʼ dayako khoj ar bạṛicʼ hor khonko ruạṛ, enḍekhan serma khon onań ańjomtakote onkoakʼ kạikoń ikạ katakoa ar lahate leka onkoakʼ disạm iń teṅgo ruạṛakoa.

2 Bõsbudạ 7:14 Referans Kwoze

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Jirimiạ 33:6

“Enhõ iń do napae hoṛmoteń dohoya ariń ran bogea; ińren hoṛkoń ran bogekoa ar sạriyakʼ reakʼ asambheṛ suluk nirại ar khạtirjoma iń khulạuakoa.

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

2 Bõsbudạ 6:27

enḍekhan am do serma khon ona ańjomtakome ar amren gutiko, metatʼme amren hoṛ Israelkoakʼ kại ikạ katakom. Ar jionre ṭhik leka calakʼ cetʼakome ar somppoti lekate okaṭakʼ disạmem emakawatʼko ona disạm cetanre dakʼ ńur ocoyme.

Jirimiạ 8:22

Gileadre cetʼ molom do bạnukʼa? Onḍe do cetʼ cele ḍaktarge bạnukʼkoa? Enḍekhan iń jạtren hoponerawakʼ hoṛmo do cedakʼ baṅ bogekʼkana?

Jesaea 63:19

Okoe cetanre tishõ mạliki bam calao akatʼ, okoe tishõ amakʼ ńutumte bako hoho ocoakan, ńitokʼ ale do onko somanle hoyakana.

Jesaea 59:20

Probhu Isore meneda, “Jakobren okoeko kại khon monko ạcur akatʼtako onkoren chaḍaoicʼ do Sionreye hijukʼa.

2 Bõsbudạ 6:30

enḍekhan amakʼ tahen ṭhạ̃i serma khon onkoakʼ ańjomtakome ar ikạkakome. Ar onkoakʼ kạmiko lekate bicạrtakome, ente am do onkoakʼ mon reakʼ jotom baḍaea ar eken amge sanam manwakoakʼ ontorem baḍaekana.

Jesaea 45:19

Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Aposkạmi 9:11

Probhu Isor do uniye metadea, “Ma beretʼkate sojheko metakʼ kulhite calakʼme. Ar onḍe Jihudạwakʼ oṛakʼre Tạrsus nagraharen Sạul ńutuman mitʼṭen hoṛ khojeme.

Jirimiạ 51:9

Hoṛko mena, “Ale do Babel bogeye reakʼle kurumuṭuletʼgea, menkhan uni do bae bogelena. Dela, abo do uni bon bạgi oṭowaema ar apan ạpin disạmte bon ruạṛ calakʼma, ente uniyakʼ sạjại do coṭ hạbicʼ rakapʼ akana, ar rimil hạbicʼ seṭerakana.”

Sereńko 60:2

Am do dhạrtim daldalao ocoyeda, arem paṛakʼ ocoyeda; am do ona paṛakʼko bondme, ente disạm do ḍikạ ḍakekʼ kana.

Numeri 6:27

“Nonkage onko do Israelko cetanre ińakʼ ńutumko ńuma, ar iń do onkoń bhorakoa.”

Dosar Biboron 28:10

Unre dhạrtiren sanam jạtrenko ńela, Probhu Isorakʼ ńutum iạtege apeakʼ oprom do hoyokʼa, ar onate apeko botorapea.

2 Bõsbudạ 6:33

enḍekhan amakʼ tahen ṭhạ̃i khon ańjomtakome. Ar onko okako khoj onage onka akome jemon dhạrtiren sanam hoṛko baḍae daṛeam ar amren Israel hoṛko leka onko hõ amko sewawam arko baḍae daṛeakʼ, iń benaoakʼ niạ oṛakʼ do amakʼ oṛakʼ kangea mente.

Jeheskel 33:12

“Ona iạte, E manwa hopon, am jạtren hoṛkom metakoa, ‘dhorom hoṛ jodi Probhu Isorakʼ bae bataotae enḍekhan uni do acʼakʼ dhoromtetʼ iạte bae rukhiyạ daṛeakʼa. Dhorom hoṛ jodiye kại enḍekhan uniyakʼ lahateakʼ dhoromtetʼ iạte uni do bae bańcao daṛeakʼa.’

2 Bõsbudạ 20:3

Onate Jehosaphat do botor caṛhaoadeteye goṭawana, Probhu Isor ṭhen goṛoye hataoa mente. Uni do Jihudạ disạm reakʼ sanam ṭhạ̃ikore upạs reakʼe lại sodorkeda.

2 Bõsbudạ 20:4

Jihudạren hoṛko do Probhu Isorakʼ goṛo ńam lạgitʼ mitʼ ṭhenko jarwayena; ar Jihudạ reakʼ sanam atoko khon hõ hoṛko hecʼena.

Sereńko 27:8

Ińakʼ ontor do noa kathageye meneda, “Ape do iń hohowạńpe.” E Probhu Isor, iń do amiń hohowama.

Jirimiạ 14:9

Cetʼ iạte am do andesale akan hoṛ lekam hoyakana, ar cetʼ iạte baṅ rurukhiyạ daṛe lạṛhại bir leka dom hoyakana? E Probhu Isor, ale talarege menama ar amren kangeale; am do alom bạgi giḍilea.

Jirimiạ 50:4

Onako dinre ar ona jokhecʼ Israel ar Jihudạren hoṛko do mitʼteko hijukʼa ar rakʼ rakʼteko hijukʼa ar onkoren Probhu Isorko ńam baṛayea.