2 Bõsbudạ 7:1 - সান্তালী বাইবেল

¹ Solomonakʼ koejoṅ mucạtʼen são sãote serma khon seṅgel do pheḍ hecʼente jeredokʼ samaṅokʼakʼ ar eṭakʼ eṭakʼ samaṅokʼakʼ jotowakʼ jiniskoe atarkeda ar koejoṅ oṛakʼ do Probhu Isorakʼ ṭhonokte perecʼena.

2 Bõsbudạ 7:1 Referans Kwoze

1 Rapajko 18:38

Unre coṭ khon Probhu Isorakʼ seṅgel do pheḍ hecʼente samaṅakʼ jelko, sahanko, dhiriko ar hasakoe jomkeda ar nala reakʼ dakʼ hõe jal ańjetʼkeda.

1 Bõsbudạ 21:26

Dạud do onḍe Probhu Isor ńutumte mitʼṭecʼ pinḍe benaokeda ar jeredokʼ samaṅokʼakʼ ar sulukren samaṅokʼakʼe samaṅkeda. Uni do Probhu Isor ṭhene nehõrena ar Probhu Isor do jeredokʼ samaṅokʼakʼ pinḍ cetanre serma khon seṅgele kolkeda.

1 Rapajko 18:24

Ona tayom onko do akoren debotako hohoaea ar iń hõ Probhu Isoriń hohoaea. Ar jãhãege seṅgelteye roṛ ruạṛ abon uni kangeae Isor do.” Niạ katha ańjomkate sanamkoko menkeda, “Am do bhagegem menakada.”

Jeheskel 44:4

Ona tayom uni manwa do utạr duạr reakʼ horte mundil oṛakʼ samaṅreye ạgukedińa. Ińiń ńelkeda Probhu Isorakʼ oṛakʼ do uniyakʼ ṭhonokte perecʼ akana; ar unre iń doń taberena.

Jeheskel 43:5

Unre Probhu Isorren jiu do ińe rakapʼ idikedeńte bhitri racateye idikedeńạ, ar Probhu Isorakʼ ṭhonok do mundil oṛakʼre perecʼena.

Genesis 15:17

Siń cando hạsurkate tinre ńutena unre dhũạte perecʼ mitʼṭecʼ jolokʼkan diuhe ar mitʼṭecʼ mosal do jolokʼ ńelena. Ar sajao akatʼ janwarkoakʼ paṛakʼ talate parom calaoena.

Bikʼcạrko 6:21

Unre Probhu Isorren goḍetakʼ tire okaṭakʼ ṭheṅga tahẽkan ona reakʼ agalte ona jel ar bin khạmiyanakʼ piṭhạye ṭunḍukeda. Onate dhiri khon seṅgel rakapʼente jel ar piṭhạye atarkeda, Ar Probhu Isorren goḍet doe chanena.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Daniel 9:20

Nonkage iń doń koejoṅkan tahẽkana, iń ar iń jạtren Israelkoakʼ kại iń aṅgockeda ar ińren Probhu Isor ṭhen acʼakʼ sonot buru lạgitʼ iń nehõrena.

Jesaea 65:24

Ar iń ạuriko hohoạńrege onkoakʼ iń ańjomtakoa, hẽ, katha roroṛkan tulucʼgeń ańjomtakoa.

Exodus 29:43

Israelko sãote onḍegeń ńapamokʼa ar ińakʼ ṭhonok do ona ṭhạ̃iye begar dohokakʼa.

Exodus 19:18

Ona tayom Sinại buru do dhũạte esetʼena, ente Probhu Isor do burure seṅgel tala khone pheḍ hecʼena. Bhaṭa khon cetʼleka dhũạ rakabokʼ ṭhik onkage rakabokʼ ehopʼena goṭa buru do dal dalaoena.

Malaki 3:4

Unre sedaeakʼ din leka, mareakʼ dinko leka Jihudạ ar Jerusalemren hoṛkoakʼ samaṅokʼakʼ jinisko do Probhu Isore kusi ocoyea.

1 Rapajko 9:1

Nonkate Solomon do Probhu Isorakʼ oṛakʼ, raj dolan ar acʼ apnar kusi leka okako kạmiye menletʼ onako sanamakʼe sạtkeda.

Sereńko 26:8

E Probhu Isor, am oka oṛakʼrem tahenkan, onḍege amakʼ ṭhonok hõ tahẽnkana, ar ona ṭhạ̃i do ińiń kusiyakʼ kana.