2 Bõsbudạ 6:16 - সান্তালী বাইবেল

¹⁶ “Ńitokʼ do E Israelren Probhu Isor, amren guti ińren ạpuń Dạud ṭhen okam gokʼletʼ ona baṛe purạume. Amem menleda, uniren hoponko uni leka amakʼ ạn-ạri leka calakʼ reakʼko moneyakʼ khan Israelakʼ siṅghạsonre duṛubokʼ lạgitʼ uniyakʼ bõsren hoṛkoakʼ okulạn do baṅ hoyokʼa.

2 Bõsbudạ 6:16 Referans Kwoze

1 Rapajko 2:4

Enḍekhan Probhu Isor do iń ṭhen okae gokʼakatʼ ona sanamakʼe purạua. Ona gokʼakʼ do hoyokʼkana, ‘amren bõsko goṭa monte pạtiạr salakʼ iń samaṅre taṛam lạgitʼ sontorte akoakʼ jionko khemao enḍekhan Israelkoakʼ siṅghạsonre duṛubokʼ lạgitʼ amakʼ bõsre hoṛkoakʼ okulạn do baṅ hoyokʼa.’

Sereńko 132:12

Amren hoponko ińiń bandhao akatʼ bondobosko manao lekhan ar ińakʼ katha lekako senlen khan one okaṭakʼ iń cetʼako, enḍekhan onkoren hoponko do piṛhike piṛhi amakʼ siṅghạsonreń duṛupʼkoa.”

2 Bõsbudạ 7:18

enḍekhan amakʼ raj siṅghạson do jaejug hạbicʼ iń ṭikạu dohoya, ente iń do amren ạpum Dạud ṭhen iń gokʼletʼ tahẽkana, ‘Israelko ḍanṭaoko lạgitʼ amakʼ bõsren hoṛkoakʼ okulạn do baṅ hoyokʼa.’

Jeheskel 36:37

Ona tayom Probhu Isor do ińe metadińa, “Iń do ar mitʼ dhao Israel jạtrenko iń ṭhen nehõrokʼ iń metakoa ar onkoakʼ nehõrokʼakʼ lekate bhiḍi palko leka onkoren hoṛko alekhań hoyocokoa.

Sereńko 119:1

Bhạgangeako onko do, okoe sạbitko colonetʼkan ar Probhu Isorakʼ hukum lekako calakʼkan.

Sereńko 26:3

ente amakʼ asambheṛ dulạṛ do jao ghuṛi ińakʼ mẽtʼãhã samaṅrege menakʼa; ar amakʼ pạtiạr reakʼ katha disạkate iń doń taṛameda.

1 Rapajko 6:12

“Ińakʼ katha lekam senokʼ, ar ińakʼ niạmkom pańjae ar ińakʼ sanam hukumko taberem tahen enḍekhan okaṭakʼ mundilem benaoetʼkan ona reaṅ amren ạpum ṭhen okań gokʼletʼ ona do am hoteteń purạua.

2 Bõsbudạ 6:17

E Israelren Isor, amren guti ińren ạpuń Dạud ṭhen okaṭakʼem gokʼletʼ ona baṛe purạukʼ ma.

Sereńko 119:9

Juạn do cekate acʼakʼ jion khạṭiye doho daṛeketaea? Uni do eken amakʼ kathako leka senakʼ iạtegeye daṛeakʼa.

Sereńko 132:11

Probhu Isor do Dạud ṭhen noageye kiriạlena one okaṭakʼ do tisge bae rạpud, “Amren mitʼṭen hopon do amakʼ siṅghạsonreń duṛubea.

2 Bõsbudạ 7:17

“Amren ạpum Dạud cetʼ lekae calakʼkan tahẽkan am hõ onkage iń samaṅre calakʼme ar ińakʼ sanam hukum ar niạmko dohoyme,

2 Bõsbudạ 13:5

Ape do cetʼ bape baḍaea, Israelren Probhu Isor do jaejug reakʼ bondobos hotete Dạud ar uni bõsren hoṛko ṭhen jaejug hạbicʼ Israelko lạgitʼ raj hudại emakada mente?

2 Bõsbudạ 21:7

Enhõ Probhu Isor do Dạud lạgitʼ okae bondobose bandhaoletʼ onate uniyakʼ bõsko do bae marao utạrleda. Uni do Dạud ar uni bõsrenko jaejug lạgitʼ mitʼṭecʼ mạli emakoa menteye gokʼletʼ tahẽkana.