2 Bõsbudạ 7:10 - সান্তালী বাইবেল

¹⁰ Ar eae cando reakʼ bargel pe din hilokʼre raj do hoṛko nij nij oṛakʼteye kolkatʼkoa. Dạud, Solomon ar uniren hoṛ Israelko cetanre Probhu Isor do okae bhạlại akatʼko onate rạskạte ar kusi monte oṛakʼteko ruạṛ calaoena.

2 Bõsbudạ 7:10 Referans Kwoze

1 Rapajko 8:66

Ona dosar hilokʼ raj do hoṛkoe bidạ baṛakatʼkoa. Probhu Isor do acʼren guti Dạud ar uniren hoṛ Israelko okae bhạlại akatʼko ona lạgitʼ kusi ar rạskạte hoṛko do rajko sarhaokedea ar oṛakʼteko ruạṛ calaoena.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

Aposkạmi 16:34

Ona tayom uni do acʼakʼ oṛakʼte Pạul ar Silạse idiketʼkinte unkine jom-ńũ ocoketʼkinạ. Ar acʼ gharońjrenko do Isorreko biswạsente ạḍitetʼko rạskạyena.

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Sereńko 106:5

Jemon amem bachao akawan hoṛkoakʼ bhạlạiyiń ńel daṛeakʼ, ar jạtrenkoakʼ rạskạ sãoteń rạskạ daṛeakʼ, ar okoe do amren ạidạrikanko ona reakʼ hĩs lekateń sarhao daṛekokʼ.

Sereńko 105:3

Uniyakʼ ṭhonoktetʼ sarhaotaepe; okoe Probhu Isorakʼ khạndritetʼ baḍae sanayetʼko onkoakʼ ontor do rạskạkʼtakoma.

Sereńko 100:2

Ar rạskạte Probhu Isor sewawaepe; ar rạskạ sarhao sereńte uni samaṅre hạjirokʼpe.

Sereńko 92:4

E Probhu Isor, amakʼ kạmi do ińe rạskạ ocoyediń kana; ar amakʼ sanam kạmiko iạte iń do rạskạteń sarhao sereńama.

Sereńko 32:11

E Isor botoraekan hoṛko, Probhu Isorge aperen rạskạwạnicʼe hoyokʼma, uni iạtege ape do kusikʼpe; ar ontorre okoepe khạṭige, ape sanamkoge hulạsate sereńpe.

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

2 Bõsbudạ 30:26

Jerusalemre do ạḍi rạskạ hoyena; Israelren raj Dạudren hopon Solomon tayom Jerusalemre nonka porob do ar bako porob akan tahẽkana.

2 Bõsbudạ 29:36

Isor do acʼren hoṛko lạgitʼ ạḍi usạraye kạmiletʼte Hiskiạ ar sanam hoṛko doko rạskạyena.

2 Bõsbudạ 6:41

“E Probhu Isor, ńitokʼ do amakʼ jirạukʼ ṭhạ̃ite hijukʼme; dela hijukʼme ar amakʼ daṛeanakʼ sinduk hijukʼma. E Probhu Isor, amren naekeko do dhorom reakʼ kicricʼko horogma. Am okam bhạlại akatʼ ona lạgitʼ am bhuktiamko doko rạskạ joṅma.

Dosar Biboron 16:14

Ape, aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭũạr amarko, rạnḍi maejiuko ar ape sanamkoge niạ porobrepe rạskạkʼa.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 12:18

Aperen Probhu Isore bachao akatʼ ṭhạ̃ire uni samaṅre jojom hoyokʼtapea. Ape, aperen gidrạko, aperen guti-kạ̃ṛmĩko ar apeakʼ ato ar nagraharen Liwiko do onako joma ar apeakʼ khaṭaoakʼ reakʼ kuṛại iạte aperen Probhu Isor samaṅrepe rạskạ midokʼa.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Dosar Biboron 12:7

Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Exodus 18:1

Isor do acʼren hoṛ Israelko ar Mose lạgitʼ okae ceka akatʼ ona jotowakʼge Moseren hońhartetʼ Midionren naeke Jethrowakʼ luturre senakan tahẽkana. Ar Mose okalekate Misor disạm khon Israelkoe oḍok ạguketʼko ona hõe ańjomkeda.

2 Bõsbudạ 7:11

Probhu Isorakʼ oṛakʼ ar raj doṅgol benao lạgitʼ Solomonakʼ monre okako tahẽkan ona sanamakʼ uni do napaeteye sạtkeda.

Jeheskel 45:25

“ ‘Eae cando reakʼ eae din hilokʼ oka eae din reakʼ porob hoyokʼ onare samaṅokʼ lạgitʼ disạm cakʼlaoyicʼ do kại ńutumte samaṅokʼakʼ lạgitʼ, jeredokʼ samaṅokʼakʼ lạgitʼ ar anaj samaṅokʼakʼ lạgitʼ jinisko ar sunumko emokʼ hoyokʼtaea.